Mu rubanza Lt. Joel Mutabazi aregwamo na bagenzi be 15, rwakomereje mu Urukiko Rukuru rwa Gisirikare i Kanombe, kuri uyu wa kabiri tariki 28 Mutarama, benshi mu baregwa bisubiye nyuma y\u2019uko mbere bari bemeye bimwe mu byaha baregwa, Lt. Joel Mutabazi na we yivuguruje ahakana ibyaha yari yemeye mbere ndetse avuga ko atazaburana kuko atizeye urukiko.<\/i><\/p>\n
Kuri uyu munsi urukiko rwasuzumye ibimenyetso bitangwa n\u2019Ubushinjacyaha ndetse rwongera kubaza abaregwa niba bemera ibyo baregwa.<\/p>\n
Lt. Joel Mutabazi wari waremeye bimwe mu byaha aregwa mu mpera z\u2019umwaka ushize kuri uyu munsi yabiteye utwatsi.<\/p>\n
Yabwiye urukiko ko yafashwe binyuranyije n\u2019amategeko ndetse ngo yimwa uburenganzira bwo kuvuga uburyo afunzwemo \u2018avuga ko yakorewe ihohoterwa n\u2019iyicarubozo ndetse n\u2019ubu akaba afunzwe nabi \u2018binyuranyije n\u2019amategeko.\u2019<\/p>\n
Urukiko rwabwiye Mutabazi ko afunzwe byemewe n\u2019amategeko ndetse ko ibyo byarangiye kuburanwa n\u2019urukiko rusanzwe rwa gisirikare i Nyamirambo bityo ngo kuba afite urupapuro rw\u2019umucamanza ruvuga ko afunze, bivuze ko afunze byemewe n\u2019amategeko.<\/p>\n
Mutabazi yabwiye urukiko ati \u201cSintinya gupfa, bambwiye ko bazandasa bakavuga ko natorokaga gereza\u2026 Ndishinganisha kugira ngo nimpfa umuryango wanjye uzabimenye.<\/i>\u201d<\/p>\n
Yongeye abwira urukiko ati\u00a0\u201cIbyo amategeko ateganya azabikore\u2026 Niba amategeko yarirengagijwe mbere, naba nyiringiyemo iki\u00a0?\u201d<\/i><\/p>\n
Ibi byatumye n\u2019umwunganizi wa Mutabazi, M. Mukamusoni Antoinette avuga ko yunganira umukiliya we ariko atamuhagarariye, bityo na we avuga ko nta kindi kintu yarenza ku mwanzuro w\u2019uwo yunganira.<\/p>\n
Ubushinjacyaha bwa gisirikare buhagarariwe na Maj.Somai bwagaragarije urukiko ko ibyo Mutabazi avuga ko azaraswa atari byo ngo kuko ntawugambiriye kwicaumuntu ufunze.<\/p>\n
Bwagize buti\u00a0\u201cLeta y\u2019u Rwanda ntiyica imfungwa, iyo habaho umugambi wo kumwica ntitwari kuza mu rukiko gusuzuma ibyo aregwa.\u201d<\/i><\/p>\n
Isano n\u2019urubanza rwa Lt. Gen Kayumba Nyamwasa na bagenzi be<\/b><\/p>\n
Urukiko rwasomye ibarwa y\u2019Ubushinjacyaha yo kuwa 14 Mutarama, isaba ko Lt. Joel Mutabazi na bagenzi be 15 bahurizwa mu rubanza Lt. Kayumba Nyamwasa areganwamo na Rudasingwa Theogene, AP Gafirita Emile, Cap. Yves Karege, Rubingisa Providence na Turayishimye Jean Paul.<\/p>\n
Ibi ngo bubihera ku kuba ibyaha byabo bifitanye isano.<\/p>\n
Abunganira abaregwa bagaragaje ko nta nyungu babo mu ikomatanya ry\u2019izi manza kuko abaregwa batari mu Rwanda, ndetse babwira urukiko ko byazatinza ubutabera ku bo bunganira.<\/p>\n
Urukiko rwanzuye ko imanza urwa Lt. Gen Faustin Kayumba Nyamwasa na bagenzi be n\u2019urwa Lt. Joel Mutabazi na bagenzi zitandukana.<\/p>\n
Impungenge z\u2019abunganira abaregwa ku bushobozi bw\u2019urukiko<\/b><\/p>\n
Ubusanzwe uru rubanza rwatangiye kuburanishwa mu rwego rw\u2019ibanze mu Rukiko rw\u2019Ibanze rwa Gisirikare i Nyamirambo nyuma rwimurirwa mu Rukiko Rukuru rwa Gisirikare, bitewe n\u2019uburemere ibyaha bifite.<\/p>\n
Gusa none abunganira abaregwa havuyemo Mukamusoni Antoinette wunganira Lt.Joel Mutabazi, batanze impungenge ku bubasha bw\u2019Urukiko, bavuga ko abantu bunganira ari abasivile ko bityo bakwiye kuburanira mu nkiko zisanzwe.<\/p>\n
Urukiko ntirwagize umwanzuro rubifataho rwavuze ko ruzabigarukaho mu iburanisha ry\u2019urubanza mu mizi yarwo, ariko bikurikirana n\u2019ibisobanuro by\u2019Ubushinjacyaha bwa gisirikare bwagaragazaga isano irihagati y\u2019abasivile baregwa n\u2019umusirikare Joel Mutabazi.<\/p>\n
Abenshi mu bareganwa na Lt.Joel Mutabazi bafite ibyaha bahuriraho byo kugambiria kugirira nabi ubutegetsi buriho, kurema umutwe w\u2019abagizi ba nabi, gukangurira kwinjira mu ngabo zitemewe na leta (RNC na FDLR), kugirira nabi ubutegetsi buriho n\u2019iterabwoba.<\/p>\n
Gusa abo mu muryango wa Lt.Mutabazi ni ukuvuga Karemera Jackson mwene se, Mutamba Eugene (bafitanye isano ryo mu muryango) na Gasengayire Diane (uvukana n\u2019umugore we) bahurira ku cyaha cyo gutunga imbunda ku buryo bunyuranyije n\u2019amategeko.<\/p>\n
Urubanza ruzasubukurwa kuri uyu wa gatatu tariki ya 29 Mutarama, 2014. Twibutse ko kuri uyu wa kabiri abagize icyo basobanurira inteko y\u2019iburanisha ikuriwe na Maj. Hategekimana Bernard ari abafitanye isano yo mu miryango na Lt. Mutabazi.<\/p>\n
HATANGIMANA Ange Eric
\nUMUSEKE.RW<\/b><\/p>\n","protected":false},"excerpt":{"rendered":"
Mu rubanza Lt. Joel Mutabazi aregwamo na bagenzi be 15, rwakomereje mu Urukiko Rukuru rwa Gisirikare i Kanombe, kuri uyu wa kabiri tariki 28 Mutarama, benshi mu baregwa bisubiye nyuma y\u2019uko mbere bari bemeye bimwe mu byaha baregwa, Lt. Joel Mutabazi na we yivuguruje ahakana ibyaha yari yemeye mbere ndetse avuga ko atazaburana kuko atizeye […]<\/p>\n","protected":false},"author":4,"featured_media":4766,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[64,63],"tags":[],"class_list":["post-4765","post","type-post","status-publish","format-standard","has-post-thumbnail","hentry","category-amakuru","category-ubutabera"],"yoast_head":"\n