\u00a0 Kw\u2019itariki ya 08 z\u2019ukwezi kwa gatatu kwa buri mwaka ni bwo kw\u2019isi yose hizihizwa umunsi w\u2019abari n\u2019abategarugori. Ishyaka PRM\/MRP-ABASANGIZI ryifurije umunsi mwiza abari n\u2019abategarugori bari mw\u2019ishyaka ryacu, n\u2019 abanyarwandakazi bose muri rusange, ari abari mu Rwanda ari n\u2019abari hanze.<\/p>\n
<\/p>\n
\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 Rimwe mu mahame ishyaka PRM\/MRP-ABASANGIZI rigenderaho nk\u2019uko yatangajwe mu nyandiko y\u2019ahamame-remezo yaryo taliki ya 10\/3\/2013, twemera kandi duhamya ko abaturage, abenegihugu , abantu ari bwo bukungu bwa mbere bw\u2019igihugu icyo ari cyo cyose kuko zahabu na peteroli na diyama na coltan nta gaciro byagira abantu batariho ngo babikenere. Niyo mpamvu ishyaka ryacu ryiyemeje kurwanya leta ya FPR Inkotanyi ikoresha kwica abantu nk\u2019imwe mu ntwaro yayo ya politiki bikaba na bumwe buryo bwayo bwo kuyobora igihugu. Kurenganya, kubuza uburyo no kwica abatavuga rumwe na FPR, baba abagabo, baba abari n\u2019abategarugoli ni yo gahunda ya politiki ya FPR nk\u2019uko Perezida Kagame ubwe yayitangaje mu masengesho yo gutangira umwaka yabereye i Kigali taliki ya 12\/01\/2014.<\/p>\n
\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 Leta ya FPR Inkotanyi ibeshya amahanga ngo yateje imbere abari n\u2019abategarugori mu Rwanda kandi ataribyo, ahubwo yarabatindahaje ibicira abagabo, ibagira abapfakazi n\u2019imfubyi imburagihe nka kuriya igize Lea na Portia Karegeya, nk\u2019uko yagize Madamu \u00a0wa Ingabire Charles wari umunyamakuru i Kampala n\u2019abana be, nk\u2019uko yagize Madamu Cyiza Agusitini n\u2019abana be, nk\u2019uko yagize Madamu Seth Sendashonga n\u2019abana be, nk\u2019uko yagize Madamu Rwisekera n\u2019abana be,\u00a0 n\u2019abandi bategarugori n\u2019abari biciwe abagabo babo na ba se, bishwe na FPR Inkotanyi hirya no hino mu gihugu no hanze yacyo nko muri Zaire-Congo, muri Afurika y\u2019Epfo, muri Kenya n\u2019ahandi henshi. Muri aba bari n\u2019abategarugori bose bahekuwe na FPR Inkotanyi, turasaba ko havamo bamwe b\u2019inkwakuzi, b\u2019intwari zacu rwose kandi twese, maze bagashakana bakiyegeranya bagashinga ishyirahamwe rikomeye ry\u2019abari n\u2019abategarugori ryo kuvuguruza leta ya FPR muri politiki yayo yo kubeshya abanyarwanda n\u2019amahanga ngo yateje kandi iteza imbere abari n\u2019abategarugori kandi ahubwo yaramariye kw\u2019icumu abagabo babo, na ba se.<\/p>\n
Kubera ko leta ya FPR Inkoyanyi\u00a0 yubakiye ku kinyoma, igitugu, urugomo, n\u2019akarengane,\u00a0 ica hano ikabeshya ngo yateje imbere abari n\u2019abategarugori imbere ubundi igaca hirya ikajugunya bamwe muri bo muri gereza ibaziza ibitekerezo byabo. Urugero ni \u00a0nk\u2019abanyamakuru Agnes Uwimana Mukankusi na Saidati Mukakibibi\u00a0 b\u2019ikinyamakuru UMURABYO, nka Victoire Ingabire Umuhoza\u00a0 Perezida w\u2019ishyaka FDU-INKINGI n\u2019abandi bari n\u2019abategarugori bazwi n\u2019abatazwi nk\u2019umwe wicururizaga utuntu agendana mu ntoki uherutse kwicwa n\u2019inkoni za polisi y\u2019u Rwanda mu Muhima yari anatwite azira ijambo rimwe gusa ry\u2019uko yari avuze ati \u201cariko ubu muzaturenganya\u00a0 kugeza ryari koko<\/i><\/b>!\u201d. Twasabye kuzamenya amazina y\u2019uriya mutegarugori wasize avuze, ku buryo tubaye dushimiye uwo ari we wese wazatugezaho amazina ye.<\/p>\n
Ese leta ya FPR Inkotanyi yabeshya ite abanyarwanda n\u2019amahanga ko iteza imbere abategarugori mu myanya y\u2019ubutegetsi nko mu nteko ishinga amategeko\u00a0 na sena na guverinoma \u00a0kandi abo bategarugori baba batatowe n\u2019abaturage ahubwo baba bashyizweho n\u2019abayobozi bakuru ba FPR ibategeka\u00a0 kuvuga no gukora ibyo \u00a0ishaka, badashobora kuba bavuganira abari n\u2019abategrugori bagenzi babo barengana hirya no hino mu gihugu. Urugero hari ibinyamakuru byinshi mu mwaka wa 2012 na 2013 byatabirije abanyarwandakazi bakora akazi k\u2019uburaya mu Rwanda bishwe n\u2019inzego z\u2019umutekano za leta ya FPR Inkotanyi ariko bariya badamu benshi mu mubare mu nteko ishinga amategeko ntibagire icyo babivugaho ngo ubwo bwicanyi buhagarare n\u2019ababukora bashyikirizwe ubucamanza bubibahanire. Aha twibuke ko hari umutegarugori witwa Panelope Kantarama wari senateri wagize ubutwari bwo kuvuga icyo atekereza ku nama Perezida wa Tanzania yari yagiriye mugenzi we Perezida Kagame w\u2019u Rwanda ko yashyikirana n\u2019inyeshyaba za FDLR mu rwego rwo kubonera umuti urambye ikibazo cya Congo n\u2019icy\u2019u Rwanda. Nyuma yaje kubizira Perezida Kagame\u00a0 amwirukana muri sena nk\u2019uwirukana umukozi we wo murugo (umuboyesse),bitanyuze rwose mu mategeko agenga sena, \u00a0noneho na bagenzi be abo barata ngo ni benshi mu nteko muri sena no muri guverinoma bakaruca bakarumira ntibakopfore ngo babe bagira icyo babibazaho. Ibyo byose bigaterwa n\u2019ubutegetsi bubi bwa FPR bukoresha igitugu, iterabwoba, ivangurabwoko,\u00a0 akarengane n\u2019ubwicanyi kugirango bubuze uwo ari we wese uri mu Rwanda kwinyegambura. Aha turashima umutegarugori w\u2019umunyarwndakazi Gloria \u00a0Kayitesi mu kiganiro yagiranye na Radio Itahuka aho yamaganye akarengane, guhimbirwa ibyaha\u00a0 n\u2019iyicarubozo bya Leta ya FPR Inkotanyi\u00a0 bikorerwa umugabo we Lieutenant Joel Mutabazi . Madamu Gloria Kayitesi agashimangira avuga ko azi neza nk\u2019umuntu nawe ubwe wigeze gukora muri Minisiteri y\u2019Ingabo ko hari n\u2019abandi banyarwanda benshi \u00a0cyane mbere y\u2019umugabo we \u00a0barenganye nka kuriya \u00a0arengana \u00a0kandi na nubu bakaba bakiri muri ako karengane, bafunzwe kubera ibyaha bahimbiwe batigeze bakora. Ko rero atari urw\u2019umwe!<\/p>\n
Bategarugori\u00a0 na mwe bari b\u2019u Rwanda, urwinyegamburiro rwanyu ruri mu mashyaka yigenga nk\u2019iri ryacu PRM\/MRP-ABASANGIZI atavuga rumwe na FPR Inkotanyi. Nimwe ba nyampinga mukaba naba gahuzamiryango, \u00a0bityo akaba ari mwe Rwanda rw\u2019ejo kuko ari mwe mizero yarwo. Ni yo mpamvu tubashishikariza kugana ishyaka PRM\/MRP-ABASANGIZI rifite ingengabitekerezo ya politiki yubakiye ku mahame y\u2019ubworoherane (moderatism ideology\/ideologie du moderatisme), ubwubahane(mutual respect\/respect mutuel), ubwihanganirane(tolerance), ubusabane(concord\/concorde), ubufatanye(solidarity\/solidalite), ubwuzuzanye(complementarity\/ complementalite), ubuvandimwe(fellowship\/fraternite), ubwizerane (mutual trust\/confiance mutuelle), ubwumvikane (mutual understanding\/comprehension mutuelle), ubunyakuri (thruthness\/verite\/sincerite), gukorera mu mucyo (transparency and accountability\/ transparence et responsabilite), no gusangira ibyiza by\u2019igihugu cyacu abanyarwanda (genuine power sharing\/partage reel du pouvoir) ntawe uhejejwe inyuma y\u2019urugi. Politiki\u00a0 nziza nk\u2019iyi,\u00a0 nimuyigana mukayikomeza mukayiha imbaraga igashinga imizi mu Rwanda no mu mitima y\u2019abanyarwanda, \u00a0ni yo izatuma mutongera kuba abapfakazi n\u2019imfubyi imburagihe.<\/p>\n
Turangije ubu butumwa tubifuriza umunsi mukuru mwiza w\u2019abari n\u2019abategarugori kw\u2019isi yose uzaba taliki ya 08\/03\/2014.<\/p>\n
Bikorewe i Savannah,\u00a0 Georgia,\u00a0 muri Leta Zunze Ubumwe za Amerika taliki ya 02\/03\/2014<\/p>\n
<\/p>\n
Dr.\u00a0 Gasana Anastase, perezida w\u2019ishyaka PRM\/MRP-ABASANGIZI;<\/p>\n
Mr.\u00a0 Mukeshimana Isaac, Visi Perezida\u00a0 ushinzwe ibya politiki;<\/p>\n
Mr. Batungwanayo Janvier, Visi Perezida ushinzwe ihuzabikorwa.<\/p>\n
<\/p>\n