Perezida w\u2019u Rwanda Paul Kagame arashinja mugenzi we wa Repubulika ya Demokarasi ya Kongo Felix Tshisekedi kuyobya no kugonganisha inzego zo mu karere ku miterere y\u2019ibibazo by\u2019intambara zo mu burasirazuba bw\u2019igihugu cye.<\/p>\n
Ibi perezida Kagame yabigarutseho mu kiganiro cyihariye yagiranye n\u2019ikinyamakuru Jeune Afrique.<\/p>\n
Muri iyco kiganiro Prezida Kagame yavuze ko mugenzi we wa Repubulika ya Demokarasi ya Kongo, Perezida Felix Tshisekedi yifitemo ubuhanga bwo kubobya no kugonganisha abategetsi bo mu karere no hanze yako ku bibazo by\u2019intambara zibera mu burasirazuba bwa Kongo. Perezida w\u2019u Rwanda akavuga ko mugenzi we atabivuga uko biri n\u2019inkomoko yabyo.<\/p>\n
Kagame yagize ati \u201cTshisekedi yabashije kuyobya abayobozi ku giti cyabo, ibihugu, ubu ageze mu miryango ihuza ibihugu, arenda guteza ubwumvikane buke hagati y\u2019imiryango ihuza ibihugu.”<\/p>\n
Uyu muyobozi yavuze ko mugenzi we wa Kongo yagonganishije imiryango SADC na EAC. Agira ati “None kubera iki tutashaka uburyo twabiganiraho, ntitwemerere Tshisekedi kugena ibikwiye kugenderwaho, kubera ko aranabeshya, turabizi ko abeshya?\u201d<\/p>\n
Umunyamakuru amubajije ku buryo afata nk\u2019 Ibikangisho bya Perezida Tshisekedi birimo ko mu mwaka ushize wa 2023 yavugaga ko ashobora kurasa Kigali bitamusabye kugera ku butaka bwayo. Aha Bwana Kagame yagize ati<\/p>\n
\u201cKubera iki ntabiha uburemere? Na we ubwe nta bushobozi afite bwo kumva ingaruka z\u2019ibyo arimo kuvuga nk\u2019umuyobozi w\u2019igihugu! Kubwanjye ibyo ubwabyo ni ikibazo! Ikibazo gikomeye gituma ngomba kwitegura uko nahangana nacyo! Ibyo bisobanuye ko ijoro rimwe ashobora kubyuka agakora ikintu utatekereza ko umuntu muzima yakora.\u201d<\/p>\n
Naho ku byasabwe u Rwanda na Bwana Felix Tshisekedi wa Kongo kugira ngo imibano y\u2019ibihugu byombi yongere kuzanzamuka, umukuru w\u2019u Rwanda asanga n\u2019igihugu abereye ku isonga hari ibyo kigomba gusaba Kongo.<\/p>\n
\u201cNiba uvuga ku bigombera gusabwa, ibyo byasobanura ko natwe twashyiraho ibyo dusaba byabanza gukorwa. Sinzahura na Perezida Tshisekedi atarisubiraho ku magambo yivugiye ubwe ku bijyanye no ko gutera u Rwanda, no guhindura ubutegetsi mu Rwanda nk\u2019uko yabyivugiye mu ruhame. Nanavuga ngo, mu gihe FDLR itarava muri Kongo, sinzaganira na Perezida Tshisekedi. N\u2019ibindi n\u2019ibindi. Ibi rero ntacyo bifasha ku ntego yo kugarura amahoro.\u201d<\/p>\n
Prezida Kagame kandi muri icyo kiganiro avuga ko Perezida w\u2019 u Burundi Evariste Ndayishimiye ari umubeshyi kuko atamubwije ukuri ku kohereza izindi ngabo muri Kongo nyamara u Rwanda rwari rufite ayo makuru.<\/strong><\/p>\n Imyaka igera muri ibiri irihiritse hagenda humvikana amagambo akarishye ku minwa y\u2019abategetsi b\u2019u Rwanda na Repubulika ya Demokarasi ya Kongo. Ibihugu byombi bikunze kwitana ba mwana ku bibazo by\u2019umutekano muke bimaze imyaka itari mike mu Burasirazuba bwa Repubulika ya Kongo.<\/p>\n U Rwanda rushinjwa gutera inkunga abarwanyi b\u2019umutwe wa M23 ubarizwa muri Repubulika ya Demoakarsi ya Kongo. Ni ibirego rudasiba kwamaganira kure. Ku rundi ruhande na rwo rushinja Kongo gucumbikira abarwanyi bo mu mutwe wa FDLR ugizwe na bamwe u Rwanda ruvuga ko basize baruhekuye muri jenoside yo mu 1994.<\/p>\n Kugeza ubu ibihugu byashyizwe mu majwi na Perezida w\u2019u Rwanda ntacyo biratangaza ku magambo ye<\/p>\n