Hashize imyaka ine Generali Fawustini Kayumba Nyamwasa arasiwe muli afurika y\u2019epfo aliko ararusimbuka.<\/p>\n
Uyu Kayumba Nyamwasa w\u2019imyaka 56 y\u2019amavuko, arazwi cyane muri FPR-Inkotanyi, kuko uretse no kuba mu b\u2019ikubitiro bayishinze, ari mu bayoboye intambara ku banyarwanda , intambara yamaze imyaka ine igatuma FPR ifata ubutegesi nyuma y\u2019umuvu w\u2019amaraso wahitanye amagana n\u2019amagana y\u2019abanyarwanda. Uyu Kayumba Nyamwasa yabaye umugaba mukuru w\u2019ingabo z\u2019u rwanda rwari rumaze kwigarurirwa na FPR-Inkotanyi. Azwi kandi kuba yari inkoramutima ya Paul Kagame , Perezida w\u2019u Rwanda. Ariko ntibibuza Kayumba Nyamwasa kwemeza ko uyu Paul Kagame baryanye akabisi n\u2019agahiye ariwe waba warashatse kumwicisha aho ari mu buhungiro muri Afurika y\u2019epfo! Kayumba Nyamasa yarusimbutse ku itariki ya 10\/06\/2010, amaze amezi ane gusa ahunze u Rwanda.<\/p>\n
Hari mu gihe cya mondial y\u2019umupira w\u2019amaguru yaberaga muri Afurika y\u2019epfo, ubwo ngo abantu bamurashe urufaya rw\u2019amasasu, amuhinguranya mu nda, nyuma aza kujyanwa mu bitaro, k\u2019ubw\u2019amahirwe, ararokoka.<\/p>\n
Abagabo batandatu bagerageje kumwivugana , nk\u2019uko mubabona hano mu rukiko baje gutabwa muli yombi.<\/p>\n
Muribo hakaba halimo n\u2019umushoferi we witwa Richard ngo ushobora kuba yaraje kumubera Yuda, akamugambanira. Icyo gikorwa cyo gushaka kwivugana General Kayumba Nyamwasa ngo kikaba cyali kiyobowe n\u2019undi mugabo witwa Pascal Kanyandekwe .<\/p>\n
General Kayumba Nyamwasa akimara kuraswa, uyu Kanyandekwe ngo yashatse guhunga, polisi y\u2019afurika y\u2019epfo ihita imucakira imuta muli yombi , ndetse ngo agerageza gutanga ruswa ya miliyoni y\u2019amadolari y\u2019amerika ariko baramwangira.<\/p>\n
Igihugu cy\u2019u rwanda cyakomeje gutungwa agatoki kubera iki gikorwa cyo gushaka guhitana General Kayumba Nyamwasa, ndetse bituma ibihugu byombi (u Rwanda n\u2019Afurika y\u2019epfo) bisa n\u2019aho bicanye umubano bitewe n\u2019uko Afurika y\u2019epfo yashinjaga u Rwanda ibikorwa by\u2019ubwicanyi mu gihugu cyabo.<\/p>\n
Ku itariki ya 29\/08\/2014 rero, Ikonderainfos twari muri afurika y\u2019epfo, mu rubanza rwagaragayemo abanyabyaha nyakuri.<\/p>\n
Isomwa ry\u2019urubanza ryabereye mu rukiko rwa KAGISO muri afurika y\u2019epfo, ryagaragaje ko abagabo bane bahamwe n\u2019icyaha cyo gushaka kwica Kayumba Nyamawasa : umunyarwanda umwe n\u2019abatanzaniya batatu.<\/p>\n
Icyakora abantu benshi batunguwe no kumva umucamanza ahanaguraho ibyaha Kanyandekwe na Richard ngo bitewe n\u2019uko ubushinjacyaha nta bimenyetso bifatika bwatanze bigaragaza ko aba bagabo bombi bari mu mugambi wo guhitana Nyamwasa.<\/p>\n
Aliko kandi, muri iryo somwa ry\u2019urubanza , umucamanza yagaragaje ko gushaka kwica General Kayumba Nyamwasa byari impavu za politiki ndetse avuga ko leta y\u2019u Rwanda ariyo iri inyuma y\u2019icyo gikorwa kibisha.<\/p>\n
Erega ngo na anketi zakozwe, zagaragaje ko abagombaga kwica Nyamwasa bari baguriwe akayabo k\u2019amaround ibihumbi mirongo itanu, bikabaka hafi ibihumbi bitanu by\u2019amadolari y\u2019abanyamerika! Nyuma y\u2019isomwa ry\u2019urubanza General Kayumba Nyamwasa yagiranye ikiganiro n\u2019abanyamakuru benshi bamubazaga ukuntu yafashe irangizwa ry\u2019urubanza , cyane ngo bitewe n\u2019uko uwakekwaga kuba yari ayoboye igikorwa cyo gushaka kumwivugana ariwe Pascal Kanyandekwe yagizwe umwere.<\/p>\n
Mu bisubizo yatanze General Kayumba Nyamwasa yavuze ko ngo mu by\u2019 ukuri we ntacyo apfa n\u2019abashakaga kumwivugana kandi ko ngo yiteguye no gutanga imbabazi kuri bariya bahamwe n\u2019icyaha ; avuga ati: \u00ab Kuri jye icyangombwa n\u2019uko ubutabera bwa\u2019afurika y\u2019epfo bwagaragaje uwashakaga kunyica, ariwe : Paul Kagame \u00bb.<\/p>\n
Abagabo bane bahamijwe ibyaha aribo Amani w\u2019umunyarwanda, abatanzania batatu Hassan Mohammedi Nduli, Sady Abdou na Hemedi Dengengo Sefu, bazamenyeshwa ibihano bibataganirijwe tariki ya 10\/09\/2014 muri afurika y\u2019epfo.<\/p>\n
Ibyo bihano ngo bikaba bishobora kugera ku myaka 10 y\u2019igifungo muri afurika y\u2019epfo .<\/p>\n