Mu mbwirwaruhame yagejeje kubari bitabiriye umuhango wo gushyingura no kwibuka abazize Jenoside i Ruhanga, mu Murenge wa Rusororo, mu Karere ka Gasabo, Minisitiri w\u2019Umuco na Siporo Mitali Protais yasabye Abanyarwanda kudakomeza gufata Kizito Mihigo nk\u2019umuntu w\u2019umusitari ahubwo batangira kumufata nk\u2019umugizi wa nabi, wagiriye nabi igihugu.<\/p>\n
Mu mbwirwaruhame ye, Minisitiri Mitali yagarutse kenshi ku banyapolitiki bakorera hanze y\u2019igihugu ariko ngo ugasanga nta cyiza bashakira Abanyarwanda uretse kongera kubabibamo amacakubiri n\u2019inzangano nk\u2019ibyo bahozemo, ari nabo ngo bagushije Kizito Mihigo mu mutego.<\/p>\n
Benshi muri abo banyapolitiki kandi ngo baracyafite umugambi wo gupfobya Jenoside.<\/p>\n
Yagize ati \u201cAbafite umugambi wo kuyipfobya, igihe ubwacyo kizagenda kibereka ko nta gaciro, nta n\u2019umwanya nta n\u2019uruvugiro bafite haba mu Rwanda haba no ku Isi yose.\u201d<\/p>\n
Abanyapolitiki Minisitiri Mitali yatungaga agatoki barimo nk\u2019abo mu mutwe urwanya Leta y\u2019u Rwanda wa \u201cFDLR\u201d na RNC n\u2019ubwo we ngo abifata nk\u2019imitwe y\u2019iterabwoba.<\/p>\n
Ygize ati \u201cBariya bose ni ayanda, ni amaco y\u2019inda, ni bya bindi bya mpemuke ndamuke ariko ikibabaje ni uko hari ababumva kandi bitari bikwiye.\u201d<\/p>\n
N\u2019ubwo aba yita Abanyapolitiki bagifite ibitekerezo bibi ngo barwanywa, ariko haracyari ibisigisigi by\u2019imbuto mbi babibye.<\/p>\n
Ati \u201cHari abo inyigisho z\u2019urwangano zacengeye bananirwa kuzigobotora, n\u2019ubu bumva iturufu y\u2019amoko ariyo bashyira imbere ngo bagere ku nyungu zabo.\u201d<\/p>\n
Muri abo babumva, bakemera gukorana nabo yatanze urugero rw\u2019abaherutse gufatwa barimo n\u2019umuhanzi Kizito Mihigo.<\/p>\n
Mitali ati \u201cUbundi twakoranaga (Kizito) twibwira ko dukorana neza no muri gahunda nk\u2019izi zo kwibuka.<\/p>\n
Ntabwo Kizito Mihigo uyu munsi akwiye gukomeza kuba umusitari, yari umusitari mu ndirimbo, mu buhanzi bwe, ariko ntakomeze kuba umusitari kuko yafashwe, ni mumufate nk\u2019umugizi wa nabi nk\u2019abandi bose.\u201d<\/p>\n
Minisitiri Mitali kandi ngo asanga n\u2019ubuhanzi bwa Kizito bwari bugamije ikibi gusa.<\/p>\n
Yagize ati \u201cNa buriya buhanzi bwe, muby\u2019ukuri uko bigaragara wari umwitozo cyangwa inzira yo gushaka kumenyekana cyane kugira ngo bazagere ku mugambi wabo wo kuyobya bamwe mu Banyarwanda.\u201d<\/p>\n
Minisitiri Mitali kandi arahumuriza buri we wese ushobora gukeka ko wenda byaba bidafatika.<\/p>\n
Ati \u201cInzego z\u2019umutekano zacu ntabwo zihubuka, amakuru zatangaje ni uko zifite gihamya ko hari agatsiko k\u2019abantu nawe (Kizito) arimo bamaze igihe kitari gito bakorana n\u2019aba bagizi ba nabi navugaga.\u201d<\/p>\n
Minisitiri w\u2019umuco kandi arakebura Abanyarwanda kutajya bibeshya ku muntu uwo ariwe wese ngo ni uko yarokotse cyangwa yari mubahagaritse Jenoside kuko ngo bitavuze ko atahindukira ngo nawe kubera inyungu z\u2019inda nini nawe abe umwanzi w\u2019igihugu nk\u2019uko na ba Kizito byagenze.<\/p>\n
Ati \u201cBirababaje kubona abana b\u2019u Rwanda, birababaje kumva umwanzi agira amayeri yo gukoresha abantu nka bariya bazwi cyane, bari bafite ababibonamo batari bacyeya kugira ngo bagere ku migambi mibisha harimo no guhungabanya umutekano w\u2019igihugu.\u201d<\/p>\n
Minisitiri Mitali asaba buri wese ko mu bihe nk\u2019ibi byo kwibuka, ibyabaye bidakwiye kubahungabanya ahubwo ngo bitume barushaho kuba maso.<\/p>\n
Ati \u201cTumenye ko abagome bagira amayeri menshi, cyane cyane kandi bakanyura ahoroshye, mu bantu bafite amaroso ashyushye, mu rubyiruko.\u201d<\/p>\n
Mitali avuga ko ubundi urubyiruko rw\u2019u Rwanda rufite imyumvire myiza ariko ntihaburamo bacyeya bashobora gushukishwa indoke zitazaramba bakaba bashorwa mu bikorwa bibi nk\u2019ibyo Kizito na bagenzi be bari bamazemo iminsi.<\/p>\n
Minisitiri Mitali asaba Abanyarwanda ko batakomeza guta umwanya ku bantu we avuga ko batannye bagata umurongo, ahubwo ngo barusheho kuba maso no gukangura ubugizi bwa nabi n\u2019aho bwava hose.<\/p>\n
Ati \u201cUru ni urugero rufatika rw\u2019uko twese tugomba kwisuzuma kugira ngo buri wese yumve niba ahagaze neza mu myemerereye, mu kugendana n\u2019igihe, mu guhangana n\u2019ikibi, mu gutera umugongo ikibi aho cyaturuka hose, uwakivuga uwo ariwe wese, isano mwaba mufitanye iyo ariyo yose.\u201d<\/p>\n
Mitali yemeza ko u Rwanda rumaze intambwe ishimishe bityo ntawukwiye gukomeza guha umwanya abantu bashaka gusenya kugira ngo batazarusubiza inyuma.<\/p>\n
V\u00e9nuste Kamanzi
\nSource:UMUSEKE.RW<\/p>\n","protected":false},"excerpt":{"rendered":"
Mu mbwirwaruhame yagejeje kubari bitabiriye umuhango wo gushyingura no kwibuka abazize Jenoside i Ruhanga, mu Murenge wa Rusororo, mu Karere ka Gasabo, Minisitiri w\u2019Umuco na Siporo Mitali Protais yasabye Abanyarwanda kudakomeza gufata Kizito Mihigo nk\u2019umuntu w\u2019umusitari ahubwo batangira kumufata nk\u2019umugizi wa nabi, wagiriye nabi igihugu.<\/p>\n","protected":false},"author":4,"featured_media":5070,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-5068","post","type-post","status-publish","format-standard","has-post-thumbnail","hentry","category-amakuru"],"yoast_head":"\n