U Rwanda rwashyizwe mu bihugu 40 bya mbere biniga ubwisanzure bw\u2019itangazamakuru ku isi. ibyo bikubiye muri raporo ngarukamwa y\u2019umuryango mpuzamahanga w\u2019abanyamakuru batagira imipaka \u2013 RSF.<\/p>\n
Ku rwego rw\u2019akarere, iyi raporo yerekana ko u Rwanda ari rwo ruza ku isonga mu bihugu bibangamiye ubwisanzure bw\u2019abanyamakuru.<\/p>\n
Raporo y\u2019uyu mwaka umuryango RSF wise Itangazamakuru ku Gitutu cya Politiki, irerekana ko itangazamakuru ku isi ryugarijwe n\u2019abakabaye bafite inshingano zo kuririnda, ari bo abategetsi mu bya politiki.<\/p>\n
Ibyo uyu muryango ubigaragaza wifashishije igipimo cya politiki uvuga ko ku rwego rw\u2019isi cyasubiye inyuma ho amanota 7.6 ku ijana. Ni mu bipimo bigera kuri bitanu ubu bushakashatsi ngarukamwaka bwibandaho.<\/p>\n
Ku Rwanda, by\u2019umwihariko, raporo y\u2019uyu mwaka y\u2019umuryango w\u2019abanyamakuru batagira imipaka, irushyira ku mwanya w\u2019144 ku bihugu 180 byakoreweho ubushakashatsi, aho rufite amanota 40.55 ku ijana.<\/p>\n
Mu bipimo byose birebwaho muri ubu bushakashatsi uko ari bitanu, bibiri muri byo ni byo u Rwanda rufitemo amanota ageze kuri 50 ku ijana. Ni ukuvuga igipimo kijyanye n\u2019amategeko ndetse n\u2019ikijyanye n\u2019imibereho.<\/p>\n
U Rwanda rwasubiye inyuma ho imyanya 13 ugereranyije n\u2019aho rwari mu bushakashatsi bw\u2019umwaka ushize, ndetse rwatakaje amanota 6.5 ku ijana.<\/p>\n
Raporo ya RSF yerekana ko kugeza muri uyu mwaka wa 2024, abanyamakuru bafunzwe mu Rwanda ari babiri. Ikagaragaza ko nta munyamakuru wishwe muri uyu mwaka.<\/p>\n
Uyu muryango muri raporo yawo, uvuga ko mu guha igisobanuro igenzura rikomeye rihozwa ku itangazamakuru kuva yajya ku butegetsi, Perezida Paul Kagame yifashisha amateka yaranze u Rwanda muri Jenoside muw\u20191994, aho itangazamakuru ryakwirakwije urwango rushingiye ku moko.<\/p>\n
Uyu muryango uvuga ko nyuma yo gucibwa intege n\u2019ikandamizwa rimazemo ibinyacumi by\u2019imyaka, imikorere y\u2019itangazamakuru ryo mu Rwanda iri mu iza inyuma y\u2019irindi ryose ku mugabane w\u2019Afurika.<\/p>\n
RSF ivuga ko imiyoboro ya televiziyo ifitwe na leta cyangwa se ikagenzurwa binyuze mu banyamigabane basanzwe ari abarwanashyaka b\u2019ishyaka riri ku butegetsi. Naho menshi mu maradiyo akibanda ku biganiro bya siporo n\u2019umuziki mu rwego rwo kwirinda ko yahura n\u2019ibibazo.<\/p>\n
Raporo y\u2019uyu muryango igaragaza ko itangazamakuru ricukumbura ridakorwa cyane mu Rwanda. Ndetse n\u2019abanyamakuru bagerageje gutangaza amakuru aboneka nk\u2019agira ibyo anenga, babinyujije ku muyoboro wa YouTube cyangwa se indi miyoboro yo kuri murandasi muri iyi myaka ya vuba, bagiye bakatirwa ibihano biremereye.<\/p>\n
Umuryango RSF uvuga ko nyuma y\u2019aho Perezida Kagame yongeye gutorerwa manda ya gatatu mu kwa Munani kw\u20192017, igitugu n\u2019igenzura rya guverinoma ku itangazamakuru byiyongereye.<\/p>\n
Ukavuga ko ba nyiri ibitangazamakuru basabwa kwiyemeza gukorana na guverinoma. Naho benshi mu banyamakuru bagiye bahatirwa kujya guhabwa amasomo ajyanye no gukunda igihugu, cyangwa se kuba abarwanashyaka b\u2019ishyaka riri ku butegetsi.<\/p>\n
Abatabyemeye uko nabo, uyu muryango uvuga ko abategetsi bagiye bagira uruhare rutaziguye mu kubirukana mu kazi.<\/p>\n
Aganira n\u2019Ijwi ry\u2019Amerika, Bwana Sadibou Marong, umuyobozi w\u2019umuryango RSF mu karere ka Afurika yo munsi y\u2019ubutayu bwa Sahara, yasabye ko abategetsi bo mu Rwanda bakora ibishoboka bagateza imbere ubwisanzure bw\u2019itangazamakuru.<\/p>\n
Yagize ati: \u201cKu byerekeye u Rwanda, ibijyanye n\u2019ubwisanzure bw\u2019itangazamakuru bihora ari ikibazo giteje ingorane cyane. Kubera ko, ni igihugu kiri ku mwanya w\u2019144 mu bihugu 180; cyasubiye inyuma bigaragara, aho cyamanutseho imyanya 13 mu karere ka Afurika, ugereranyije n\u2019umwaka ushize. Ibyo bikagaragaza ko ubwisanzure bw\u2019itangazamakuru bukomeje kujya habi, haba ku rwego rw\u2019amategeko, ku rwego rwa sosiyete, yewe no ku rwego rw\u2019umutekano w\u2019abanyamakuru.<\/p>\n
Dufite impungenge ko ibyo byakomeza muri uyu mwaka w\u20192024. Bityo tukaba dukoresheje uyu mwanya ngo duhamagarire ibitangazamakuru n\u2019abategetsi gukora ibishoboka byose ngo ubwisanzure bw\u2019itangazamakuru butere imbere muri icyo gihugu.\u201d<\/p>\n
Mu bijyanye n\u2019ubukungu naho, uyu muryango uvuga ko isoko ryo kwamamaza ari ritoya cyane mu Rwanda, bitewe n\u2019uko nta rwego rw\u2019abikorera rukomeye ruhari, rudashingiye ku ishyaka riri ku butegetsi.<\/p>\n
Ukavuga ko ruswa igwiriye mu itangazamakuru, ndetse bamwe mu banyamakuru bagira ibyo bahabwa kugira ngo bahindure uko bakora akazi kabo.<\/p>\n
Umuryango RSF uvuga ko imiterere mibi y\u2019imirimo mu rwego rw\u2019itangazamakuru ndetse n\u2019igitutu kiremereye no guterwa ubwoba abanyamakuru bahura nabyo, birimo kuzitira urubyiruko kwinjira muri uyu mwuga.<\/p>\n
Urwo, nk\u2019uko uyu muryango ubivuga, rurahitamo kuyoboka imirimo ijyanjye n\u2019inozamubano, ihemba neza kandi ntigire ingaruka nk\u2019iz\u2019itangazamakuru.<\/p>\n
Ijwi ry\u2019Amerika yashatse kumenya icyo ubutegetsi bw\u2019u Rwanda buvuga kuri iyi raporo, Bwana Alain Mukuralinda, umwe mu bavugira guverinoma y\u2019u Rwanda, adusubiza ko batarayibona, bazadusubiza bamaze kumenya ibiyikubiyemo.<\/p>\n
Icyakora mu bihe byahise, u Rwanda rwakunze kwamagana raporo nk\u2019izi zirunenga kutubahiriza ubwisanzure bw\u2019itangazamakuru n\u2019uburenganzira bwa muntu.<\/p>\n
Raporo igaragaza ko ibihugu byo mu karere byagiye bitera intambwe igana imbere ugereranyije n\u2019aho byari umwaka ushize. U Rwanda ni cyo gihugu cyonyine cyasubiye inyuma mu karere.<\/p>\n
Tanzaniya ni yo yazamutseho imyanya myinshi \u2013 igera kuri 46. Ni nacyo gihugu kiza ku isonga mu karere mu bijyanye no kubahiriza ubwisanzure bw\u2019itangazamakuru, aho iri ku mwanya wa 97 ku rwego rw\u2019isi.<\/p>\n
Uganda ni yo ikurikira u Rwanda mu guhonyora ubwisanzure bw\u2019itangazamakuru, aho iza ku mwanya w\u2019128 ku rwego rw\u2019isi.<\/p>\n
Icyakora iki gihugu cyo cyazamutseho imyanya 5 ugereranyije n\u2019aho cyari muri raporo y\u2019umwaka ushize. Kenya iraza ku mwanya w\u2019102, u Burundi kuw\u2019108, mu gihe Repubulika ya Demukarasi ya Kongo yo iza ku mwanya w\u2019123.<\/p>\n
Fyonda hasi wumve ibindi kuri ino nkuru ya Themistocles Mutijima.<\/p>\n