Umunyarwanda\u00a0 wese witegereza umubajije yakubwira ko u Rwanda tubona cyangwa bamwe batuye muri iki gihe rutandukanye cyane n\u2019urwo yigeze kumenya kuva avutse. Abantu bagerageza kubishakira inyito bakurikije ibihe barimo n\u2019ubuzima babayeho, ariko uwo ariwe wese yakubwira ko hari byinshi byahindutse (neza cyangwa nabi).<\/p>\n
Abavutse mbere y\u2019ingoma za cyami nubwo ntabo twabona bakubwira ko uko u Rwanda ruri ubu\u00a0 atari ko rwari rumeze, abavutse mu gihe cya cyami nabo bakiriho kuri ubu ubababjije bakubwira ko hahindutse byinshi, abo mu bihe bya za repubulika natwe dufite byinshi byo kuvuga<\/p>\n
Umunyarwanda mu buhanga n\u2019ubuvumbuzi bwe aragira ati Bucya bucyana ayandi cyangwa bucya bwitwa ejo. Nta muntu n\u2019umwe uretse no mu Rwanda ngira ngo ni ku isi yose wakwihandagaza ngo avuge ko ariwe utuma iminsi yicuma ngo ahari none hitwe ejo bucyeye bwaho ndetse ngo umunsi ukurikiraho hazitwe ejo bundi.<\/p>\n
Ikiremwa muntu Imana yagihaye amahirwe yo kugenga imihindukire y\u2019ibyo tubona, ariko ntiyagiha ububasha bwo kujyenga iminsi, ibi bivuga ko ntawakwihandagaza ngo avuge ngo ni njyewe utumye none hitwa uyu munsi, cyangwa ngo ndashaka ko ejo hazakererwaho isaha bikaba amasa 25, cyangwa se ngo abe yavuga ngo nshyizeho umunsi w\u2019amasaha 48, cyangwa umwaka w\u2019iminsi 700!<\/p>\n
Muntu yabereyeho guhindura isi<\/b><\/p>\n
Muntu yemerewe kandi yahawe amahirwe yo\u00a0 kwiyungura ubwenge ku giti cye no kuba yahindura ibimukikije ariko byose ku bubasha , ku bushobozi no ku bushake bw\u2019Imana yamuremye. Ndafata urugero ku mwana ukivuka: umwana w\u2019umuhungu avuka yambaye ubusa kimwe n\u2019uw\u2019umukobwa, iminsi uko yicuma hagera igihe uw\u2019umuhungu akaniga ijwi, uw\u2019umukobwa agapfundura amabere, muri bano bombi ntawe ufite ububasha bwo guhitamo gupfundura amabere kandi yaragenewe kumera ubwanwa, cyangwa se ngo ahitemo kumera ubwanwa yaragenewe kugira amabere, ni nako bigenda ku myanya ndangabitsina uwavutse agaragaza ubugabo cyangwa ubuhungu biba uko nyine, uwavutse agaragaza ubugore nawe bikaba uko. Na bwa buvumbuzi bwateye buhindura abantu ibitsina nta narimwe biza bimeze nk\u2019ibya kavukire\u00a0 ni ubushobozi bw\u2019Imana gusa.<\/p>\n
Umuntu rero ntabwo yari akwiye kwiyitirira ihinduka ry\u2019ibihe n\u2019iminsi, gusa agira uruhare mu ihinduka ry\u2019ibimukikije kandi ni inshingano ze kuko nicyo yaremewe, gusa na none ntabwo abakuze bari bakwiye guhora batwamagana ngo \u201cab\u2019ubu\u201d kuko burya isi ikeneye ab\u2019ubu kugira ngo ikure.<\/p>\n
Ngarutse ku Rwanda rwacu rero, u Rwanda narwo ni igice cy\u2019isi cyagenewe gukura nk\u2019ibindi byose, nta mpamvu yo gutekereza ko rwari guhora uko buri munyarwanda yarubonye abyiruka, biramutse bigenze bityo kandi rwakwitwa igice cyaremaye!<\/p>\n
Abanyarwanda muri iki gihe usanga bavuga ngo u Rwanda rwateye imbere, rwari kubuzwa se n\u2019iki gutera imbere ko n\u2019imiyaka yashize, ubu se iyo ruguma uko rwari rumeze mu gihe cya cyami, abavutse nyuma yaho twari kuba turiho? Ubu se iyo u Rwanda ruguma uko rwari rumeze mu bihe bya repubulika yiswe iya mbere, abavutse nyuma yaho mwari kuba muri hehe?<\/p>\n
Ni nde mupfapfa wumva ko twagombaga guhora mu mwaka w\u20191962 se?<\/p>\n
Ni nde mupfapfa utekereza ko twagombaga guhora mu mwaka w\u2019 1973, 1991, 1994, n\u2019uw\u20192000?<\/p>\n
Nyamara kandi muri iriya myaka hari abari bishimye, hari ababyungukiyemo n\u2019ababihombeyemo, hari abahasize ubuzima hari n\u2019abavutse ndetse benshi muri bo birengagiza ko hari abatarageze kuri uyu munsi wa none kandi bafite ababo bari bagikeneye kubana nabo!<\/p>\n
Reka tuve ku bantu tujye ku bidukikije ( ibintu)<\/b><\/p>\n
Abantu nk\u2019uko nabivuze babereyeho guhindura isi ni inshingano nicyo babereyeho, ntabwo abatubanjirije bari kwegama ngo abantu bakomeze bajye Bambara ubusa cyangwa baba mu nzu z\u2019ibyatsi, kandi Imana yarabahaye ubwenge bwo kubyaza ibidukikije imyambaro, ndetse no gutera imbere mu buvumbuzi bw\u2019imideri na za style.<\/p>\n
Kuki muntu yari kuguma kuba mu nzu y\u2019ibyatsi kandi Imana yaramuhaye ubwenge n\u2019ubushobozi bwo kubyaza ibidukikije ibikoresho bikomeye byavamo amzu n\u2019amagorofa aboneka kuri ubungubu?<\/p>\n
Ni kuki abantu bari gukomeza gukora ingendo ku maguru, kandi Imana yarabahaye uburyo bwo kwifashisha ibidukikije hagakorwa amamodoka, indege ndetse n\u2019ibyogajuru?<\/p>\n
Ntabwo byari kuba byiza iyo abantu ba cyera bakomeza kugurana ibintu ibindi nk\u2019uko byahoze mbere, aho uwashakaga inyama yatangaga imyaka yejeje, uwashaka kimwe akakigurana ikindi, havumbuwe amafaranga akoreshwa ubu ndetse n\u2019amadovize akoreshwa ku rwego mpuzamahanga cyangwa se impapuro zisibura amafaranga ibi byo sinshaka kubitindaho.<\/p>\n
Ni kuki abantu bari kubaho bifuza iki cyangwa kiriya kandi Imana yarabahaye amaboko yo gukora bagahembwa amafaranga yabafasha kugura ibyo bakeneye?<\/p>\n
Muri make ayo niyo majyambere cyangwa iterambere kuri ubu abanyarwanda bakangishwa muri ibi bihe..<\/p>\n
Ese iterambere mu Rwanda ryatangiye ryari<\/b><\/p>\n
Iterambere mu Rwanda ryatangiye kuva u Rwanda rwitwa u Rwanda, kuva abanyarwanda babayeho, amajyambere si ay\u2019umwami runaka wenyine, amajyambere si aya abamisiyoneri gusa, amajyambere si aya Kayibanda Gerigora n\u2019abo bari kumwe gusa, si aya Habyarimana Yuvenali n\u2019abanyakazu gusa cyangwa amashyaka yabayeho mu gihe cye.<\/p>\n
Amajyambere ya FPR na Kagame ni ayahe?<\/b><\/p>\n
Kuki se amajyambere y\u2019u Rwanda rwa none yaba aya FPR na Pahulo Kagame kuri uyu munsi? Uwabaza General Charle Kayonga n\u2019abandi 600 bazanye ndetse n\u2019abaje mu nkwi mu bikamyo bya MINUAR, bavuga ko basanze ingoro ya CND imwaye? Hirya yaho gato ntihari Stade Amahoro? Hakurya gato ntihari Ikibuga cy\u2019indege cyitiriwe Gerigori Kayibanda?<\/p>\n
Kuva ku Mulindi gukomeza za Rusine na Nyacyonga abanyarwanda babakiriye ntibari bakikije umuhanda wa Kaburimbo, General Charles Kayonga na bagenzi be bageze mu Gatsata ntibasanganiwe n\u2019imiturirwa ya ba Kabuga n\u2019abandi .<\/p>\n
Umunyarwandakazi waririmbye ati Kigali uteye neza kandi utatse ubwiza ko mutamubeshyuje?<\/p>\n
Amajyambere cyangwa iterambere bijyana n\u2019uko iminsi\u00a0 ihinduka cyangwa yiyongera. Nta majyambere FPR yazanye mu bikamyo bya MINUAR no mu ma bus ya ONATRACOM, nta majyambere Pahuro Kagame yazanye kuko nta n\u2019ifaranga yazanye mu mufuka we, n\u2019iyo yajyaga kuba yarakoreye za miliyari ngira ngo zari kuba zarashiriye iyo \u201cmu ndaki za Rushaki\u201d bayagura imvungure, ibikamba by\u2019itabi n\u2019ibigage, uretse ko n\u2019amenshi muri yo yari ay\u2019abandi banyarwanda bitanze barimo ba\u00a0 Muzehe Rujugiro, ba Valens Kajeguhakwa n\u2019abandi Inyumba Aloyiziya umubyeyi w\u2019Indatwa n\u2019indangamirwa itazibagirana yagerageje gusabiriza mu banyarwanda b\u2019umutima mwiza.<\/p>\n
Nyamara se abenshi mu bayatanze ubu haracyahumeka bangahe? Abakiriho bari mu Rwanda se ni bangahe? Abari mu Rwanda se bakibukwa cyangwa babasha kugira ijambo muri bon i bangahe? Inyumba Aloyiziya Indatwa y\u2019Indangamirwa se we ubu ari hehe we wayakusanyije adakuraho n aka Fanta, Umuzehe bashakanye se we ibye byifashe bite? Abana yasize se bo bariho bate?<\/p>\n
Banyarwanda nimwikure ikinyoma cyambaye ubusa nta Majyambere nta terambere ryo kwitirirwa FPR, nta terambere ryo kwitirirwa Pahulo Kagame amajyambere ni aya abanyarwanda, amajyambere yahozeho agenda akura uko abanyarwanda bagiye biyungura ubwenge, uko bagiye batembera bareba hanze barayazanaga, mu gihe cya cyami amajyambere yabayeho ajyanye na kiriya gihe, abamisiyoneri barayongereye nabo, muri za repubulika zabayeho amajyambere yabayeho hakurikijwe aho ibihe byari bigeze, akarusho muri repubulika ya kabili ya Habyarimana Yuvenari amajyambere yarihuse, njye mbona ari nawe wagakwiye kubishimirwa n\u2019ubwo hari n\u2019ibyo kumugaya tutakwirengagiza, ariko yibukije abanyarwanda umuganda, yabanye n\u2019amahanga za projets de cooperation na jumelage abazizi mwambera abagabo, ariko nawe zari inshingano ze nk\u2019umukuru w\u2019igihugu kandi yarabihemberwaga.<\/p>\n
Amajyambere ya Paul Kagame yakataje mu kwigwizaho we n\u2019umugore we n\u2019abagaragu babakorera ayo amaherezo azabera umuzigo abana b\u2019u Rwanda kuko ntagahora gahanze, amaherezo ziriya nguzanyo zizishyurwa Kagame atagihari!<\/p>\n
Reka mpinire aha abandi nabo banyunganire, nimbona akandi kanya nzakomereza mbagezaho gice cya kabili cy\u2019iyi nyandiko \u201c u Rwanda rwa none\u201d<\/p>\n
Claude Marie Bernard Kayitare<\/strong><\/p>\n Johannesburg<\/p>\n","protected":false},"excerpt":{"rendered":" Umunyarwanda\u00a0 wese witegereza umubajije yakubwira ko u Rwanda tubona cyangwa bamwe batuye muri iki gihe rutandukanye cyane n\u2019urwo yigeze kumenya kuva avutse. Abantu bagerageza kubishakira inyito bakurikije ibihe barimo n\u2019ubuzima babayeho, ariko uwo ariwe wese yakubwira ko hari byinshi byahindutse (neza cyangwa nabi).<\/p>\n","protected":false},"author":4,"featured_media":7003,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[61],"tags":[],"class_list":["post-8462","post","type-post","status-publish","format-standard","has-post-thumbnail","hentry","category-amateka"],"yoast_head":"\n