Tariki ya 1\/07 ni umunsi mukuru ngarukira mwaka, umunsi abanyarwanda twizihizaho umunsi mukuru w\u2019ubwigenge bw\u2019Igihugu cyacu, umunsi abanyarwanda basezereye ku mugaragaro mu birori, ingoma ebyiri zari zarabatsikamiye: iya Cyami n\u2019iya gikoloni.<\/p>\n
Ku itariki ya 28\/01\/1961 ni bwo u Rwanda rwavuye mu butegetsi bwari bushingiye ku ngoma ya Cyami rwari rumazemo imyaka irenga magana ane , ruhinduka\u00a0 Repubulika.\u00a0 Kuri uwo munsi ni bwo abayobozi bari bamaze gutorwa n\u2019abaturage mu matora y\u2019amakomini\u00a0 yari yabaye kuva taliki ya 26\/6 kugeza kuya 30\/7\/1960 mu Rwanda hose bateraniye i Gitarama bemeza\u00a0 ko u Rwanda rubaye Repubulika.<\/p>\n
Icyo gihe Umwami Kigeli V n\u2019ishyaka UNAR ryari rimushyigikiye mu kwanga isangira ry\u2019ubutegetsi hagati y\u2019abana b\u2019u Rwanda bose nta vangura, bahise bajyana ikirego mu muryango w\u2019abibumbye (l\u2019ONU\/UN) ko hari abantu bafashe ubutegetsi ku ngufu mu Rwanda bakamukuraho we n\u2019Ubwami bwe kandi kuri we ubwo bwami bwe nawe ubwe ari intanyeganyezwa. Umuryango w\u2019abibumbye kugirango ukemure izo mpaka wahise\u00a0 utegura amatora ya KAMARAMPAKA (referendum) yabaye\u00a0 mu Rwanda hose kw\u2019italiki ya 25\/09\/1961, abanyarwanda bongera kwemeza ko badashaka ubutegetsi bushingiye ku Bwami ubwo ari bwo bwose, bemeza ko bashaka ubutegetsi bushingiye kuri Repubulika.<\/p>\n
Ubutegetsi bubi bwaranze ingoma za Cyami zose kugeza ku ngoma y\u2019Umwami Kigeli V ni bwo bwabibye imbuto mbi y\u2019amacakubiri mu Rwanda yakomeje kuba karande mu banyarwanda kugeza ubu, kuko bwari bwubakiye kw\u2019ivangurabwoko, ubucakara, uburetwa, ubuhake, igitugu, ubwiru n\u2019ikinyoma, uburiganya n\u2019ubuhendanyi, urugomo, akarengane, ubwibone, agasuzuguro,\u00a0 kunena, guheeza no kwigizayo abandi(exclusion), kwigwizaho ibyiza by\u2019igihugu, iterabwoba\u00a0 n\u2019ubwicanyi<\/i><\/b>.<\/p>\n
Kubera igihe kirekire ubu butegetsi bwa Cyami bwamaze mu Rwanda, imiterere n\u2019imikorere mibi yabwo yahindutse nk\u2019umuco w\u2019imitegekere y\u2019abanyarwanda muri rusange ku buryo ibibi byabwo byambukiranyije ingoma zose na za repubulika zose kugeza ubu. Mbese ubutegetsi bubi twagize mu Rwanda kuva rwabaho kugeza ubu ni umurage mubi cyane\u00a0 twasigiwe n\u2019ubutegetsi\u00a0 bwa Cyami.<\/p>\n
Ishyaka PRM\/MRP-ABASANGIZI rirashimira impirimbanyi za demokarasi by\u2019umwihariko zaharaniye ko ingoma mbi ya Cyami ivaho, bagashishikariza abanyarwanda kuyanga no kuyisezerera, n\u2019abanyarwanda muri rusange kuba barahisemo ubutegetsi bushingiye ku mahame ya Repubulika kuko byagaragaye n\u2019ahandi hose kw\u2019isi ko ayo mahame, iyo ashyizwe mu bikorwa uko yakabaye n\u2019uko bikwiye, agiririra akamaro kanini igihugu na benecyo mu gukemura ibibazo gifite no kugera ku majyambere arambye. Amwe mu y\u2019ingenzi muri ayo mahame ni aya:<\/p>\n
(1) Ubutegetsi ni ubw\u2019ababenegihigu (abaturage) bose, butangwa nabo ubwabo (ntibuvukanwa), kandi akaba ari bo bukorera;<\/p>\n
(2)\u00a0 Abenegihugu nibo batanga ubutegetsi ubwo ari bwo bwose bakabuha undi mwenegihugu uwo ari we wese bashatse binyuze mu nzira z\u2019amatora kandi bakabumwambura igihe bashakiye mu gihe bo ubwabo basanze ko yabakoshereje;<\/p>\n
(3)\u00a0 Kureshya kw\u2019abanegihugu bose imbere y\u2019igihugu cyabo n\u2019imbere y\u2019amategeko akigenga;<\/p>\n
(4) Kuba Leta igendera ku mategeko, ntawe uyasumba kabone niyo yaba ari Umukuru w\u2019Igihugu; nawe amategeko akamuhana igihe yayarenzeho cyangwa se yitwaye mu byo akora nk\u2019aho ayo mategeko areba abandi batari we;<\/p>\n
(5) Ubutegetsi budafitwe n\u2019umuntu umwe gusa cyangwa urwego rumwe gusa ahubwo buri mu maboko y\u2019inzego zinyuranye, Umukuru w\u2019Igihugu ntabe yaravukanye imbuto ahubwo agatorwa n\u2019abenegihugu kandi agategeka igihe kibaze, yakirangiza abandi benegihugu bose babishaka bakiyamamariza kumusimbura.<\/p>\n
Aya mahame ya Repubulika iyo uyongeyeho amahame ya demokarasi ashigiye ku burenganzira bunyuranye kandi busesuye bwa buri mwenegihugu mu gihugu cye hamwe\u00a0 n\u2019ibyo na we agomba igihugu cye n\u2019abenegihugu bagenzi be, ugira igihugu kiza cyane kibereye abenegihugu bose. Igihugu buri mwenegihugu agendamo yemye kandi akishimira kukibamo kuko akibonamo akumva nawe ari igihugu cye kuko kimufata kimwe n\u2019abandi benegihugu bose nta gutonesha, nta gucagura, nta vangura iryo ari ryo ryose rijemo.<\/p>\n
Kuva twabona ubwigenge taliki ya 01\/07\/1962, aya mahame ya Repubulika na demokarasi ntabwo yigeze ashyirwa mu bikorwa uko bikwiye, akaba ari nabyo byatumye kuva icyo gihe kugeza ubu Repubulika na demokarasi byarabayeho kw\u2019izina gusa, mu bikorwa hakikomereza ubutegetsi bushingiye ku ndangagaciro mbi zarangaga ingoma ya Cyami nk\u2019ivangurabwoko, igitugu, ikinyoma cy\u2019ubwiru, kwica abantu n\u2019izindi nkuko twazivuze muri iri tangazo haruguru.<\/p>\n
Urugero, ubutegetsi bwa Kagame na FPR buriho mu Rwanda ubu, bubeshya abanyarwanda n\u2019amahanga ko bushingiye ku mahame ya Repubulika na demokarasi kandi atari byo. Twiyemeje guharanira ko buvaho kuko ari ubutegetsi bubi bwubakiye ku kinyoma, uburyarya, uburiganya n\u2019ubuhendanyi, gukorera mu bwiru, umuco wo guhakwa no guhakirizwa, igitugu, akarengane, urugomo, ubwibone, agasuzuguro, ivangurabwoko, irondakarere n\u2019irondakazu (nepotisme), guheza no kwigizayo abandi(exclusion), kuniga itangazamakuru, kudatanga ubwisanzure mu gukora politiki, gusahura umutungo w\u2019igihugu, gutegekesha itera bwoba no kwica abantu.<\/p>\n
FPR Inkotanyi n\u2019abayobozi bayo, uhereye no kuri perezida Kagame\u00a0 ubwe, ntibemera kwizihiza italiki ya 01\/07 igihugu cyacu cyaboneyeho ubwigenge ngo kuko batari bahari. Ibi bikaba byerekana ko ari abantu bokamwe n\u2019ivangurabwoko n\u2019ubundi bwironde bukabije buvanze n\u2019ubwihimure kuko bahisemo kwizihiza gusa italiki ya 04\/07 bafatiyeho ubutegetsi ku ngufu z\u2019imbunda n\u2019amasasu.<\/p>\n
Turasaba abanyarwanda bose kuzirikana ko tumaze imyaka 41 yose dushikamiwe n\u2019ubutegetsi bw\u2019igutugu bubiri bwashingiye ku ngufu za gisilikare, bukaba bwarungikanije bukurikirana nta n\u2019agahenge k\u2019ubundi butegetsi buzima gaciyemo. Ishyaka PRM\/MRP-ABASANGIZI rirahamagarira abanyarwanda b\u2019inyangamugayo, abagize sosiyeti sivile, abantu ku giti cy\u2019abo n\u2019amashyaka ya politiki, guhaguruka bagaharanira uburenganzira bwa buri wese nta vangura iryo ariryo ryose rijemo. Umunsi w\u2019isabukuru y\u2019ubwigenge bw\u2019igihugu cyacu wari ukwiye kutubera umunsi wo kongera gutekereza aho twavuye n\u2019aho tujya, tukamenya neza ko aho FPR- Inkotanyi ya Kagame n\u2019abambari be baganisha u Rwanda n\u2019abanyarwanda ari ahantu habi cyane; tugahagurukira rimwe, tukirengagiza ibidutanya tugaharanira uburenganzira bwacu n\u2019ububasha bwacu nk\u2019abenegihugu, tukabohoza igihugu cyacu cyagize amakuba yo kugwa mu ntoki z\u2019agatsiko k\u2019abicanyi ba FPR Inkotanyi.<\/i><\/b><\/p>\n
Turangije ubu butumwa bw\u2019isabukuru y\u2019ubwigenge bw\u2019igihugu cyacu dushishikariza abanyarwanda muri rusange n\u2019abayoboke b\u2019ishyaka PRM\/MRP-ABASANGIZI by\u2019umwihariko n\u2019abandi bifuza kuba bo, kurangwa n\u2019ingengabitekerezo ya politiki ya Parti Rwandais des Moderes\/ Moderate Rwanda Party, PRM\/MRP-ABASANGIZI\u00a0 yubakiye ku mahame y\u2019ubworoherane (moderatism ideology\/ideologie du moderatisme), ubwubahane (mutual respect\/respect mutual), ubwihanganirane (tolerance) ubusabane (concorde), ubufatanye (solidarite\/solidarity), ubwuzuzanye (complementalite), ubuvandimwe (fellowship\/fraternite), ubwizerane (mutual trust\/confiance mutuelle), ubwumvikane (mutual understanding\/ comprehension mutelle), ubunyakuri (thruthness\/verite, sincerite), gukorera mu mucyo (transparency\/transparence), no gusangira ibyiza byose by\u2019igihugu(genuine power sharing) hagati y\u2019abanyarwanda bose ntawe ukumiriwe<\/p>\n
Bikorewe Savannah, Georgia, Leta Zunze Ubumwe za Amerika taliki ya 30\/06\/2014<\/p>\n
Dr. Gasana Anastase, Chairman wa PRM\/MRP-ABASANGIZI;<\/p>\n
Mr. Mukeshimana Isaac, Visi-Perezida ushinzwe ibya politiki;<\/p>\n
Mr. Batungwanayo Janvier, Visi-Perezida ushinzwe ihuzabikorwa.<\/p>\n
Mushatse kutwandikira mugira icyo mutubaza cyangwa se mutwungura ibitekerezo, email yacu ni abasangizi@gmail.com<\/p>\n","protected":false},"excerpt":{"rendered":"
Tariki ya 1\/07 ni umunsi mukuru ngarukira mwaka, umunsi abanyarwanda twizihizaho umunsi mukuru w\u2019ubwigenge bw\u2019Igihugu cyacu, umunsi abanyarwanda basezereye ku mugaragaro mu birori, ingoma ebyiri zari zarabatsikamiye: iya Cyami n\u2019iya gikoloni. Ku itariki ya 28\/01\/1961 ni bwo u Rwanda rwavuye mu butegetsi bwari bushingiye ku ngoma ya Cyami rwari rumazemo imyaka irenga magana ane , […]<\/p>\n","protected":false},"author":4,"featured_media":7156,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-7374","post","type-post","status-publish","format-standard","has-post-thumbnail","hentry","category-politiki"],"yoast_head":"\n