Mu ntara ya Nord-Kivu, ubuyobozi bw\u2019inzego z\u2019iperereza mu gihugu cya Repubulika Iharanira Demokarasi ya Congo (RDC) bwataye muri yombi umuyobozi w\u2019intara w\u2019ikigo cy\u2019igihugu gishinzwe iperereza (ANR), hamwe n\u2019abamwungirije babiri n\u2019umuvugizi wa gisivili wa guverineri wa Nord-Kivu. Ibi byabaye ku wa kabiri tariki ya 13 Gashyantare, aho bafatiwe i Goma mbere yo guhita boherezwa i Kinshasa uwo munsi.<\/p>\n
Iki cyemezo cyafashwe n\u2019ubuyobozi bw\u2019inzego z\u2019ubutasi bwa gisirikare, bushinja aba bayobozi ubufatanye bushoboka n\u2019umutwe w\u2019inyeshyamba wa M23, ukaba ushyigikiwe n\u2019igihugu cy’U Rwanda. Ibiro by\u2019iperereza rya gisirikare byatangaje ko byafashe uyu mwanzuro nyuma yo kubona amakuru y\u2019itumanaho ryakozwe hagati y\u2019abakekwaho icyaha n\u2019inyeshyamba za M23.<\/p>\n
Umuvugizi mushya wa gisivili wa guverineri wa gisirikare wa Nord-Kivu, uherutse gushyirwaho hashize ibyumweru bike, yari asanzwe ari umunyamuryango w\u2019ishyaka rya politiki rya Corneille Nangaa, ariko yarivuyemo mbere gato y\u2019amatora.<\/p>\n
Nabibutsa ko uyu Corneille Nangaa, wigeze kuba umukuru wa Komisiyo y’amatora yaje gushinga ishyaka ritavuga rumwe n’ubutegetsi, mbere y’amatora gato yabaye ku wa 20 Ukuboza 2023 muri Congo yagiye kwiyunga n’inyeshyamba za M23 mu cyo yise Alliance du Fleuve Congo. Mu minsi ya vuba aha yagaragaye ku mashusho yigamba ko ingabo za M23 zashoboye gufungira umuhanda Goma-Bukavu ahitwa Shasha.<\/p>\n
Ubwo yabazwaga kuri iyi ngingo y’abatawe muri yombi, umuvugizi wa gisirikare wa Guverineri wa Nord-Kivu, Lieutenant-Colonel Njike Kaiko, yatangaje ko dosiye y\u2019aba bayobozi ubu iri mu maboko y\u2019ubutabera.<\/p>\n
Iri tabwa muri yombi ribaye mu gihe imirwano ikomeje hagati y\u2019ingabo za FARDC n\u2019umutwe wa M23 ushyigikiwe n\u2019ingabo z’U Rwanda, mu nkengero za Sake, mu karere ka Masisi muri Nord-Kivu.<\/p>\n
Tariki ya 5 Gashyantare i Kinshasa, Inama Nkuru y\u2019Umutekano ya Repubulika Iharanira Demokarasi ya Congo (CSD) yaganiriye ku bibazo by\u2019umutekano bijyanye n\u2019ubugambanyi buvugwa muri bamwe mu bagize ingabo n\u2019inzego z\u2019umutekano, hasabwe ko hasubizwaho by’agateganyo igihano cy’urupfu ku byaha byo kugambanira igihugu cyangwa gukorana n’abarwanya igihugu, cyane cyane mu rugamba rwo kurwanya umutwe wa M23. Umuvugizi wa Leta yavuze ko icyo cyifuzo cya Ministre w’ubutabera cyabagezeho ariko nta cyemezo kuri iyi ngingo kiratangazwa ku mugaragaro<\/p>\n","protected":false},"excerpt":{"rendered":"
Mu ntara ya Nord-Kivu, ubuyobozi bw\u2019inzego z\u2019iperereza mu gihugu cya Repubulika Iharanira Demokarasi ya Congo (RDC) bwataye muri yombi umuyobozi w\u2019intara w\u2019ikigo cy\u2019igihugu gishinzwe iperereza (ANR), hamwe n\u2019abamwungirije babiri n\u2019umuvugizi wa gisivili wa guverineri wa Nord-Kivu. Ibi byabaye ku wa kabiri tariki ya 13 Gashyantare, aho bafatiwe i Goma mbere yo guhita boherezwa i Kinshasa […]<\/p>\n","protected":false},"author":2,"featured_media":48212,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-48211","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n