Mu Rwanda, bamwe mu baturage bo mu karere ka Rubavu umurenge wa Cyanzarwe akagali ka Busigari bahangayikishijwe n\u2019umutekano wabo nyuma y\u2019uko umusirikare w\u2019u Rwanda yishe umusore w\u2019imyaka 15.<\/p>\n
Hari mu ma saha ya mu gitondo ubwo Ijwi ry’Amerika ryagera mu mudugudu wa Bugu aho uwo musore yiciwe. Inzego z\u2019umutekano zirimo abasirikare n\u2019aba polisi, RIB, n\u2019inzego zibanze na bo rugikubita bari bahageze.<\/p>\n
Ijwi ry’Amerika ryasanze kandi hari abaturage bari mu myigaragambyo yamagana ubwicanyi bwakorewe uyu umusore w\u2019imyaka 15 witwa Maniragaba Samuel warashwe isasu ryo mu gatuza n\u2019umusirikare w\u2019u Rwanda.<\/p>\n
Insiguro zatanzwe n’umuyobozi ushinzwe imibereho myiza y\u2019abaturage mu karere ka Rubavu, Ishimwe Pacifique, z’icatumye umusirikare “Paul” arasa Maniragaba Samuel , zitandukanye n’izo abaturage batuye muri aka gace batangarije Ijwi ry’Amerika.<\/p>\n
Bamwe mu baturage batuye muri aka gace bongeye kubwira Ijwi ry\u2019Amerika ko batari bamenyereye iyi mico ku basirikare b\u2019u Rwanda. Kuri bo iyicwa ry\u2019uwo musore ryatumye ubwoba buba bwose muri benshi mu batuye ako gace, kuko biramutse bikomeje batazajya babasha kubatandukanya n\u2019abasirikare bo mu mitwe yo mu gihugu cya Repuburika ya demokrasi ya Kongo.<\/p>\n
Abaturage bo muri aka karere gakora ku mupaka na Kongo basabye ubuyobozi ko igisirikare cy\u2019u Rwanda cyakongera kwibutswa inshingano zacyo zo kwita ku mutekano w\u2019abaturage.<\/p>\n
Fyonda hasi wumve ibindi kuri ino nkuru ya Gloria Tuyishime.<\/p>\n