Amakuru atangazwa na Radio Okapi aravuga ko urugaga ku rwego rw\u2019intara rw\u2019imiryango itegamiye kuri Leta muri Kivu y\u2019amajyaruguru rurarega abasirikare b\u2019u Rwanda na Uganda gutera inkunga inyeshyamba za M23 ku rugamba mu duce twa Nyongera na Rutshuru-Centre. Mu itangazo bashyize ahagaragara kuri uyu wa gatatu tariki ya 25 Nyakanga 2012 i Goma, umuhuzabikorwa w\u2019urwo rugaga Omar Kavota, yavuze ko imodoka 6 zivuye muri Uganda zinjiye muri Congo, mu mpera z\u2019icyumweru gishize zirimo abasirikare ba Uganda.<\/p>\n
Imiryango itegamiye kuri Leta muri Kivu y\u2019amajyaruguru yamaganye iyinjira ry\u2019imodoka 6 zo mu bwoko bwa FUSO, zazanye muri Congo abasirikare benshi ba Uganda, baciye mu duce twa Kitagoma muri Groupement ya Busanza. Ngo imodoka 3 zagejeje abasirikare ba Uganda (UPDF) i Nyarukwarangara, naho izindi 3 zagejeje abandi basirikare ahitwa Kabira.<\/p>\n
Umuryango w\u2019abibumbye, Human Rights Watch, na Leta ya Congo bari bareze u Rwanda gufasha inyeshyamba za M23. Imiryango itegamiye kuri Leta yo muri Kivu y\u2019amajyaruguru yanabonye amakuru yemeza ko ingabo z\u2019u Rwanda n\u2019iza Uganda bafashije inyeshyamba za M23 ku rugamba ahitwa Nyongera na Rutshuru-Centre cyane cyane ahitwa Kilinga ku nzira igana ahitwa Kalengera.<\/p>\n
Umuhuza bikorwa w\u2019imiryango itegamiye kuri Leta yakomeje avuga ko bafite amakuru afite gihamya kandi ingufu ingabo za M23 zirimo kwerekana zirabyemeza. Ngo amakuru bageza ku bayobozi ba Leta ngo yagombye guhabwa agaciro. Ngo arabona igihugu cye gihanganye n\u2019igitero cy\u2019u Rwanda na Uganda.<\/p>\n
Iyo miryango itegamiye kuri Leta kandi yavuze ko hari ibikorwa byo gucengera by\u2019ingabo za Uganda mu gace ka Rwenzori, muri duce twa Watalinga na Bashu, mu burasirazuba bwa Territoire ya Beni muri Kivu y\u2019amajyaruguru.
\nAya makuru abaye ari ukuri byaba bivuze ko intambara igiye gukomera muri Congo.<\/p>\n
Hagati aho imirwano yakomeje hagati y\u2019ingabo za Congo n\u2019inyeshyamba za M23 mu majyaruguru ya Goma. Nk\u2019uko Radio Okapi ibivuga, inyeshyamba za M23 mu gitondo cya kare cyo kuri uyu wa kane tariki 26 Nyakanga 2012 zagabye ibitero ku birindiro by\u2019abasirikare ba Congo ziciye ku isoko rya Rumangabo mu birometero 50 uvuye i Goma. Umusirikare wa Congo wari aho imirwano yaberaga yavuze ko ingabo za Congo zarimo kurasana n\u2019inyeshyamba za M23 zashakaga gufata agace ka Rumangabo, ingabo za Congo zikaba zari zagafashe ku munsi ubanza.<\/p>\n
Ngo ingabo za Congo zirateganya kugenda zerekeza ku kicaro cya territoire ya Rutshuru. Ingabo za Congo ziturutse i Kibumba na Rugari mu birometero 40 bya Goma zageze mu gace ka Katale, mu birometero 15 bya Rutshuru-centre.
\nAbaturage bari muri utwo duce baravuga ko inyeshyamba za M23 ari zo zigenzura uduce twa Kiwanja, Kalengera ndetse na Rutshuru-centre ngo harangwa agahenge nyuma y\u2019imirwano yahabereye.<\/p>\n
Hari andi makuru ava i Goma avuga ko muri uwo mujyi hageze abajenerari babiri b\u2019abanyamurenge batajya imbizi na Leta y\u2019u Rwanda. Abo ni g\u00e9n\u00e9ral Mustafa Mukiza wahoze ari umugaba mukuru w\u2019ingabo za MLC ya Jean Pierre Bemba na g\u00e9n\u00e9ral Patrick Masunzu wamenyekanye cyane ahanganye n\u2019ingabo z\u2019u Rwanda mu misozi ya Murenge, ngo baje guhangana n\u2019ingabo za M23.<\/p>\n
Kuri uyu wa kane tariki 26 Nyakanga 2012 kandi haravugwa uruzinduko rw\u2019amasaha make Perezida Kabila yagiriye i Luanda muri Angola, aho yagiye kubonana na mugenzi we Eduardo Dos Santos. Hari abemeza ko urwo rugendo rwa Kabila i Luanda rufite aho ruhuriye n\u2019imirwano ibera mu burasirazuba bwa Congo dore ko mu minsi ishize abandi bayobozi bo hejuru ba Congo bagiriye inzinduko muri Angola bajyanye ubutumwa bwa Perezida Kabila bugenewe mugenzi we w\u2019Angola Dos Santos.<\/p>\n
Marc Matabaro<\/strong><\/p>\n","protected":false},"excerpt":{"rendered":" Amakuru atangazwa na Radio Okapi aravuga ko urugaga ku rwego rw\u2019intara rw\u2019imiryango itegamiye kuri Leta muri Kivu y\u2019amajyaruguru rurarega abasirikare b\u2019u Rwanda na Uganda gutera inkunga inyeshyamba za M23 ku rugamba mu duce twa Nyongera na Rutshuru-Centre.<\/p>\n","protected":false},"author":3,"featured_media":638,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,64],"tags":[],"class_list":["post-637","post","type-post","status-publish","format-standard","has-post-thumbnail","hentry","category-akarere","category-amakuru"],"yoast_head":"\n