Ku wa gatanu tariki ya 23 Gashyantare 2024, mu kiganiro n’abanyamakuru i Kigali, Wellars Gasamagera, Umunyamabanga Mukuru w’Ishyaka rya FPR-Inkotanyi, yatangaje itangira ry’igikorwa cy\u2019amatora y\u2019ibanze mu ishyaka, mbere y’amatora ya Perezida n’abagize inteko ishingamategeko yo mu kwezi kwa Nyakanga 2024.<\/p>\n
Gutora kw’abanyamuryango ba FPR-Inkotanyi kuzatangira ku wa gatandatu tariki ya 24 Gashyantare, aho bazahitamo umukandida uzabahagararira mu matora ya Perezida ndetse n’abazabahagararira mu Nteko Ishinga Amategeko. Iki gikorwa cyo gutora kizamara ibyumweru bitatu, kikazasozwa n’inama rusange izabera mu kwezi kwa Werurwe, aho hazemezwa ku mugaragaro abazahagararira ishyaka.<\/p>\n
Abanyamuryango ba FPR Inkotanyi mu mahanga ntabwo bazitabira amatora y\u2019ibanze azatangira kuri uyu wa Gatandatu. Gasamagera Wellars, yavuze ko impamvu ari uko ubukangurambaga muri diaspora bugorana, bakaba barasanze byaba byiza Abanyarwanda bari muri diaspora bitabajwe mu gihe cy\u2019amatora. Ati \u201cUmusanzu w\u2019Abanyarwanda bari mu mahanga tuzawubasaba igihe cy\u2019amatora rusange.\u201d Yasabye abanyamuryango ba FPR Inkotanyi muri diaspora kwizera bagenzi babo bari imbere mu gihugu, ku bakandida bazabahitiramo bazahagararira umuryango mu matora rusange azaba muri Nyakanga.<\/p>\n
Gasamagera Wellars, yasubije ababaza FPR impamvu itareka andi mashyaka ngo nayo ayobore. Ati \u201cNone se ko igihugu kitaragera aho dushaka, tuzabikora kubera umudeli? Wakinisha ubuzima bw\u2019Abanyarwanda ngo ni umudeli? Igihe cyose Abanyarwanda bazaba bagishaka ko tugendana, ntawe twaha impano yo kuvuga ngo mwakire, maze ngo dutugereze ko ibintu bizazamba tugaruke. Kwaba ari ugukinisha ubuzima bw\u2019Abanyarwanda kuko ntaho turageza.\u201d \u201cAbabivuga bakomeze babivuge ariko ntibizaduca intege. Igihe cyose Abanyarwanda bazatugirira icyizere, tuzakomezanya urugendo rwo kubaka igihugu cyacu.”<\/em><\/p>\n Ikibazo cy’uburyo FPR-Inkotanyi yafungura urubuga rwa politiki gikunze gukomozwaho n’abatavuga rumwe n’iryo shyaka n’abakurikiranira hafi politiki mpuzamahanga, bashinja leta y’u Rwanda, iyobowe na FPR, gufunga urubuga rwa politiki ku batavuga rumwe nayo, binyuze mu gukoresha inzego z’umutekano n’iz’ubuyobozi bw’igihugu ndetse rimwe na rimwe hagakoreshwa guhohotera n’ubwicanyi ku ushatse wese kuvuga ibitandukanye n’amahame ya FPR cyangwa ushatse kuvuga amateka mu buryo butandukanye n’uburyo FPR yabigennye.<\/p>\n Umunyamabanga Mukuru wa FPR Inkotanyi, yavuze ku biherutse gutangazwa n\u2019ishyaka CNDD-FDD ryo mu Burundi, ko bashobora gukorana mu kuzahura umubano w\u2019ibihugu byombi. Yavuze ko kugeza ubu CNDD-FDD itarabandikira ibisaba. Ati \u201cNi byo koko ishyaka ry\u2019i Burundi ryagiranye umubano na FPR Inkotanyi kuva hambere ariko imibanire y\u2019ibihugu byacu byombi ishingira ku nzego za Leta z\u2019ibyo bihugu. Ntabwo twabyanga riramuste ribikoze ariko kugeza ubu ntabwo rirabikora.”<\/em> Yakomeje agira ati \u201cGusa ikibazo twakirekera Leta ariko batwitabaje muri ibyo biganiro nk\u2019ishyaka, twaganira nabo ariko tugendera ku murongo Leta zafashe. Ntabwo twakwiyomora kuri Leta kandi arizo zishinzwe ibijyanye n\u2019umubano w\u2019ibihugu byombi.\u201d<\/em><\/p>\n