Mu Rwanda, abanyamategeko Gatera Gashabana na mugenzi we Pierre Ruberwa bwabwiye urukiko rw\u2019ibanze rwa Nyarugenge mu mujyi wa Kigali ko umutungo wo kwa Nyakwigendera Assinapol Rwigara wagurishijwe mu cyamunara mu bwiru.<\/p>\n
Barasaba ko iyo cyamunara yateshwa agaciro. Abunganira umuhesha w\u2019inkiko wagurishije iyo cyamunara bo bagasaba kutakira iki kirego kuko cyamunara yarangiye.<\/p>\n
Abanyamategeko Gatera Gashabana na mugenzi we Pierre Ruberwa ni bo bagaragaye bunganira Madamu Adeline Mukangeamanyi Rwigara. Ni mu rubanza barega umuhesha w\u2019inkiko Vedaste Habimana basaba gutesha agaciro cyamunara yakoze ku mutungo wo kwa Nyakwigendera Assinapol Rwigara.<\/p>\n
Bashingiye ku itangazo ry\u2019umuhesha w\u2019inkiko yanditse ahamagarira ababishoboye kugura kuri make inyubako yo kwa Rwigara, bavuga ko iyo cyamunara yagombaga gutangira kuva tariki ya 19 kugeza kuya 26 z\u2019ukwezi gushize.<\/p>\n
Bavuga ko bamwandikiye bamusaba kuyihagarika no kuyikuraho kuko yayikoraga mu buryo butemewe n\u2019amategeko, Habimana akabyanga. Gashabana na Ruberwa babwiye urukiko rw\u2019ibanze rwa Nyarugenge ko kuvuga ko Mukangemanyi Rwigara nta nyungu afite ku mutungo watezwaga muri cyamunara byaba ari nk\u2019agashinyaguro kuko imitungo imwanditseho.<\/p>\n
Umunyamategeko Henri Pierre Munyangabe wunganira umuhesha w\u2019inkiko Vedaste Habimana yatanze inzitizi yo kutakira ikirego cyo kwa Rwigara. Avuga ko cyamunara yarangiye nta cyo bakiregera.<\/p>\n
Yavuze ko bigaragara ko cyamunara yabaye ku itariki ya 26\/04 saa tatu n\u2019iminota 46 za mu gitondo. Yasobanuye ko gutesha agaciro cyamunara bikorwa mu minsi 15 uhereye igihe yabereye. Ni cyamunara avuga ko yabaye ishingiye ku kurangiza urubanza abo kwa Rwigara batsinzwemo ubwo baburanaga na banki y\u2019ubucuruzi yahoze ari COGEBANK.<\/p>\n
Naho umunyamategeko Frank Karemera wunganira banki y\u2019ubucuruzi ya Equity Bank avuga ko bitashoboka mu rwego rw\u2019amategeko habaho guhagarikisha cyamunara icyarimwe no kuyikuzaho. Avuga ko mu gihe kwa Rwigara batangiye ikirego gisaba kuyitesha agaciro itari yakabaye kandi ko cyamunara itateshwa agaciro itaraba.<\/p>\n
Uyu munyamategeko umucamanza yamutegetse kuzagaragaza amasezerano asobanura ko Equity Bank yaguze COGEBANK ikanegukana inshingano zayo zose.<\/p>\n
Gashabana akavuga ko imihango ya cyamunara igaragaza ko itaba umunsi umwe ashingiye ku bikubiye mu itangazo ry\u2019umuhesha w\u2019inkiko.<\/p>\n
Umunyamategeko Ruberwa na we wunganira umugore wa Nyakwigendera Rwigara avuga ko nta genagaciro ku mutungo umuhesha w\u2019inkiko yigeze ashyikiriza bene umutungo. Avuga ko uko Habimana abisobanura byumvikana ko iryo genagaciro yarishyikirije umuntu utazwi yatoraguye ku muhanda. Nyamara, igihe umutungo ari uwa Kompanyi, iryo genagaciro rishyikirizwa umuyobozi wayo.<\/p>\n
Gashabana ati \u201c Umuhesha w\u2019inkiko twamusabye igenagaciro aricecekera, araturama ntiyagira icyo atubwira.\u201d Mu yandi makosa bavuga ko umuhesha w\u2019inkiko yakoze muri iyo cyamunara , harimo ko nta nyandiko igaragaza uko yamunara yagenze, aho yabereye, abayitabiriye n\u2019ibiciro batanze. Gashabana yavuze ko mu nyandiko Habimana yashyize muri dosiye bigaragara ko hapiganye umuntu umwe gusa ari na we wegukanye inyubako yo kwa Rwigara mu buryo yise \u201cUbwiru\u201d.<\/p>\n
Gashabana ati \u201cDusaba guhagarika cyamunara twizeraga ko umuhesha w\u2019inkiko ari inyangamugayo atashoboraga gukora aya marorerwa.\u201d Yasobanuye ko bagaragarizaga umuhesha w\u2019inkiko ko iyo cyamunara itari gushoboka kuko Adeline Mukangemanyi Rwigara atari mu Rwanda. Umucamanza yatangaje ko agiye gusuzuma impaka ku mpande zose ziburana akazazifataho icyemezo mu cyumweru gitaha.<\/p>\n
Mu mpera z\u2019ukwezi gushize ni bwo inyubako y\u2019igorofa igeretse kane yo kwa Rwigara biboneka ko itari yakuzuye ari bwo yatejwe mu cyamunara. Iyo nyubako iherereye ahazwi nko mu Kiyovu cy\u2019abakire yegukanywe n\u2019uruganda rukora imyenda rwitwa \u201cSun Belt Textiles Rwanda Ltd\u201d ku gaciro ka miliyari imwe na miliyoni zisaga 116 z\u2019amafaranga y\u2019amanyarwanda.<\/p>\n
Yagurishijwe harangizwa urubanza uruganda rw\u2019itabi rwa Rwigara Premier Tobacco Company Ltd (PTC Ltd) rwatsinzwemo mu rukiko rw\u2019ubucuruzi mu 2021. Rwaburanaga na banki y\u2019ubucuruzi yahoze ari COGEBANK ubu yaguzwe na Equity bank. Ivuga ko kwa Rwigara bari bayibereyemo umwenda ubarirwa muri miliyoni 349 z\u2019amafaranga.<\/p>\n
Mu bihe bitandukanye, abo kwa Rwigara bumvikanye bahakana bagatsemba iby\u2019uwo mwenda, bakavuga ko ubutegetsi bw\u2019u Rwanda bugambiriye kubacucura utwabo bugamije kubakenesha.<\/p>\n