Abanyamategeko bunganira Madamu Beatrice Munyenyezi babwiye urukiko rwisumbuye rwa Huye ko abatangabuhamya bamushinje ibyaha bita \u201cIbinyoma\u201d mu mugambi wo kumugerekaho urusyo. Ni mu rubanza Munyenyezi aburanamo n\u2019ubushinjacyaha ibyaha bya jenoside.<\/p>\n
Abanyamategeko Bruce Bikotwa na mugenzi we Felicien Gashema bunganira Beatrice Munyenyezi batindanye ijambo rya nyuma ku rubanza aburanamo n\u2019ubushinjacyaha ibyaha bya jenoside. Bavuze ko abatangabuhamya bamushinja ibyaha nyamara batari bamuzi mbere no mu gihe cya jenoside.<\/p>\n
Bavuga ko abashinja Munyenyezi baranzwe no kwivuguruza, kuvuguruzanya no kutavugisha ukuri mu nzego z\u2019ubugenzacyaha, mu bushinjacyaha no mu rukiko. Aba banyamategeko bakavuga ko ahubwo abashinjuye uwo bunganira barimo Atanaziya Mukamwiza, Alufonsine Nyiraburiri ari bo bavugishije ukuri mu buhamya bwabo.<\/p>\n
Munyenyezi, ni umukazana wa Polina Nyiramasuhuko wahoze ari minisitiri w\u2019umuryango ku ngoma y\u2019abatabazi. Inkiko za Arusha zamuhamije ibyaha bya jenoside zimukatira gufungwa imyaka 47. Ni mu gihe umugabo wa Munyenyezi, Arsene Shalom Ntahobari, na we yahanishijwe gufungwa imyaka 25 ku byaha bya jenoside.<\/p>\n
Leta Zunze Ubumwe z\u2019Amerika yirukanye mu mwaka wa 2021 yamwirukanye ku butaka bwayo, nyuma yo gusanga yaratanze amakuru atarimo ukuri ku binjira n\u2019abasohoka. Ibyaha aregwa bikekwa ko yabikoreye mu cyahoze ari perefegitura ya Butare. Arabihakana akavuga ko bishingiye ku nyungu za politiki.<\/p>\n
Umucamanza yatangaje ko apfundikira urubanza kuri uyu wa Gatatu, niba nta gihindutse.<\/p>\n