UBUTUMWA BUGENEWE ABAHOZE ALI ABANYAMURYANGO BA FPR-INKOTANYI IKIRI NZIMA, ABAKIBYIYUMVAMO BOSE BABABAJWE N\u2019UKO UMURYANGO WAHEMUKIWE MU NTEGO ZAWO WARI WARIYEMEJE, NDETSE N\u2019ABABABAYE ALI ABAKUNZI BA FPR-INKOTANYI BOSE<\/b><\/p>\n
Intashyo y\u2019Ihumure ku Rwanda\u00a0<\/b><\/p>\n
Rwanda;<\/p>\n
Twe abawe turagutashya, turaguhumuriza tugira tuti: Humura Rwanda turacyariho, Humura Rwanda n\u2019umutima turacyawufite.<\/p>\n
Humura Rwanda ijwi ryawe risa n\u2019irizima ritabaza ryatugezeho turaryumva tukumva ko ali iryawe n\u2019ubwo ryumvikanira mu nduru nyinshi y\u2019agahinda n\u2019amarira n\u2019imiborogo y\u2019abawe benshi cyane.<\/p>\n
Humura Rwanda ibiganza byawe birembuza bitabaza twabirabutswe tugira igihunga n\u2019umushiha utewe n\u2019ako gahinda kakugose utuzamukamo, none twabuze amahoro kandi ntituzayagira tutagutabaye. Kandi twakwibuka isoko yacu ya cyera, twese abawe, tukibuka kure cyane aho dushinze imizi mu moko ya benekanyarwanda yose uko angana, twagira ibakwe tukazura umugara, twatambukana ubutwali Imana iturangaje imbere.<\/p>\n
Nibyo twaratatanye, twarajengerejwe turazungera, turateraganwa, natwe duterera iyo, none imyaka ibaye ishyano ryaguye mu rwatubyaye.<\/p>\n
Birababaje.<\/p>\n
Aliko, twibuka cyane ko mu bihe bikomeye nk\u2019ibi, dusabwa kuba twe no kuba abawe koko, dusabwa kumva no kwinegura twigaya ngo ibyahise ntibitubere impamvu yo guhera! Dusabwa kubaduka no gushira ubwoba, maze twakwitonda ukaduha inganzo ituma tuganza.<\/p>\n
Humura Rwanda ntuzazima abawe baguhoza ku mutima duhari.<\/p>\n
Intashyo ku babaye abanyamuryango n\u2019abakunzi bawo bose, abari mu gihugu n\u2019abali hanze yacyo<\/b><\/p>\n
Bavandimwe banyamuryango mwese uko muli n\u2019aho muli, mu turere twanyu n\u2019ibihugu mutuyemo, mu moko yanyu yose uko twayisanzemo twe abanyarwanda, no mu byo muhugiyemo byose, nimugire amashyo n\u2019ubukungu, muhorane Imana kandi murambe. Nimwakire Intashyo ya kivandimwe, kandi muhumure umutima ukunda kandi wuzuye ubushake n\u2019ubushobozi bwo kwesa imihigo turacyawufite.<\/p>\n
1. Intangiriro<\/b><\/p>\n
Ubu butumwa bugamije kuramukanya bya kivandimwe no gusangira ibitekerezo n\u2019abahoze ari abanyamuryango ba FPR-Inkotanyi mu mahame yayo ya kare atagira amakemwa ndetse n\u2019abakunze amahame n\u2019ibyifuzo byayo, kugirango aho bikwiye twemere kwigaya no kugawa, ndetse n\u2019icyemezo cyo kwiyuburura no kwiyambura uwo mugayo tugihamye, bityo duhurire n\u2019abandi benshi cyane mu runana rwo kuba umuryango mugari uzira ubwiko.<\/p>\n
Muli make ni ubutumwa bwo kwinegura<\/i>, bukaba n\u2019ubutumwa bwo gushishikarira kwiyemeza intambwe zikwiye kuko umutima n\u2019imbaraga byo kuzitera twabihawe n\u2019iyaduhanze. Imana y\u2019i Rwanda imwe idatanga yitangiriye itama, yarinda abayo ntihumbye ikabahozaho ijisho ryayo ikabereka inzira n\u2019igikwiye.<\/p>\n
Twebwe abiyemeje gufata iya mbere tukandika ubu butumwa, tuli bamwe muli mwe, kandi twaritegereje dusanga mu muco w\u2019ikinyarwanda urubanza rwose rugira ukwinegura, ngo hato tutazasubira mu kugenza nabi aho byagaragara ko hari ibitaratunganyijwe. Twaritegereje rero dusanga kuva FPR-Inkotanyi yafata ubutegetsi nyuma y\u2019intambara ndende yo kubohora igihugu, hatarigeze habaho ukwicara hasi ngo twinegure, dusase inzobe aho bisabwa kandi twemeze intambwe zikurikiyeho n\u2019imigambi iganisha ku burumbuke bw\u2019igihugu cyose.<\/p>\n
Kuba uyu muhango wo kwinegura utarabayeho ngo abanyamuryango bamenye neza uko byagenze, twasanze byaratumye habaho amakosa menshi cyane n\u2019uburangare, biza kutugeza aho icyari umuryango gihinduka umuntu umwe wigize Ikinaniramana<\/i>, akigira\u00a0 \u00ab\u00a0The Man\u00a0\u00bb cyangwa se \u00ab\u00a0L\u2019Homme\u00a0\u00bb uko twabyita mu ndimi z\u2019amahanga, hanyuma icyari abanyamuryango dushiduka cyahindutse Abambari batarenze umubare w\u2019intoki z\u2019ikiganza cya wa muntu w\u2019Ikigirwamana nako Ikinaniramana, mbese abo yapfumbase mu gipfunsi cye agahwanya neza, alibo bamwe bakunze kwita Agatsiko<\/i> kihaye u Rwanda. Amaso yatangiye guhumuka amazi asa n\u2019ayamaze kurenga inkombe, abagikanguka bava mu bitotsi bisanga bahigishwa uruhindu bagakangishwa inyundo, barazungera, baradandabirana, uko bahata intambwe bagacibwa intege kugeza ubwo bihinnye inyuma yarwo, kandi ga burya ngo inzoka ntiyigorora iba igiye, ubwo bakwira ishyanga, ba nyiramahirwe make bashoka agaca kabatumbereye bakebutse kabashinga icyara mu ijosi, ubwo amarira akwira isi yose. Abandi barabuyera hirya no hino aliko batagoheka, dore ko agaca kadatuza nta na gitangira ijuru karyigabije, karogoga ikirere katishinze ibivugwa cyangwa se ibizira ngo akanwa k\u2019amahanga ntikabuza agaca gucura imiborogo mu nkoko, ndetse n\u2019iyageze hehe kayisangayo dore ko ntaho gatinya mu bwiyahuzi bwako. Gapfa kuba kabigambiriye gusa.<\/p>\n
Ubwo igihugu cyahindutse inzu imwe, nyirinzu n\u2019abambari be aribo bagize agatsiko gato cyane k\u2019abantu bakwiriye mu gipfunsi cye, bakikoreramo ibyo bashaka, kunyunyuza, gushira isoni ababyeyi n\u2019abatware b\u2019amahanga barabitinyuka, iterabwoba no gukura rubanda umutima biba ya mafuti y\u2019umugabo ngo bita uburyo bwe kandi birihanganirwa bikomerwa amashyi. Inda si ugufodoka birarenga, amarira ya rubanda aratemba bugezi n\u2019amaganya yigabiza u Rwanda.<\/p>\n
Ku bw\u2019iyi mpamvu rero banyamuryango namwe bakunzi bawo, twararebye dusanga ari ngombwa ko twakongera tukaryana akara, tugasezerana aho twahurira ngo twinegure kandi tujye inama.<\/p>\n
Ngiyi impamvu y\u2019ubu butumwa.<\/p>\n
2. Kwibukiranya amateka y\u2019umuryango wa FPR-Inkotanyi mu magambo make, duhereye ku bihe bikomeye, bya vuba, by\u2019amateka y\u2019u Rwanda<\/b><\/p>\n
Ubwo mu mateka maremare igihugu cy\u2019u Rwanda cyanyuzemo, bamwe mu bana bacyo bo mu bwoko bw\u2019abahutu bahagurutse bagaharanira ukugira uburenganzira bemerewe nk\u2019abanyagihugu, ndetse bigahurirana n\u2019urugamba rukomeye abanyagihugu bo mu moko yose, abatutsi, abahutu n\u2019abatwa, bari baratangiye rwo gushakira igihugu ubwigenge, ibihe byiza twese abanyarwanda twabikozagaho imitwe y\u2019intoki.<\/p>\n
Nyamara siko byagenze, ibyiza byivanzemo ibibi. Ibyiza byabaye ntashidikanywa bilimo Ubwigenge bwahawe igihugu cyacu ku mugaragaro ku italiki ya mbere Nyakanga 1962 (1\/7\/1962). Ibyiza byabaye kandi ko abo mu bwoko bw\u2019abahutu bahawe agaciro ndetse bikagaragara ko nta bwoko bwaremewe kuyobora ngo ubundi buhere hasi mu bayoborwa. Abanyarwanda baravuga ngo \u00abNta Byera ngo De!\u00bb, <\/i>iyo habaho ibyo byose ntihabeho guhutaza ubwoko bw\u2019abatutsi u Rwanda rwari kuba nka Paradizo y\u2019amata n\u2019ubuki. Kurenganura ubwoko bumwe byabaye kujugunya ubundi bwoko mu kangaratete, no mu buhunzi cyangwa se ibibazo bidashira ku batutsi bagumye mu Rwanda imbere. Bituma intera yifuzwaga iba itakigezweho. Ibyo byarakomeje, haza kuba indi mpinduramatwara yabaye ku ya gatanu Nyakanga 1973, aliko nayo ntiyakosora, ahubwo ku byabaye yongeraho n\u2019ilindi hezwa ry\u2019abahutu bo mu majyepfo, nuko mu Rwanda havuka icyaje kumenyekana ku izina rya Kiga<\/i> na Nduga<\/i>. Ku ruhande rw\u2019abatutsi bo mu gihugu n\u2019abo hanze ho byakomeje uko byari bimaze igihe bimeze.<\/p>\n
Ubwo ku bababaye, burya ngo ubabaye niwe ubanda urugi, hagiye habaho kwishakira ibisubizo mu buryo buvunanye, aliko intege ziba nke, ibintu bikomeza kuzamba.<\/p>\n
Byashyize cyera, maze bamwe bamwe mu mpunzi babona inzira yo guhabwa ubumenyi mu bya gisilikali ndetse bagira n\u2019uruhare rukomeye mu gushakira amahoro abaturage b\u2019ibihugu by\u2019amahanga, kandi bigerwaho. Aha twatanga urugero rw\u2019umugabo Fred Gisa Rwigema wakoze byinshi mu gutabara abaturage b\u2019amahanga menshi, ndetse akaba no ku isonga mu batekereje uko u Rwanda rwatabarwa mu bihe bikomeye rwarimo. Ubwo ijuru ryari ritangiye gukingura amarembo ngo babone aho banyura batabara urwababyaye. Kugeza aha ibintu byari byiza mu nzira byarimo, n\u2019ubwo byari bikivanzemo n\u2019agahinda kenshi k\u2019ubuzima budashobotse bw\u2019ubuhunzi kuli bamwe no kudahabwa agaciro mu gihugu cy\u2019u Rwanda ku bandi.<\/p>\n
Igihe cyarageze havuka igisa n\u2019igi<\/i> (egg \/ \u0153uf) ryagombaga gukura rikazavamo umuryango mugari abanyarwanda bagombaga gutabarirwamo. Inararibonye zarateranye zijya inama ya kigabo ndetse zigena ibyangombwa ngo iryo gi ribeho rizanakure neza. Igi ryaje gukura rero, maze mu mwaka w\u20191987 ryibaruka umuryango waje kwitwa FPR-INKOTANYI.<\/p>\n
Mu gihe gito cyane uyu muryango waragutse, urayobokwa urakataza mu kugaba amashami. Abatutsi bo mu buhunzi n\u2019abo mu gihugu, abahutu bo mu buhunzi n\u2019abo mu gihugu ndetse n\u2019abatwa b\u2019impande nyinshi\u00a0 barawuyoboka biyemeza bose gushyiraho akabo, yewe amoko yose yisanga hejuru mu batanga Icyerekezo. Abahutu n\u2019abatutsi bahuriye mu buyobozi bw\u2019umuryango, maze bawubera ababyeyi beza n\u2019abayobozi b\u2019intashyikirwa.<\/p>\n
Umuryango rero wakomeje gukura bwangu mu bikorwa no mu gusangwa na benshi, ibiganiro bishyirwa imbere, amahanga aregerwa, ndetse n\u2019ubuyobozi bwariho bugishwa inama. Ibyo byose bimaze kuramburura, habayeho kwiyambaza inzira ivunanye kandi isaba byinshi, haba ku gihugu cyangwa se ku banyagihugu ubwabo, baba impunzi cyangwa se abandi. Intambara yaratangijwe, nyuma y\u2019imyaka hafi ine Imana itanga Ugutsinda urugamba.<\/p>\n
3. Umuryango wanyuze mu bihe byatunguranye, ndetse habaho no guteshuka ku ntego<\/b><\/p>\n
Rugikubita, uwari umuyobozi w\u2019ingabo akaba n\u2019umwe mu bakuru b\u2019umuryango, yaratabarutse, atabaruka yakije ikibatsi ariko atarongoye ubushyo ngo abushyitse mu Rwanda rugari. Nyuma habayeho gucumbagira, no guhuzagurika mu cyerekezo, ali naho haturutse kurengera kwa bamwe, ibi bikaba byaragiye bidindiza urugendo rwa rusange, aliko bitera n\u2019abanyarwanda benshi intimba. Ab\u2019amoko yose bahahuriye n\u2019ibikomeye, aliko ntibyaca intege abatabazi ba nyabo.<\/p>\n
Intambara yagiye kurangira ibibi nabyo byiyongera, dore ko bitanahagaze, ishyano rigwira u Rwanda, abatutsi bo mu gihugu imbere bamarirwa ku icumu mu cyaje kwitwa jenoside cyangwa se itsembabatutsi, abahutu bahurirana n\u2019umujinya bamwe uvanze n\u2019ubugome bw\u2019abandi, ingabo zarindaga igihugu zinanirwa kukirinda, naho ingabo zitabaye zisa n\u2019izitakiyobowe n\u2019umuryango umwe, kuko bamwe mu barwanyi bazo batandukiriye bakirara mu bahutu basanze babaryoza ibyabaye byose kandi bitarakozwe na bose.<\/p>\n
Ntibyagarukiye aho, kurinda abatutsi bake basigaye byaragoranye ndetse bakomeza kwicwa, naho umubare utari muto w\u2019abahutu ugorwa n\u2019amabwiriza aturuka mu bagahumurije rubanda, maze batikirira muli icyo cyeragati, ibyo biba muli Zayire, Kongo ndetse no mu Rwanda.<\/p>\n
Ibintu bimaze gukabya, ubwo Umuryango wari utakili umuryango, ahubwo warahindutse Umuntu umwe rukumbi wigize Ikinaniramana, \u00ab\u00a0The Man\u00a0\u00bb \/ \u00ab\u00a0L\u2019Homme\u00a0\u00bb, nk\u2019uko twigeze kubikomozaho, bamwe mu babirabutswe kare basubiza amaso inyuma ngo bibaze uko byagenze na kare kose ibintu bijya kuzamba, bisanga bararebereye Umwishi n\u2019Umunyanda nini, warwaniraga ubwibone bwe, aliko akihisha mu ruhu rw\u2019Intama. Yifurebye uruhu rw\u2019intama ubunyamaswa bwe arabutwikira maze amaso ya benshi ntiyarabukwa, abantu bisanga barajyanywe rwantambi bagakoreshwa ibdakwiye. Nguko uko icyo kigirwamana cyahanaguye Umuryango, kikawambura ubuzima, kikabwiha bwose, none magingo aya, u Rwanda rukaba rutakigira n\u2019umwe mu bana barwo, abe umututsi cyangwa se umuhutu, wasanganwa umutima mu gituza. Bose nako twese twakuwe umutima bihambaye, turikanga ibiti n\u2019amabuye, uhise wese tumubonamo umutwararupfu<\/i> cyangwa se umukwizarupfu<\/i>.<\/p>\n
Muli make nguku uko Umuryango wa FPR-INKOTANYI, wavutse ku mugaragaro mu mwaka w\u20191987, wahugujwe abawo ugahuguzwa n\u2019abanyarwanda b\u2019amoko yose bari bishimiye kuwugira uwabo, maze ukigarurirwa n\u2019umuntu umwe n\u2019agatsiko k\u2019abo yifatiye mu gipfunsi cye kimwe akarumya neza, bakamubamo ntibagire undi cyangwa se ikindi babona, bakaba aliwe baramya bakamukorera, byaba amahano cyangwa se mahane. Abanyagihugu bicishijwe inzara, umutungo w\u2019igihugu ntukibaho kuko wabaye uw\u2019umugabo umwe.<\/p>\n
Aha niho ibintu bigeze. None tuributsa abahoze ali abanyamuryango ba FPR-Inkotanyi bose n\u2019abandi bose bayibaye hafi bakayitera ingabo mu bitugu ko igihe cyo gusubizwa icyubahiro kuli bo bose no ku muryango wose ali iki cyageze cyera. Abo mu mashyaka ya Politiki, n\u2019abo mu mitwe yindi y\u2019abaharanira uburenganzira bw\u2019ikiremwamuntu, abantu ku giti cyabo, mwese abaharaniye ubusugire bw\u2019umuryango n\u2019isohozwa ry\u2019ubutumwa wali walihaye, turabahamagara ngo muze twicare mu gacaca, twinegure, dushime uruhare twagize cyera, tugaye amabi yakozwe n\u2019uburangare twagize twese, maze tujye inama nzima. Benshi baritanze kandi n\u2019ubu ntaho bagiye.<\/p>\n
Turahari.<\/p>\n
4. Gahunda n\u2019intego umuryango wa FPR-Inkotanyi wari warihaye kugenderaho n\u2019uko zavugururwa \u00a0<\/b><\/p>\n
Gahunda n\u2019intego by\u2019Umuryango wa FPR-INKOTANYI byari bikubiye mu ngingo umunani (8 points programme), ali zo zikurikira mu rurimi rw\u2019icyongereza:<\/p>\n
1) Restore Unity Among Rwandans;
\n2) Defend The Sovereignty Of The Country And Ensure The Security Of Its People And Property;
\n3) Promoting Democracy;
\n4) Building An Economy Based On The Country\u2019s Natural Resources;<\/i><\/p>\n
5) Elimmating Corruption, Favouritism, And Embezzlement Of National Resources;
\n6) Improving The Social Standard Of Living Of The Citizens;
\n7) Elimination Of All Causes For Fleeing The Country And Ensuring The Return Of Refugees;
\n8) Ensuring Relations Between Rwanda And Other Nations Based On Mutual Respect, Cooperation And Mutually Beneficial Economic Exchanges;
\n<\/i><\/p>\n
Banyamuryango bavandimwe;<\/p>\n
Izi ngingo zali nziza cyane, nubwo bitabuza kuzijyanisha n\u2019ibihe no kuzivugurura aho bikwiye. Urugero twareba nk\u2019ingingo ya kane (Building An Economy Based On The Country\u2019s Natural Resources<\/i> ), tugasanga mu mitekerereze mishya yo gushingira iterambere ry\u2019igihugu cyose ku kiremwa muntu no ku munezero (prosperity \/ prosp\u00e9rit\u00e9) w\u2019ikiremwamuntu, ubu mu byo twakwiyemeza twahitamo kuyisimbuza ingingo yaba igira itya: Building An Economy Based On The Country\u2019s Human Resources.\u00a0<\/i><\/p>\n
Ibi bikavuga ko byose byashingira ku guteza imbere ikiremwamuntu, kuko alizo mbaraga za mbere z\u2019igihugu\u00a0 n\u2019ubukungu bw\u2019ibanze ku gihugu. Bikavuga ko umuntu agomba kurengerwa no kurindirwa umutekano, kurindirwa ubuzima uko bishoboka kose (gufashwa kubona ibitunga umubiri ku munyagihugu wese, kwivuza, kwiga no kongera ubumenyi mu buryo bushoboka bwose, kurengerwa n\u2019amategeko, guhabwa amahirwe nta gusumbishwa undi munyagihugu cyangwa se umunyamahanga mu buryo bufifitse, guhabwa icyubahiro gikwiye, \u2026), kurindirwa umutungo, gushakirwa umubano n\u2019ukoroherezwa mu mahanga aho umunyarwanda atuye hose akaba atahutazwa kuko igihugu cye kimwitayeho kandi kiteguye kumuvugira no kumurwanira ishyaka n\u2019iyo yaba umwe rukumbi wisanze mu magorwa, gutuzwa heza, gukora ibishoboka byose ngo umunyarwanda wese agire uruhare mu guhindura isura y\u2019igihugu cye haba mu bwiza, mu myubakire, mu kugira imiyoborere myiza, mbese mu kuba intangarugero n\u2019intashyikirwa mu ruhando rw\u2019amahanga.<\/p>\n
Izindi ngingo zose twumva zakomeza kuba uko zimeze.<\/p>\n
Ku ngingo yongeweho nyuma y\u2019intambara yiswe \u201cFighting Genocide And Genocide Ideology<\/i>\u201c, yo turasanga nta mpamvu yayo, kuko ibyo yaba igamije bikubiye mu zindi zose uko zigaragara. Ibivugwa muli iyi gahunda ivuguruye y\u2019ingingo umunani, byaba bihagije ngo ikiganisha mu kuryanisha abanyarwanda cyose kimwe ijambo. Nta mpamvu tubona yo kugira ingingo yihariye iteye itya, mu gihe umurongo mugari wima amahirwe icyaganisha ku kurimburana cyose.<\/p>\n
5. Guhamagarira n\u2019abandi banyarwanda bose n\u2019abanyamahanga kutwungura inama n\u2019ingufu<\/b><\/p>\n
Bavandimwe banyamuryango n\u2019abali barawukunze bose;<\/p>\n
Mu gihe tuliho twinegura ali nako tujya inama, ni byiza ko twumva ko nta mugabo umwe, kandi ko kwagura umuryango ali umuco karande mu Rwanda rwacu. Ibyo bivuze kongera umubano n\u2019amahanga, abakomerekejwe tugaca bugufi tukabinginga ngo batwumve bumve akaga twahuye nako kabagizeho ingaruka, kandi tubasabe kubabarira mwenekanyarwanda kubera ibyakozwe mu izina rye. Abo balimo abaturanyi n\u2019aba kure, kandi bose bababariye, twakomeza tubasaba kudutera ingabo mu bitugu nk\u2019uko bisanzwe ku baturanyi beza no ku bahuje umubano n\u2019iyo baba ab\u2019ikantarange aho ijuru riterwa inkingi. Umubano mwiza usaba kumenya amagorwa agose inshuti no kugira uruhare mu kuyabonera iherezo. Ngiyi impamvu yo kunoza akarenge no kwagura amarembo ngo umubano uhabwe rugari.<\/p>\n
Muli iki gihe kandi turahamagarira abandi banyarwanda bose bali barakunze imigabo n\u2019imigambi y\u2019Umuryango wa FPR-Inkotanyi ndetse n\u2019abagize uruhare mu gutsinda kwawo bose, baba abatutsi bahoze imbere mu gihugu, baba abatutsi bahoze mu buhunzi n\u2019ababushubijwemo, baba abahutu bahoze mu gihugu, baba se abahutu bahoze mu buhunzi n\u2019ababushubijwemo, baba abatwa cyangwa se abandi bose bagize uruhare urwarirwo rwose, kudusanga bakatwungura inama ya kivandimwe, maze tugasezerana aho tuzahurira ngo ducoce amagambo, nashira turime amasinde dusize hose habe ahashashe ku buryo umunyarwanda atazongera kugwa ahahanda, azahore agwa ahashashe. Nitwe twese bireba. Tuzasasa inzobe tube intwari zumva zikumvisha umutima, amarangamutima tukayaha agaciro ndetse intimba tukayakirana, buli wese yamara gukomeza undi, tukazuzuza isezerano dore ko twese tuzwiho ubupfura bw\u2019abakurambere. Burya ngo imfura aho zisezeraniye niho zihurira.<\/p>\n
6. Impuruza\u00a0<\/b><\/p>\n
Banyamuryango namwe banyarwanda mwese twabanye mu buvandimwe bwinshi no mu butwari busesuye;<\/p>\n
Nimusubize amaso inyuma mwitegereze, maze mugane mu bihe by\u2019ubu mwongere mwitegereze. Icyo mubona gitume mwumva cyane amajwi y\u2019impuruza, ko urwacu rubakeneye mwese, ko ubumwe bwanyu bukenewe cyane, ko urukundo rwanyu rukwiye, ko ab\u2019imihanda yose babahishiye impamba yabatambutsa impinga ijana mukaramira urwababyaye.<\/p>\n
Impuruza nimwe ivugira, mu majwi no mu ndoto. Ngo ibibondo bihabwe urukundo, ngo abangavu n\u2019ibitambambuga bahabwe uburere bwa gitwari, ngo abasore n\u2019inkumi bahaguruke bwangu mu bwinshi bwabo, ngo abagabo b\u2019ibikwerere n\u2019abagore b\u2019amajigija bakore ku nganzo babadukane ibakwe, ngo ababyeyi babyaye batange umugisha, naho abakecuru n\u2019abakambwe bahanure. Igihe kirageze ngo amatwi yose yumve ijwi ry\u2019impuruza, igihe kirageze ngo amaboko yose ashishikarire umurimo wo kubogora u Rwanda.<\/p>\n
Nimwe mwese mubwirwa kandi tubizeyeho ubwenge n\u2019ubwiza, nitwe twese tubwirwa kandi twizeweho umutimanama n\u2019umutima ukunda abantu n\u2019Imana.<\/p>\n
Nimucyo twitabire ijwi ry\u2019impanda iduhamagarira gutwaza gitwari mu ntambwe itayoba. U Rwanda nimwe rushaka, u Rwanda rurabashaka, urwanda ruraduhamagara. Nimwitabe bwangu, kandi twese twitabire kuruvuna.<\/p>\n
Turashimye.<\/p>\n
7. Ijambo risoza<\/b><\/p>\n
Banyamuryango, Bavandimwe, Bana b\u2019u Rwanda;<\/p>\n
Mu gusoza ubu butumwa, turashishikariza buli wese kongera kumva icyubahiro kinini akwiye kandi ahabwa no kwitwa ko yabaye mu muryango, no kuba yaritangiye u Rwanda rwa twese nta nyungu nta kwinuba. Nta munyamuryango uruta undi nkuko tubizi twese, kandi tuributsa buli wese ko mu kwinegura twagize, twitaye cyane ku kugaya ugutana n\u2019ukuyoba byagaragaye, bigatesha icyubahiro benshi muli mwe, benshi muli twe, bikanduza isura y\u2019umuryango ndetse bikavamo no guhemukira bamwe nako benshi mu badutije imbaraga z\u2019urukundo, ziyongereye ku bwitange bwacu bikageza umuryango n\u2019abanyarwanda bose ku gutsinda urugamba rurerure. Twarafatanyije, twabaye bamwe, twabaye umwe, aliko nkuko twabigarutseho, twaje kurangazwa maze ducibwamo ibice, bamwe babura iwabo mu rwabo, abandi barahutazwa, ubuhunzi busubira kuba icyerecyezo cya benekanyarwanda. Kubuca ntibyabayeho, ahubwo habayeho kubuhembera no kubwongera. Abanyarwanda batabarika, bo mu moko yose, ubu barabarizwa mu buhunzi.<\/p>\n
Icyiza ni uko ibuye ryagaragaye riba ritacyishe isuka. Ntibishoboka. Ubu twakangutse, twahagurutse, twumvise impuruza, kandi turahamye mu gihagararo, uko twese tungana n\u2019uko turi hamwe muli iyi nama tugiye ku munsi wa none.<\/p>\n
Turabashimira rero ubwo bwitange bwa cyera, tukabashimira n\u2019ubwitange tugize isezerano kuli uyu munsi wa none, kandi ntituzatezuka ukundi ku ntego.<\/p>\n
Nimucyo tunoze umugambi.<\/p>\n
Imana y\u2019I Rwanda ibe mu byacu kandi ibane natwe.<\/p>\n
Turabashimiye.<\/p>\n
<\/p>\n
Ubutumwa butangiwe mu Rwanda Rugari, ku wa Cumi Nzeri 2014\u00a0 [10\/09\/2014]<\/p>\n
Ubutumwa butanzwe na:<\/b><\/p>\n
Kalisa Wiclef<\/b><\/p>\n
Mugabowakigeri Bosco<\/b><\/p>\n
Mushayija Fran\u00e7ois-R\u00e9gis<\/b><\/p>\n","protected":false},"excerpt":{"rendered":"
UBUTUMWA BUGENEWE ABAHOZE ALI ABANYAMURYANGO BA FPR-INKOTANYI IKIRI NZIMA, ABAKIBYIYUMVAMO BOSE BABABAJWE N\u2019UKO UMURYANGO WAHEMUKIWE MU NTEGO ZAWO WARI WARIYEMEJE, NDETSE N\u2019ABABABAYE ALI ABAKUNZI BA FPR-INKOTANYI BOSE Intashyo y\u2019Ihumure ku Rwanda\u00a0 Rwanda; Twe abawe turagutashya, turaguhumuriza tugira tuti: Humura Rwanda turacyariho, Humura Rwanda n\u2019umutima turacyawufite.<\/p>\n","protected":false},"author":4,"featured_media":7484,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-8436","post","type-post","status-publish","format-standard","has-post-thumbnail","hentry","category-politiki"],"yoast_head":"\n