{"id":7131,"date":"2014-06-01T22:38:19","date_gmt":"2014-06-01T20:08:19","guid":{"rendered":"http:\/\/www.therwandan.com\/ki\/?p=7131"},"modified":"2014-06-01T22:38:19","modified_gmt":"2014-06-01T20:08:19","slug":"kurambika-intwaro-hasi-kwa-fdlr-ntibizabuza-intambara-kubaho-gakwaya-rwaka","status":"publish","type":"post","link":"https:\/\/www.therwandan.com\/ki\/kurambika-intwaro-hasi-kwa-fdlr-ntibizabuza-intambara-kubaho-gakwaya-rwaka\/","title":{"rendered":"Kurambika intwaro hasi kwa FDLR ntibizabuza intambara kubaho: Gakwaya Rwaka"},"content":{"rendered":"

FDLR yarambitse intwaro hasi yiyemeza inzira y\u2019imishyikirano n\u2019amahoro, kandi bibaye ku ncuro ya kabiri FDLR yerekana imbere ya Loni n\u2019amahanga, ko itifuza intambara kandi idashaka ko abateza intambara mu gihugu cya Kongo kubera inyungu zabo bwite bakomeza kuyigira urwitwazo. Nyamara ibi byose ntibizabuza intambara ikomeye kuba muri kariya karere k\u2019Afurika y\u2019ibiyaga bigari nkuko yapanzwe kuva kera.<\/p>\n

Ubwo CNR-Intwari yatangazaga ibyavuye mu bushakashatsi yakoze ku mvo n\u2019imvano ya ziriya ntambara zayogoje akarere k\u2019afurika y\u2019ibiyaga bigari, yerekanye ko zose zishingiye k\u2019ubwibone bw\u2019abashaka ngo gushyiraho ingoma-nyabami Nilotique-Hima muri kariya karere bakabigeraho bakoresheje intambara zinyuranye ari nazo zagiye zibyara ibyaha bya jenoside mu Rwanda no muri Kongo. Hariho benshi bashidikanyije ndetse bamwe badutera utwatsi kuko batumvaga ukuntu mu bihe isi igezemo, habaho abantu baba bagiteganya kwigarurira ibindi bihugu bakoresheje ingufu n\u2019intambara. Nyamara Nyamwanga kumva ntiyanze no kubona.<\/p>\n

Ubwo abo batindi bateguraga intambara yo kworeka u Rwanda no kurimbura abanyarwanda mu myaka ya 1986, habayeho amanama menshi yo kunoza uwo mugambi kandi hafi ya yose yaberaga Rwagitura mu biro bya Perizada Museveni. Hagiye havugwa amagambo akomeye cyane benshi bakunze kwiyibagiza nkana cyangwa se kwirengangiza kandi ariyo pfundo rikomeye rigaragaza inkomoko ya Jenoside nyarwanda. Mu manama amwe akomeye yabaye icyo gihe kandi CNR-intwari ifitiye ibimenyetso byanditse, havugiwemo aya magambo. \u201cNo opposite tribe (Hutus) should be left on ground as this should be highly maintained. Hutus are regional enemies as expressed by liberation leader Y.K. Museveni under special agreements refer to Rwagitura meet enhanced by Major Paul Kagame, strictly special techniques to be embarked on in order not to attract international attention<\/i>\u00bb (Preuve n\u00b0011<\/b>\u201d) Aya magambo uwagenekereza mu Kinyarwanda yayasobanura atya:<\/p>\n

Nta muryango \u00a0numwe w\u2019abahutu mu baturwanya ugomba gusigara ikweru, kandi ibi bigomba kwitwararikwa cyane buri gihe. Abahutu ni abanzi bacu bo mu karere nkuko byemejwe n\u2019umuyobozi mukuru Y.K. Museveni mu masezerano yihariye yabereye Rwagitura mu nama yitabirirwe na Major Pahulo Kagame wemeye ko hazakoreshwa amayeri menshi anyuranye kugirango amahanga atazarabukwa ku byerekeye uwo mugambi.(Gihamya no ya 011). <\/i>Abashidikanyaga rero nibibuke ko noneho Museveni yabibasubiriyemo mu ijambo ry\u2019akaminura muhini yavuze mu minsi ishize\u00a0 ubwo mu Rwanda hibukwaga imyaka 20 jenoside nyarwanda imaze ibaye. Amaze kwerekana no kuvuga ibigwi n\u2019ubuhangange ibihugu bigize Empire Nilotiques Hima byari bifite ngo abakoloni batarabyigarurira yagize ati \u00a0\u201c We are now much stronger in every sense of the world: politically,militarilly,socially and economically. The People of Rwanda should know that they can always count on the people of Uganda.\u201d\u00a0 Birasobanura ngo\u00a0 \u201c Ubu noneho turakomeye cyane mu buryo ubwo aribwo bwose; muri politiki, mu gisirikari mu mibereho myiza ya rubanda no mu bukungu.\u201d Abanyarwanda nibamenye ko buri gihe cyose bazaba bari kumwe n\u2019abaganda muri byose<\/p>\n

Urubuga ikaze iwacu narwo rwasohoye inyandiko irambuye kandi ifite n\u2019ibimenyetso bikomeye kuwa 9 Gicurasi 1994 yerekana neza ko \u00a0umugambi wo kubaka no gushyiraho empire Hima tutsi mu karere k\u2019Afurika y\u2019ibiyaga bigari. Wabayeho kandi ukiriho. (http:\/\/ikazeiwacu.fr\/2014\/05\/08\/three-plans-to-achieve-tutsi-empire<\/a>).<\/p>\n

Kugirango hatagira ikibangamira uwo mugambi Kagame na Kaguta\u00a0 n\u2019abambari babo babona ko abahutu\u00a0 bo mu karere bagomba kurimbuka hakoreshejwe amayeri yose ashoboka k\u2019uburyo amahanga atarabukwa.<\/p>\n

Ibi mbigarutseho kugira ngo byumvikane ko hateguwe kandi hakabaho n\u2019umugambi wo kwica no kurimbura abahutu mu Rwanda nk\u2019ubwoko. Intambara ya 1990 ikaba yari igamije mbere na mbere gushyira uyu mugambi mu ngiro nubwo wenda hatari habuze n\u2019izindi mpamvu zuririweho imwe muzo bakunda gushyira imbere cyane, ikaba ijyanye n\u2019ubuhunzi kandi bigaragara ko icyo kibazo cyari cyaramaze gukemuka biciye mu nzira z\u2019amahoro n\u2019imishyikirano, muri komisiyo y\u2019igihugu yari yashyiriweho gukemura ikibazo cy\u2019impunzi. Nta mpamvu nimwe rero yatuma dutinya kuvuga ukuri nubwo kandi byagira uwo byakomeretsa abyihanganire. \u201cLes faits sont t\u00eatus\u201d Abahutu barishwe guhera za Byumba, igihugu cyose\u00a0 Kibeho, Kongo mu majyaruguru y\u2019igihugu ndetse n\u2019ahandi hose bagiye bahungira mu bihugu binyuranye.Nyuma yo kwica mu kivunge hakurikiyeho amayeri yo kwica abanyabwenge n\u2019abajijutse\u00a0 cyangwa se kubafungira ubusa, kwoza urubyiruko mu bwonko no kubigisha amateka acuramye, \u00a0kubatoza gusaba imbabzi z\u2019ibyaha ngo byakozwe mwizina ryabo batarabaho kubabuza kwiga ngo batagira ubumenyi bwiza kandi buhagije, kubakenesha by\u2019ihabu no kubahoza ku nkeke y\u2019ubwoba budashira n\u2019ibindi byinshi ntarondora. Bityo rero: \u201cJenoside y\u2019abahutu mu Rwanda yarateguwe kandi ishyirwa mu bikorwa n\u2019abayobozi bakuru ba FPR-Inkotanyi bafatanije na Museveni Kaguta n\u2019abaterankunga babo; naho Jenoside yakorewe abatutsi b\u2019imbere mu gihugu yabaye ingaruka mbi yuwo mugambi\u00a0 kirimbuzi wari wateguriwe mbere na mbere \u00a0kurangiza abahutu .<\/b><\/p>\n

Nubu rero uyu mugambi uracyariho kandi uzahoraho igihe cyose Kagame na Kaguta n\u2019ababashyigikiye bazaba batarahindura imyumvire yabo ku kibazo cy\u2019uRwanda.<\/p>\n

Ibimenyetso bica amarenga<\/b><\/p>\n

Mbere yuko umuhango FDLR itangiza k\u2019umugaragaro umuhango wo gushyira intwaro hasi, umukozi mukuru muri Ambasade y\u2019uRwanda mu muryango w\u2019Abibumbye Bwana Nduhungirehe Olivier yagize ati: \u201cBiriya FDLR irimo byo kubwira amahanga ko yashyize cyangwa se yiteguye gushyira intwaro hasi ni ikinamico tumenyereye. Si ubwa mbere biba si n\u2019ubwa nyuma. Ikibazo ariko ni uko imvugo atari yo ngiro. Bamara kubivuga, nyuma y\u2019iminsi tukumva basagariye abaturage bo mu duce tumwe na tumwe twa Kivu y\u2019Amajyaruguru n\u2019iy\u2019Amajyepfo.\u201d<\/b><\/p>\n

(http:\/\/www.igihe.com\/politiki\/amakuru\/article\/fdlr-gushyira-intwaro-hasi-ni<\/a>)<\/p>\n