Mu Rwanda, amakuru atangwa na bamwe mu bayobozi b\u2019urwego rw\u2019amagereza aremeza ko hari abacungagereza n\u2019abayobozi babo batangiye imyigaragambyo yo kwiyicisha inzara. Baravuga ko bafungiwe ubusa mu gihe kigera ku mezi atanu.<\/p>\n\n\n\n
Abahaye amakuru Ijwi ry\u2019Amerika ni abakozi batandukanye bo mu rwego rushinzwe amagereza mu Rwanda. Baravuga ko abacungagereza batandukanye kuva kuwa Gatanu w\u2019icyumweru gishize batangiye imyigaragambyo yo kwiyicisha inzara aho bafungiwe mu kigo gishinzwe imyitwarire y\u2019abacungagereza. Kandi ko batazi icyo bafungiwe. Aha ni na ho habera amahugururwa n\u2019imyitozo i Rwamagana mu Burasirazuba bw\u2019u Rwanda.<\/p>\n\n\n\n
Ijwi ry\u2019Amerika imenya aya makuru bwa mbere hari mu kwezi kwa Gatatu uyu mwaka. Yari akomotse mu rubanza rwa bamwe mu bahoze ari abayobozi ba gereza ya Nyakiriba mu karere ka Rubavu, n\u2019abahafungiwe baregwa ibyaha by\u2019iyicarubozo mu magereza.<\/p>\n\n\n\n
Kuva ubwo umunsi ku wundi ni ko twitaba telefone za bagenzi babo badafunzwe zibatabariza. Nkuko byemejwe n\u2019umukozi mu rwego rw\u2019amagereza mu Rwanda umazemo imyaka irenga 10 muri ako kazi.<\/p>\n\n\n\n
Iyo uganiriye n\u2019abacungagereza badafunzwe cyane abakorera ku biro bikuru bakunda gushyira mu majwi umuyobozi wungirije w\u2019urwego rw\u2019amagereza mu Rwanda Madamu Rose Muhisoni bamwikoma kubafata nabi. Uyu bakavuga ko n\u2019umukuriye asa n\u2019utamufiteho ijambo kuko bemeza ko afata ibyemezo akabivuguruza.<\/p>\n\n\n\n
Ijwi ry\u2019Amerika ryababajije isoko z\u2019amakuru zaryo zikorera mu rwego rw\u2019imfungwa n\u2019abagororwa niba hari icyo baba bazi cyatuma bagenzi babo bafungwa. Yavuze ko baregwa ubucuti bwihariye n\u2019abafungwa.<\/p>\n\n\n\n
Radiyo Ijwi ry\u2019Amerika yavuganye n\u2019umuvugizi w\u2019urwego rw\u2019imfungwa n\u2019abagororwa mu Rwanda ibyerekeye aya makuru. Madamu Thereze Kubwimana yayahakanye.<\/p>\n\n\n\n
Umubyeyi umwe utifuje kugaragaza imyirondoro ye mu itangazamakuru yemereye Ijwi ry\u2019Amerika ko atuye mu Burasirazuba bw\u2019u Rwanda mu karere ka Rwamagana. Avugana n\u2019ijwi ry\u2019Amerika yahamije ko umugabo we w\u2019umucungagereza afunzwe kandi ko baherukana mu ntangiriro z\u2019ukwezi kwa 12.<\/p>\n\n\n\n
Abakora mu rwego rw\u2019amagereza mu Rwanda badafunzwe bakavuga ko gufunga bagenzi babo batazi impamvu birushaho guteza umwuka mubi ku rwego.<\/p>\n\n\n\n
Abahaye amakuru Ijwi ry\u2019Amerika bemeza ko ku cyumweru cyashize umukuru wa polisi y\u2019u Rwanda mu ntara y\u2019iburasirazuba bafungiyemo yabagezeho akabaganiriza. Ni nyuma yo kumenya amakuru y\u2019uko batangiye imyigaragambyo yo kwiyicisha inzara. Aya makuru na yo, umuvugizi w\u2019urwego rw\u2019imfungwa n\u2019abagororwa arayahakana.<\/p>\n\n\n\n
Kugeza dutegura iyi nkuru, amakuru yageraga ku Ijwi ry\u2019Amerika atumenyesha ko Madamu Rose muhisoni umuyobozi mukuru wungirije w\u2019urwego rw\u2019Amagereza mu Rwanda yaramukiye I Rwamagana. Ni nyuma yo kumenya ko abakozi b\u2019urwego akuriye batangiye imyigaragambyo yo kwiyicisha inzara.<\/p>\n\n\n\n
Amakuru atubwira ko bose hamwe bagera ku 135. Barimo abacungagereza bakomoka mu magereza atandukanye yo mu Rwanda ndetse n\u2019abayobozi babo. Abatangiye kwigarambya biyicisha inzara bakemeza ko bazarya aruko babonye umuyobozi mukuru w\u2019urwego rw\u2019amagereza mu Rwanda bakamugezaho icyo bita \u201cAkarengane\u201d kabo.<\/p>\n\n\n\n
Izindi ngaruka zatangiye kugaragara, isoko z\u2019amakuru zacu zivugamo umucungagereza witwa Chantal Ugukunda warwariye aho yari afungiye, bakanga kumuvuza ngo adahura n\u2019itangazamakuru bikamenyekana ko bafunzwe. Uyu byarangiye inda yari atwite ivuyemo nk\u2019uko bagenzi be badafunzwe babyemeza ubu akaba ari kwitabwaho n\u2019abaganga.<\/p>\n\n\n\n