Komite Mpuzabikorwa ya FDU-Inkingi yateranye kuwa Gatatu tariki ya 12 Gashyantare 2014 isuzuma ubutumire n\u2019inyandiko yagejejweho na Perezida w\u2019ishyaka RDI-Rwanda Rwiza, Bwana Twagiramungu Faustin. Ubwo butumire bukaba ari ubwo gusinya amasezerano yo gushinga urugaga ruhuriweho n\u2019amashyaka ya politiki RDI-Rwanda Rwiza, PDP-Imanzi, PS-Imberakuri n\u2019umutwe wa FDLR.<\/p>\n
Ishyaka FDU-Inkingi rimaze kubona raporo y\u2019inama y\u2019ayo mashyaka ryagejejweho n\u2019intumwa yaryo yitabiriye iyo nama yateranye kuwa Gatandatu tariki ya mbere Gashyantare 2014, ryandikiye uwatumije inama, Bwana Twagiramungu Faustin, rimugezaho impungenge riterwa n\u2019umuvuduko udasanzwe uranga iyo mishyikirano n\u2019ibyifuzo bya ngombwa bigomba kwitabwaho mbere yo kurema iyo mpuzamashyaka.<\/p>\n
Nyuma y\u2019iyo nama, Ishyaka FDU-Inkingi ryabwiye Bwana Twagiramungu Faustin ko :<\/p>\n
\u2022 Rishyigikiye ubufatanye n\u2019andi mashyaka, ko ariko ubwo bufatanye bugomba kwubakwa bushingiye mu mizi ;
\n\u2022 Abashaka ubwo bufatanye bagomba kubanza gusuzumira hamwe imisesengurire y\u2019ibibazo byatumye igihugu cyacu n\u2019abanyarwanda bagwa mu mahano ;
\n\u2022 Bagomba kureba niba ibibatanya bishobora gukemurwa ;
\n\u2022 Bakwiye gusuzuma niba babona kimwe politiki yo mu karere no mu yandi mahanga,
\n\u2022 Bagomba kurebera hamwe niba bahuje indangagaciro n\u2019imibonere y\u2019ubutegetsi bunogeye abanyarwanda ;
\n\u2022 Bagomba kurebera hamwe niba bahuje inzira yo kugera ku mpinduramatwara bashishikariza abanyarwanda ;
\n\u2022 Bamaze kureba ibyo bahuriyeho n\u2019ibibatanya ni bwo barebera hamwe inzengo z\u2019ubufatanye bakwubakiraho.<\/p>\n
Kubera ko izo mpamvu zose zavuzwe hejuru zititaweho:<\/p>\n
\u2022 Ishyaka FDU-Inkingi rivuye muri iyo mishyikirano. Ntirizitabira rero inama iteganijwe kuwa 15 Gashyantare 2014 yatumijwe na Perezida wa RDI-Rwanda Rwiza, Bwana Twagiramungu Faustin;
\n\u2022 Ishyaka FDU-Inkingi rishobora kuzasubira muri iyo mishyikirano ari uko amapfundo yose aziritse uwo mushinga apfundutse, kandi bimaze gusuzumwa no kwemezwa na Kongre y\u2019abarwanashyaka iteganijwe mu minsi ya vuba aha.<\/p>\n
Amakuru menshi twegeranije areba ibibundikiye iyo mishyirano tuzayagarukaho mu minsi iri imbere.<\/p>\n
Murakarama.<\/p>\n
Bikorewe i Lausanne, mu Busuwisi, kuwa 13 Gashyantare 2014.<\/p>\n