Ku gicamunsi cyo kuri uyu wa Gatanu, urukiko rukuru mu Rwanda rwakatiye Dieudonne Ishimwe uzwi nka \u201cPrince Kid\u201d igihano cy\u2019igifungo cy\u2019imyaka itanu muri gereza.<\/p>\n
Umucamanza mu rukiko rukuru byamufashe byibura igihe kigera mu isaha asoma imikirize y\u2019urubanza Bwana Dieudonne Ishimwe bakunze kwita \u201cPrince Kid\u201d aregwamo n\u2019ubushinjacyaha.<\/p>\n
Uregwa ntiyari mu cyumba cy\u2019urukiko ndetse n\u2019abamwunganira mu rwego rw\u2019amategeko. Hagaragaye gusa uruhande rw\u2019ubushinjacyaha. Ni mu rubanza rw\u2019ubujurire nyuma y\u2019aho urukiko rwisumbuye rwa Nyarugenge rumugize umwere.<\/p>\n
Mu guhanisha uregwa igihano cy\u2019igifungo cy\u2019imyaka itanu n\u2019ihazabu ya miliyoni ebyiri, umucamanza mu rukiko rukuru yavuze ko umucamanza mu rukiko rwisumbuye rwa Nyarugenge yabuze ugushishoza mu cyemezo yafashe cyo kugira umwere Prince Kid.<\/p>\n
Amaperereza yakozwe n\u2019urwego rw\u2019ubugenzacyaha mu Rwanda RIB yemeza ko Ishimwe yasambanyaga bamwe mu bakobwa bitabiriraga amarushanwa ya nyampinga w\u2019u Rwanda ndetse na bamwe mu batwaye amakamba muri ayo marushanwa.<\/p>\n
Abakobwa bamushinja bavuga ko yabikoze yitwaza ububasha yari afite muri Rwanda Inspiration backup yateguraga ayo marushanwa. Uwahawe izina rya BMF ubushinjacyaha bwemeza ko uregwa yamukoresheje imibonano mpuzabitsina ku gahato, nta bushake bwuzuye afite nyuma yo kumuha ibisindisha.<\/p>\n
Ku nyandiko bamwe muri abo bakobwa bakoreye imbere ya noteri bavuguruza ubuhamya batanze mu bugenzacyaha no mu bushinjacyaha , urukiko rukuru rwaziteye utwatsi. Ni cyo kimwe n\u2019ubuhamya batangiye mu rukiko rwisumbuye rwa Nyarugenge.<\/p>\n
Abo bakobwa bemeza ko Prince Kid atabahohoteye nyamara mu bugenzacyaha barabyemeje. Urukiko rukuru rwanzuye ko umutangabuhamya wivuguruje cyangwa wahinduye imvugo atari we uha agaciro ubuhamya bwe, bigenwa n\u2019urukiko.<\/p>\n
Rwavuze ko ibyo babajijweho mu bugenzacyaha no mu bushinjacyaha ari byo bifite agaciro. BKF avuga ko Ishimwe yamusambanyije mu bihe bidasanzwe bya Guma mu rugo amuha amafaranga yo kumutunga na musaza we no kwishyura ishuli.<\/p>\n
Urukiko rukuru rukavuga ko urukiko rwabanje rutagaragaje niba uko kwemera gusambana n\u2019uregwa kwari kuzuye. Umucamanza mu rukiko rukuru yavuze ko uwamubanjirije atashishoje bituma aha agaciro ibimenyetso by\u2019uregwa kandi bishidikanywaho.<\/p>\n
Nyuma y\u2019iryo sesengura umucamanza mu rukiko rukuru yatangaje ko uregwa ahamwa n\u2019ibyaha bibiri; icyaha cyo gukoresha undi imbonano mpuzabitsina ku gahato n\u2019icyaha cyo gusaba cyangwa gukoresha ishimishamubiri rishingiye ku gitsina.<\/p>\n
Umucamanza yamuhanaguyeho icyaha cyo guhoza undi ku nkeke bifitanye isano n\u2019imibonano mpuzabitsina. Umucamanza yavuze ko ibyaha bihama Prince Kid bigize \u201cimpurirane mbonezamugambi.\u201d<\/p>\n
Yavuze ko yagombye kuba amuhanisha igifungo cy\u2019imyaka 16 n\u2019ihazabu ya miliyoni ebyiri z\u2019amafaranga y\u2019amanyarwanda. Yamugabanyirije igihano amukatira gufungwa imyaka itanu no gutanga ihazabu ya miliyoni ebyiri. Yavuze ko hari ku nshuro ya mbere uregwa ahanwa n\u2019inkiko.<\/p>\n
Umucamanza kandi yategetse ko Ishimwe Dieudonne bakunze kwita Prince Kid agomba kwishyura amagarama y\u2019urubanza angana n\u2019amafaranga 40.000.<\/p>\n
Uko yagendaga asoma ingingo ku yindi yumvikanisha ko uregwa ahamwa n\u2019ibyaha , ni na ko abakunzi be bari baje kumva urubanza bagendaga bahaguruka umwe umwe bagataha bimyoza.<\/p>\n
Ijwi ry\u2019Amerika ntiryabashije kubona uruhande rwatsinzwe ngo rimenye uko rugiye kubyitwaramo. Hari umunyamategeko watubwiye ko uru rwego Prince Kid yatsindiweho ari rwo rwa nyuma.<\/p>\n
Uwo munyamategeko yatubwiye ko igishoboka ku ruhande rwatsinzwe ari ukwandikira perezida w\u2019urukiko rw\u2019ubujurire rutakamba rumusaba gusubirishamo urubanza ku mpamvu z\u2019akarengane. Ibyo yabikora mu gihe kitarenze iminsi 30.<\/p>\n
Yatubwiye ko kuba Prince Kid hari ku nshuro ya mbere atsinzwe muri uru rubanza ibyo bimuha amahirwe yo kuba igihe yakwandikira urukiko rw\u2019ubujurire bamwumva vuba.<\/p>\n
Mu mwaka ushize wa 2022 ni bwo urukiko rwisumbuye rwa Nyarugenge rwari rwagize umwere Ishimwe kuri ibi byaha byose, rutegeka ko ahita asohoka muri gereza. Aregwa ibyaha byo kuva mu mwaka wa 2019 kugeza mu 2022.<\/p>\n
Intandaro ni amakuru yagaragaye mu bitangazamakuru bitandukanye by\u2019imbere mu gihugu avuga ko mu marushanwa ya nyampinga w\u2019u Rwanda habamo ruswa ishingiye ku gitsina. Byateye urwego rw\u2019ubugenzacyaha kubikoraho iperereza ruhereye ku itumanaho rya Ishimwe.<\/p>\n
Nibutse ko yahoze akuriye ikigo Rwanda Inspiration Backup cyateguraga amarushanwa ya nyampinga w\u2019u Rwanda. Kuva Prince Kid yafungwa ku rwego rwa mbere ayo marushanwa yakurikirwaga n\u2019abatari bake hirya no hino ku isi mu rwego rw\u2019imyidagaduro, ubutegetsi bwabaye buyahagaritse mu buryo bwise \u2018ubw\u2019agateganyo\u2019.<\/p>\n
VOA<\/p>\n","protected":false},"excerpt":{"rendered":"
Ku gicamunsi cyo kuri uyu wa Gatanu, urukiko rukuru mu Rwanda rwakatiye Dieudonne Ishimwe uzwi nka \u201cPrince Kid\u201d igihano cy\u2019igifungo cy\u2019imyaka itanu muri gereza. Umucamanza mu rukiko rukuru byamufashe byibura igihe kigera mu isaha asoma imikirize y\u2019urubanza Bwana Dieudonne Ishimwe bakunze kwita \u201cPrince Kid\u201d aregwamo n\u2019ubushinjacyaha. Uregwa ntiyari mu cyumba cy\u2019urukiko ndetse n\u2019abamwunganira mu rwego […]<\/p>\n","protected":false},"author":2,"featured_media":47444,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-47813","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n