Mu itangazo rigufi No SC\/10736 AFR\/2425 ryashyizwe ahagaragara n\u2019umuyobozi mukuru w\u2019Inama y\u2019Umuryango w\u2019Abibumbye ishinzwe amahoro ku isi G\u00e9rard Araud taliki 2 Kanama 2012 yagize ati: abanyamuryango bagize Inama y\u2019Umuryango w\u2019abibumbye ishinzwe amahoro ku isi taliki 30 Nyakanga bagejejweho inyandiko n\u2019intumwa yihariye y\u2019Umunyamabanga mukuru muri Congo akaba n\u2019ukuriye ingabo z\u2019Umuryango w\u2019Abibumbye zibungabunga amahoro muri Congo (MONUSCO) bwana Roger Meece, iyo nyandiko igaragaza uko ibintu byifashe ubu mu burasirazuba bwa Congo by\u2019umwihariko ku bitero bikorwa n\u2019inyeshyamba za M23 harimo no kuba zikangisha ko zizatera umujyi wa Goma.<\/p>\n
Yakomeje agira ati: abanyamuryango b\u2019Inama y\u2019Umuryango w\u2019Abibumbye ishinzwe amahoro ku isi n\u2019ingufu nyinshi baramagana ibitero bikorwa n\u2019inyeshyamba za M23 bakaba banasaba ko zihagarika byihutirwa iteza ry\u2019umutekano muke harimo n\u2019umugambi wo gutera umujyi wa Goma. Ati abagize Inama y\u2019Umuryango w\u2019Abibumbye ishinzwe amahoro ku isi barasaba M23 hamwe n\u2019imitwe yitwara gisirikari guhagarika ibikorwa byo guhohotera ikiremwa muntu harimo gufata kungufu abagore n\u2019abakobwa, kwinjiza abana mu gisirikari.<\/p>\n
Iyo nama kandi irahamagarira inzego zose gukurikirana no kureba uko uburenganzira bw\u2019ikiremwamuntu buhutazwa ababikora bakaba bagomba kuryozwa ibyo byaha. Komiseri w\u2019ishami ry\u2019Umuryango w\u2019Abibumbye rishinzwe kubahiriza ikiremwamuntu Navi Pillay akaba aherutse gushyira ahagaragara urutonde rw\u2019abasirikari bakuru batanu bafite aho bahuriye n\u2019ibikorwa bihohotera abasivili: Urukiko mpuzamahanga mpanabyaha ruvuga Bosco Ntaganda, Sultan Makenga, Baudouin Ngaruye, Innocent Zimurinda hamwe na Innocent Kaina.<\/p>\n
Yanavuze ko abanyamuryango b\u2019Ishami ry\u2019Umuryango w\u2019Abibumbye rishinzwe amahoro ku isi bashyigikiye ibiganiro biherutse gukorwa hagati ya Kagame na Kabila banashyigikira ko bikomeza ndetse bikanakorwa mu rwego rw\u2019akarere kose aho yakomoje ku nama y\u2019akarere iteganyijwe i Kampala mu Bugande taliki 7 Kanama. Yanavuze ariko ko abanyamuryango b\u2019Inama y\u2019umuryango w\u2019Abibumbye ishinzwe amahoro ku isi bamagana bivuye inyuma inkunga izo arizo zose ziturutse hanze zihabwa umutwe wa M23 inasaba ko byahita bihagarara. Yavuze ko uwo muryango uhamagarira ibihugu byo mu karere gufatanya na Congo guhagarika no kuvanaho burundu ibikorwa bya M23. Yavuze kandi ko abanyamuryango b\u2019Inama y\u2019Umuryango w\u2019Abibumbye ishinzwe amahoro ku isi bashyigikiye byimazeyo ibikorwa bya MONUSCO mu burasirazuba bwa Congo cyane cyane i Goma harimo n\u2019uburyo igerageza gushyigikira guverinoma ya Congo mu kurinda abasivili bavanywe mu byabo n\u2019ibikorwa by\u2019inyeshyamba. Iyo nama kandi ngo irahamagarira impande zose gukorana na MONUSCO ikanamagana abayigabaho ibitero.<\/p>\n
Itangazo nk\u2019iri ryaba risobanuye iki?<\/strong><\/p>\n Tumaze gusoma iri tangazo twakubitiye hirya no hino dusoma inkuru zinyuranye zimaze iminsi zandikwa ku bitero bigabwa n\u2019inyeshyamba za M23 maze dusanga hafi 99% by\u2019izo nkuru byemeza ko u Rwanda ruri inyuma y\u2019ibyo bitero n\u2019ubwo rugerageza kubihakana. Twanasanze amakuru make aherutse gutangazwa muri iki cyumweru kirangira nayo avuga ko igihugu cy\u2019Ubugande cyaba gifite ingabo mu burasirazuba bwa Congo zikaba zifatanya na M23. Kuba u Rwanda rufasha uriya mutwe byo ni ndakuka kuko byanemejwe na za raporo zinyuranye harimo n\u2019iz\u2019Umuryango w\u2019Abibumbye n\u2019ubwo u Rwanda rubihakana nyamara ibimenyetso byaragaragajwe dore ko n\u2019imyitozo ihabwa abasirikari bitegura kujya gufasha uriya mutwe ibera ku butaka bw\u2019u Rwanda kandi guhakana ntibibuza ukuri kuba ukuri.<\/p>\n U Rwanda rurakora uko rushoboye ngo ruburizemo ibikorwa by\u2019iriya raporo rukoresheje uburyo bunyuranye : kuvuga ko uwari uhagarariye Ubuholandi mu Rwanda wacyuye igihe yaratangaje ko u Rwanda rutarwanira muri Congo kandi ngo akanashima ko u Rwanda rwamaganye iyo raporo ; gukoresha minisitiri w\u2019ububanyi n\u2019amahanga Louise Mushikiwabo mu gusobanura no kwerekana ko raporo za Loni nta gaciro zifite ; gukoresha ibinyamakuru bya leta nka The New Times n\u2019Imvaho nshya mu gusebya umwe mu bashyize ahagaragara ziriya raporo ariwe Steve Hege.<\/p>\n Kuba umunyamakuru nka Faith Mbabazi, umugore w\u2019umuswa mu itangazamakuru ariko ukoresha mu itangazamakuru ry\u2019u Rwanda ububasha yahawe ku mpamvu zumvikana nk\u2019umugore dore ko yanahawe ku buryo budasobanutse kuyobora igice cya ORINFOR gishinzwe ibya radiyo. Ni ishyano kuri leta ikoresha abantu nk\u2019aba bazwiho ubuswa bwo mu rwego rwo hejuru mu bikorwa nka biriya dore ko uyu mugore azwiho kuba ari umwe muri nyirabayazana zanegekaje itangazamakuru mu Rwanda abenshi bemeza ko rigeze aharindimuka cyane cyane irya leta. Uyu mugore se koko ni we leta ya Kigali ibona akwiye kuyihagararira mu gusebya abakozi ba Loni bizwi ko yananiwe akazi k\u2019itangazamakuru agahabwa kwica agakiza ari nabyo ashoboye muri ORINFOR ?<\/p>\n Kuba Umuryango w\u2019abibumbye ukomeza gutunga agatoki u Rwanda n\u2019ubwo muri iri tangazo wirinze kuruvuga mu izina ndetse ukanavuga ko wamagana ibikorwa byarwo byo gufasha inyeshyamba za M23 ni ikimenyetso cyerekana ko uko byagenda kose Kagame adashobora kwigobotora ibyaha by\u2019intambara n\u2019ibyaha byibasira inyoko muntu biregwa uriya mutwe nk\u2019uko Charles Taylor yananiwe kwigobotora ibyaha by\u2019intambara n\u2019ibyaha byibasiye inyoko muntu byakozwe n\u2019inyeshyamba za LUF muri Sierra L\u00e9one zifashijwe n\u2019uwahoze ari perezida wa Liberia Charles Taylor.<\/p>\n Ibi bikaba bivuze ko uko byagenda kose, igihe byafata icyo aricyo cyose Kagame azakurikiranwa byanze bikunze. Keretse rero ahisemo inzira y\u2019ubusamo bityo ntazaryozwe ibyo byaha. Kuba inyeshyamba ashyigikiye zafata Kinshasa ngo abone uko ahunga ibyo byaha nabyo ntibishoboka kuko ubu arimo kurwana n\u2019amahanga kandi turibuka ko muri za 1998 yashatse kwigarurira Kinshasa bikamunanira kubera ibikorwa by\u2019ingabo za Angola, Zimbabwe na Namibia zatabayeicyo gihe iza Laurent Kabila zirukanye ingabo za Kagame muri Congo. Ubu rero sibwo byashoboka kuko isi yamaze no kumuha akato. Na n\u2019ubu kandi Umuryango w\u2019Abibumbye urahamagarira ibihugu byo mu karere gufatanya na leta ya Congo guhashya ziriya nyeshyamba. Amaherezo rero bikaba bizakorwa nk\u2019uko byakozwe icyo gihe dore ko noneho na Loni isa n\u2019ibishyigikiye. Tukaba kandi twarigeze kubagezaho iby\u2019izi ngabo bivugwa ko zaba zaramaze gushinga ibirindiro muri kiriya gihugu tukaba dushakishiriza kubura hasi no hejuru ngo tumenye ibyazo tubibagezeho mu magambo arambuye.<\/p>\n Twanabagejejeho uburyo iriya ntambara yatangiye n\u2019uburyo ari nyirabayazana w\u2019iherezo ry\u2019ubutegetsi bwa Kagame. Abarambirwa vuba bararambiwe kuko hari abifuza imishyuhira ariko nyamara igitekerezo kiracyari cya kindi : iriya ntambara niryo herezo ry\u2019ubutegetsi bwa Kagame. Abarambiwe nimurambirwe ariko mwibuke ko ibishyushye byotsa amatama. Mu gihe gikwiye muzabona ubutegetsi bwamunzwe buhirimye nk\u2019uko mubona igiti cyamunzwe gihagaze gihirima izuba riva ntawe ugikozeho. Ibi kandi ibimenyetso bimwe byatangiye kugaragara kuko bitigeze bibaho ko ibihugu bifasha u Rwanda bifatira rimwe ibyemezo bikarishye nka biriya.<\/p>\n Kagame na Mushikiwabo bakomeza kubeshya abanyarwanda ko ntacyo bitwaye nibikomereze ariko banibuke igihe leta y\u2019abatabazi yafatirwaga ibihano n\u2019ibihugu by\u2019amahanga uko byayigendekeye. Igihe cy\u2019ubutegetsi bw\u2019igitugu bwa FPR n\u2019umuyobozi wayo Kagame n\u2019abandi bacanshuro bayo kigeze mu minsi yacyo ya nyuma. Abari mu nzira n\u2019abarangaye bigireyo igiti cyamunzwe kitabagwira.<\/p>\n