Inteko ishinga amategeko, umutwe w\u2019abadepite, yemeje ishingiro ry\u2019umushinga w\u2019itegeko ryo kugenzura itumanaho hagati y\u2019abantu, hakoreshjwe ikoranabuhanga.<\/p>\n
Imwe mu mpamvu zo kugenzura ibyo impande ebyiri z\u2019abantu baganirira kuri telefone cyangwa bandikirana kuri internet, kuri terefone cyangwa se mu bundi buryo bw\u2019ikoranabuganga, ngo biraterwa no gukurikiza amahame yabayeho kera y\u2019umuryango wa Common Wealth u Rwanda rurimo; nk\u2019uko Minisitiri w\u2019umutekano mu gihugu, Mussa Fazil Harerimana, yatangaje.<\/p>\n
Ubwo yari amaze gusobanurira Inteko ishingiro ry\u2019uwo mushinga w\u2019itegeko, Ministiri Fazil Harerimana yabwiye Kigali Today ko inzego zishinzwe umutekano zemerewe kugenzura ibyo abantu bavugana cyangwa ubutumwa bohererezanya zikaba zanakurikirana abo bantu mu butabera.<\/p>\n
Yagize ati: \u201cUmukuru w\u2019Ingabo, uwa Polisi cyangwa ubunyamabanga bukuru bw\u2019Urwego rushinzwe iperereza, bemerewe gukurikirana umuntu waketsweho amakosa mu itumanaho; bakaba bagomba kubisaba mu butabera bitarenze amasaha 24, iryo kosa rikozwe.\u201d<\/p>\n
Minisitiri w\u2019umutekano yavuze ko iri tegeko rizajya rinahana umuntu usoma inyandiko zitemewe na Leta, aho yahise atangaza ko iryo kosa rizafatwa nk\u2019ubufatanyacyaha.<\/p>\n
Umuntu wo mu nzego z\u2019ubutabera uzajya atanga uburenganzira ku nzego zishinzwe umutekano, azemezwa n\u2019iteka rya Ministiri w\u2019Intebe rigiye kujyaho mu gihe cya vuba; nk\u2019uko Ministiri w\u2019umutekano yakomeje abisobanura.<\/p>\n
Ntabwo iri tegeko ryashimishije abadepite bose kuko bamwe muri bo nka Depite Nkusi Juvenal, bavuze ko kugenzura ibiganiro hagati y\u2019abantu bihabanye n\u2019itegeko nshinga rya Repubulika y\u2019u Rwanda, mu ngingo yaryo ya 22.<\/p>\n
Igika cya mbere cy\u2019iyi ngigo kigira kiti: \u201c Imibereho bwite y\u2019umuntu, iy\u2019umuryango we, urugo rwe, ubutumwa yohererezanya n\u2019abandi, ntibishobora kuvogerwa mu buryo bunyuranyije n\u2019amategeko; icyubahiro n\u2019agaciro ke mu maso y\u2019abandi bigomba kubahirizwa.\u201d<\/p>\n
Umukuru w\u2019inteko ishinga amategeko umutwe w\u2019Abadepite, Depite Rose Mukantabana yahise avuga ko nta tegeko ritagira umwihariko, aho igika cya gatatu cy\u2019iyo ngingo ya 22 y\u2019itegekonshinga kivuga ko ibanga ry\u2019amabaruwa n\u2019iry\u2019itumanaho ridashobora kuzitirwa, keretse mu bihe no mu buryo biteganywa n\u2019amategeko.<\/p>\n
Ministiri w\u2019umutekano mu gihugu abajijwe impungenge zishobora kubaho, ko umuntu ashobora gukoresha igikoresho cy\u2019undi, akohereza ubutumwa bumuteza ikibazo, asubiza avuga ko abaturage batagomba kwandagaza ibikoresho byabo by\u2019itumanaho.<\/p>\n
Simon Kamuzinzi<\/p>\n
Source: Kigali today<\/em><\/p>\n <\/p>\n","protected":false},"excerpt":{"rendered":" Inteko ishinga amategeko, umutwe w\u2019abadepite, yemeje ishingiro ry\u2019umushinga w\u2019itegeko ryo kugenzura itumanaho hagati y\u2019abantu, hakoreshjwe ikoranabuhanga.<\/p>\n","protected":false},"author":3,"featured_media":879,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-867","post","type-post","status-publish","format-standard","has-post-thumbnail","hentry","category-amakuru"],"yoast_head":"\n