Banyarwanda, Banyarwandakazi,<\/p>\n
Twebwe abagize Urunana rw\u2019Abaharanira Ubumwe na Demokarasi (RUD-Urunana) twifatanyije n\u2019Abanyarwanda bose kwibuka ubwicanyi ndengakamere bwabakorewe\u00a0\u00a0mu mwaka w\u2019 1994. Turunamira Abanyarwanda bose bapfuye mu mwaka w\u2019 1994, mbere yaho ndetse na nyuma yaho kugeza magingo aya. Imana Ibakire mu bwami bwayo.<\/p>\n
Muri ibi bihe tuzirikana izo nzirakarengane, twe abagize Urunana rw\u2019Abaharanira Ubumwe na Demokarasi, turongera kwamagana intagondwa zose zagize uruhare mu bwicanyi bwabaye mu Rwanda kuva muri 1990, bukaza kuba indengakamere muri\u00a0\u00a01994 kugeza n\u2019uyu munsi Abanyarwanda bakicwa bunyamanswa.\u00a0\u00a0Twamagana twivuye inyuma intagondwa z\u2019Abahutu zishe Abatutsi zibaziza ubwoko bwabo. Twamagana kandi intagondwa z’Abahutu zishe Abahutu zibaziza ko bafatanyije n\u2019Abatutsi. Na none kandi, twamagana intagondwa z\u2019Abatutsi zishe Abahutu zibaziza ubwoko bwabo. Twamagana\u00a0\u00a0bikomeye intagondwa z’Abatutsi zishe Abatutsi zibaziza ko ngo babana n’Abanyarwanda bo mu yandi moko. Twamagana kandi abagira ubwoko intwaro yo gufata ubutegetsi cyangwa kubugundira..<\/p>\n
Banyarwanda, Banyarwandakazi,<\/p>\n
Jenerali Perezida Pawulo Kagame n\u2019umuryango wa FPR-Inkotanyi ayoboye bahisemo kwibuka Abatutsi gusa. Kubwe no ku bw\u2019ishyaka rye,\u00a0\u00a0Abahutu bose bakoze ubwicanyi ndetse ngo n\u2019abatari mu gihugu bari kwica Abatutsi iyo bahaba. Ibi bikaba bivuga ko mu Rwanda rw\u2019ubu hari Abamalayika ku ruhande rumwe n’Amashitani ku rundi ruhande. Aya matwara ya politiki Perezida Kagame na FPR-Inkotanyi bayoboza igihugu, atandukanye n\u2019uko muri RUD-Urunana tubona kandi twumva amarorerwa yagwiriye u Rwanda n\u2019uburyo bwo kuyahagarika burundu, no kubaka sosiyete nyarwanda nshya. Nkuko twakomeje kubigarukaho, muri RUD-Urunana twemera ko:<\/p>\n
\u00b7\u00a0FPR-Inkotanyi na Pawulo Kagame nibo ba Nyirabayazana b\u2019ubwicanyi\u00a0\u00a0bwabaye mu Rwanda kuva mu Kwakira 1990 ubwo bateraga u Rwanda baturutse muri Uganda kandi bashyigikiwe n\u2019ingabo z\u2019icyo gihugu;<\/p>\n
\u00b7\u00a0Intandaro y\u2019ubwicanyi ndengakamere mu Rwanda, yabaye\u00a0\u00a0ihanurwa ry’indege yari itwaye Perezida Juvenali Habyarimana na mugenzi we w’u Burundi Sipiriyani Ntaryamira mu ijoro ryo kuwa 6 Mata 1994. Iki gikorwa cy\u2019iterabwoba kikaba cyarateguwe kandi kigashyirwa mu bikorwa ku mabwiriza ya Jenerali Kagame ubwe nk\u2019uko bikomeje gutangwaho ubuhamya n\u2019abari mu myanya y\u2019ubuyobozi bw\u2019inzego z\u2019iperereza n\u2019iza gisirikare bo ku mpande zombi z\u2019icyo gihe kandi babifitiye ibimenyetso simusiga;<\/p>\n
Ibyaha by\u2019ubwicanyi dushinja Pawulo Kagame na FPR-Inkotanyi ayoboye, bikubiye mu bikorwa by\u2019ubwicanyi byatangiranye n\u2019intambara bagabye ku Rwanda m’Ukwakira 1990, ubwicanyi bwakorewe abaturage ba Byumba n\u2019aba Ruhengeri, ibikorwa byo guhotora abanyapolitiki nka Emmanuel Gapyisi, Ministiri Felicien Gatabazi, Bourgmestre Rwambuka, Martin Bucyana n\u2019abandi;<\/p>\n
\u00b7\u00a0Politiki ya RUD-Urunana ntabwo yemeranya n\u2019iya FPR-Inkotanyi ko mu Rwanda hari Abamalayika n\u2019Amashitani, bityo tukaba dukangurira Abanyarwanda n\u2019amahanga kwima amatwi imvugo y\u2019ikinyoma ko Abahutu bose ari abicanyi ku ruhande rumwe, n\u2019aho Abatutsi bose bakaba abere ku rundi ruhande. Oya, twe siko tubibona kandi siko tubyemera. Twongere tubisubiremo, Abahutu bose ntabwo ari abicanyi kandi bose si abere. N\u2019Abatutsi nabo bose si abere kandi bose si abicanyi. Bityo, twemera ko icyaha ari gatozi.<\/p>\n
\u00b7\u00a0Twemera kandi duhuranira ko uwakoze amarorerwa wese, aho ava akagera atakigirwa ikibaba; ahubwo agomba kugezwa imbere y’ubutabera nyakuri agacibwa urubanza hakurikijwe amategeko. Ufashwe n’icyaha cyangwa ibyaha agahanwa; umwere agasubizwa uburenganzira bwe yishyira akizana nkuko byemezwa n’amategeko.<\/p>\n
\u00b7\u00a0Ikibazo kiri mu Rwanda ni icya politiki, ni ukuvuga ni ikirebana n\u2019imiyoborere. Iyi politiki y\u2019amacakubiri iteranya amoko yazanywe n\u2019abari ku butegetsi muri iki\u00a0\u00a0igihe. Tukaba dusanga atari bo bashobora kukibonera umuti, mu gihe bakomeje gukaza umurego wo guteranya amoko atuye u Rwanda nkuko bigaragara muri gahunda bashize imbere zirimo izo bise Ndumunyarwanda. Turakangurira buri Munyarwanda kurwanya yivuye inyuma kandi nta marangamutima politiki ishingiye ku ivanguramoko kuko ishobora gusubiza u Rwanda mu marorerwa yarukomerekeje bikomeye;<\/p>\n
Banyarwanda, Banyarwandakazi<\/p>\n
Muri RUD-Urunana twateye intambwe dufatanya n\u2019abandi mu gushaka umuti wa politiki ishingiye ku bworoherane n\u2019ubwiyunge nyakuri. Ni muri urwo rwego twiyemeje gufatanya na \u201cRassemblement Populaire Rwandais\u201d RPR-Inkeragutabara, igizwe ahanini n\u2019Abatutsi kugira ngo duharanire amahoro, ubwumvikane na demokarasi mu Banyarwanda. Uku kwishyira hamwe kwashimangiwe no gukorera hamwe mu byo twise Congres National pour la Democratie, CND (National Congress for Democracy, NDC) muri 2008. Muri urwo rwego (cadre) dukoreramo politiki, ntabwo twemera ubutegetsi bw\u2019agatsiko cyangwa akazu gashingiye ku bwoko, ntabwo twemera politiki yo gucamo ibice Abanyarwanda nk\u2019uburyo bwo kugera ku butegetsi, ntabwo twemera ko abo mudahuje ibitekerezo bicwa cyangwa bacecekeshwa.<\/p>\n
Politiki ya RUD-Urunana ishyize imbere kubaka u Rwanda buri wese yibonamo kandi afitemo uburenganzira bwo kwihitiramo ubuyobozi yifuza, kandi akagena kubwe ejo hazaza he n\u2019abe ntawe umukomye imbere. Nkuko twagiye tubitangaza kandi tubigarukaho kenshi ubutegetsi bushingiye kuli \u201cdemocratie consensuelle\u201d nibwo twimirilije imbere. Ibi ariko ntabwo byagerwaho hatabanje kubaho ibiganiro ku bwicanyi bwabaye mu Rwanda bisa n\u2019ibyabaye mu gihugu cy’Afurika Yepfo (Truth and Reconciliation Commission) ubwo abirabura bigobotoraga ingoma ya Bagashakabuhake (Apartheid). Kugira ngo tube twatera intabwe muri iki cyerekezo, birakwiye ko buri Munyarwanda yaba Umuhutu, Umututsi cyangwa Umutwa abohorwa maze akunamira abe bitaby’Imana, ni ngombwa ko politiki yo gusumbanya abishwe mu Rwanda ihagarikwa ku nyungu rusange z\u2019igihugu n\u2019abagituye.<\/p>\n
Banyarwanda, Banyarwandakazi,<\/p>\n
Nimucyo twunamire Abanyarwanda bose bishwe kuva m’Ukwakira 1990 kugeza magingo aya. Duharanire ko ubwicanyi bwabaye butazongera kubaho kandi twigaranzure ubutegetsi bubiba amacakubiri mu Banyarwanda. Buri wese nabone ko ivangura rikorwa mu Rwanda muri iki gihe ritegura ubundi bwicanyi. Niduharanire gushyiraho ubutegetsi bunogeye Abanyarwanda bushingiye kuri demokarasi abanyarwanda bose bisangamo (democratie consensuelle).<\/p>\n
Bikorewe i Washington, DC kuwa 6 Mata 2014<\/p>\n
Dr. Jean-Marie Vianney Higiro<\/strong> Banyarwanda, Banyarwandakazi, Twebwe abagize Urunana rw\u2019Abaharanira Ubumwe na Demokarasi (RUD-Urunana) twifatanyije n\u2019Abanyarwanda bose kwibuka ubwicanyi ndengakamere bwabakorewe\u00a0\u00a0mu mwaka w\u2019 1994. Turunamira Abanyarwanda bose bapfuye mu mwaka w\u2019 1994, mbere yaho ndetse na nyuma yaho kugeza magingo aya. Imana Ibakire mu bwami bwayo.<\/p>\n","protected":false},"author":4,"featured_media":2972,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-5031","post","type-post","status-publish","format-standard","has-post-thumbnail","hentry","category-politiki"],"yoast_head":"\n
\nUmuyobozi w\u2019Urunana rw\u2019Abaharanira Ubumwe na Demokarasi (RUD-Urunana)<\/p>\n","protected":false},"excerpt":{"rendered":"