Imiryango iharanira uburenganzira bwa muntu n\u2019abaturage muri Repubulika ya Demokarasi ya Kongo batewe impungenge n\u2019icyemezo cya leta cyo gusubukura igihano cyo kwicwa<\/p>\n
Ni igihano gisubukuwe kubera ikibazo cy\u2019umutekano muke mu burasirazuba bw\u2019igihugu n\u2019intambara hagati y\u2019ingabo za Leta n\u2019umutwe wa M23. Kigamije guhana abashinjwa gukorana n\u2019uwo mutwe.<\/p>\n
Mu rwandiko Minisitiri w\u2019ubutabera wa Kongo, Rose Mutombo yoherereje inkiko nkuru za gisivile, ndetse ni iz\u2019igisirikare mu cyumweri gishize, yazigaragarije ibizashingirwaho mu gushyira mu bikorwa iryo tegeko.<\/p>\n
Yerekana ko impamvu nyinshi zatumye leta igarura iryo tegeko ryari ryahagaritswe mu mwaka wa 2003, zirimo ikibazo cy\u2019ubugambanyi, ubutatsi, ndetse no kwitabira udutsiko tw\u2019amabandi yitwaje imbunda.<\/p>\n
Mu nyandiko ye, Ministri Mutombo yerekana kandi ko hashize imyaka 30 mu burasirazuba bwa Kongo habera intambara zigenda zisubiramo, ziterwa n\u2019ibihugu by\u2019amahanga bafatanya na bamwe mu baturage ba Kongo.<\/p>\n
Bamwe mu baturage bavuganye n\u2019ijwi ry\u2019Amerika basanga iki cyemezo cya leta kitari gikwiriye kuko umukuru w\u2019igihugu cya Kongo na we ubwe yivugiye ko ubutabera bw\u2019iki gihugu burwaye.<\/p>\n
S\u00e9n\u00e9galais Bizima, umugabo uri mu kigero cy\u2019imyaka 60 y\u2019amavuko uri mu bayobozi bakora mu rwego rw\u2019uburezi muri Teritware ya Fizi, we asanga iyo ngingo yari ikenewe. Kuri we, umuco wo kudahana ni wo utuma ubwicanyi n\u2019ubugizi bwa nabi byiyongera mu burasirazuba bw\u2019igihugu.<\/p>\n
Ku bireba amategeko nyirizina, inzobere mu by\u2019ubutabera, Fidel Sebahizi avuga ko ishirwa mu bikorwa ry\u2019iki cyemezo mu duce turimo intambara bizagira ingaruka nyinshi.<\/p>\n
Bamwe mu baharanira uburenganzira bwa muntu muri Kongo bavuga ko uku kugarura igihano cy\u2019urupfu ari ugusubira inyuma cyane.<\/p>\n
Ijwi ry\u2019Amerika ryagerageje kuvugisha abayobozi b\u2019umutwe wa M23, ntibyadushobokera. Ntibigeze basubiza n\u2019ubutumwa bugufi twabandikiye.<\/p>\n
Muri Kongo ingingo zimwe na zimwe z’amategeko zerekeye ibyaha bihanishwa igihano cy’urupfu, harimo ibyaha by\u2019ubugambanyi, ubutasi, kwitabira udutsiko twitwaje intwaro, kugira uruhare mu myigaragambyo yo kwigomeka.<\/p>\n
Kuri ibyo, hiyongereyeho ibyaha by’intambara, ibyaha bya jenoside n’ibyaha byibasiye inyokomuntu. Gusa kuva mu mwaka wa 2003 ntawahanishijwe icyo gihano.<\/p>\n