I Kampala mu murwa mukuru wa Uganda hateraniye inama mpuzamahanga y\u2019ibihugu by\u2019ibiyaga bigari(ICGLR) ihuje ibihugu 11 aribyo u Rwanda, RD Congo, Uganda, Angola, u Burundi, Centrafrique, Congo Brazzaville, Kenya, Soudan, Tanzaniya na Zambiya, hakaba harimo kwigwa uburyo hashirwaho umutwe w\u2019ingabo zidafite aho zibogamiye zajya ku mupaka w\u2019u Rwanda na Congo kandi zigahabwa inshingano zo kurwanya imitwe y\u2019inyeshyamba nka M23 na FDLR nk\u2019uko byari byemejwe mu nama yabereye Addis Abeba muri Etiyopiya hagati ya Perezida Paul Kagame na Perezida Joseph Kabila.<\/p>\n
Muri iyo nama y\u2019abakuru b\u2019ibihugu n\u2019intumwa zihagarariye abakuru b\u2019ibihugu batashoboye kwitabira uwo muhango irimo kubera muri Commonwealth Resort Hotel Munyonyo i Kampala mu muhezo kuva tariki 7 kugeza ku ya 8 Kanama 2012, yari yabajirijwe n\u2019iy\u2019abaministres b\u2019ububanyi n\u2019amahanga n\u2019ab\u2019umutekano ndetse n\u2019impuguke mu by\u2019umutekano zo muri biriya bihugu 11 ariko ntabwo bashoboye kumvikana uburyo izo ngabo zizajyaho n\u2019ibihugu bizaba bizigize.
\nNk\u2019uko bitangazwa n\u2019ababikurikiranira hafi ngo hari ibitekerezo bibiri bitandukanye:<\/p>\n
Icya mbere n\u2019icy\u2019igihugu cy\u2019u Rwanda cyifuza ko izo ngabo zajya ku mupaka hajyamo ingabo z\u2019u Rwanda, izo ngabo zikaba zigizwe kandi n\u2019ingabo zo mu karere zigakoresha amafaranga atanzwe na Leta zunze ubumwe z’Amerika n’indi miryango mpuzamahanga hatarimo ingabo za MONUSCO kubera ko u Rwanda rubona ko ntacyo zimaze ngo ntacyo zashoboye kugeraho mu myaka isaga 10 zimaze muri Congo. Kandi ngo mu byo u Rwanda rusaba rurashaka ko M23 igirana imishyikirano na Leta ya Congo.<\/p>\n
Icya kabiri ku ruhande rwa Congo ngo ibyo ntabwo babikozwa, ntabwo bifuza ko ari ingabo z\u2019u Rwanda cyangwa iza Congo zajya muri izo ngabo. Barifuza ko haza ingabo za Tanzania, Afrika y\u2019Epfo n\u2019Angola zikagirana ubufatanye n\u2019ingabo za MONUSCO cyangwa ingabo za MONUSCO zigahabwa inshingano nshya kandi abari muri M23 bagakurikiranwa mu mategeko ku byaha baregwa.<\/p>\n
Hari ibihugu bimwe byifuza ko umutekano wose wo mu burasirazuba bwa Congo wajya mu maboko y\u2019izo ngabo na MONUSCO ariko kuri Congo byaba ari nko gutakaza uburenganzira ku busugire bw\u2019igihugu.<\/p>\n
Umunyamabanga w\u2019Amerika Madame Hillary Clinton aho yari mu rugendo muri Afrika y\u2019Epfo yasabye ko ibihugu byose byo mu karere cyane cyane u Rwanda byahagarika inkunga biha M23 maze bakayambura intwaro kandi abakuru bayo bagashyikirizwa ubutabera.<\/p>\n
Thierry Vircoulon wo muri International Crisis Group we avuga ko iriya nama irimo kubera i Kampala ntacyo izageraho, kuko ngo abona ibizava muri iriya ntacyo bizageraho. Ngo abari mu nama barimo kugana ku gisubizo kitari cyo, cyo gushyiraho undi mutwe w\u2019ingabo mu gihe mu burasirazuba bwa Congo hasanzwe hari ingabo za MONUSCO, ngo n\u2019ingabo z\u2019u Rwanda zamaze imyaka myinshi muri Congo ntizashobora gusenya burundu FDLR, ngo kongeraho ingabo za Congo nazo ziri mu burasirazuba bwa Congo muri icyo gihe nihashyirwaho uriya mutwe w\u2019ingabo bizaba bishatse kuvuga ko hazaba hari imitwe y\u2019ingabo 4 itandukanye mu burasirazuba bwa Congo.<\/p>\n
Ngo kuri Thierry Vircoulon umuti si ukohereza undi mutwe w\u2019ingabo ahubwo ni ugushaka umuti wa politiki wava mu biganiro kuko bigaragara ko Leta ya Congo nta ngufu ifite.<\/p>\n
Ku bijyanye n\u2019u Rwanda iyo mpuguke yatangaje ko ibirimo kubera i Kampala ari ikinamico cyo gushimisha amahanga ngo bose bazi ko imyanzuro y\u2019iyo nama ntacyo izageraho mu kurangiza ibibazo byo muri Congo, ngo ahubwo ni uburyo bwo guha umwanya M23 wo kwigarurira igice kinini mu gihe ku rundi ruhande berekana ko bashaka ibiganiro.<\/p>\n
Ngo inkuru bafite n\u2019uko haba hari uburyo 3 bushobora gukoreshwa:
\n-abasirikare b\u2019ibihugu by\u2019Afrika byo mu karere gusa
\n-Abasirikare b\u2019ibihugu by\u2019Afrika bari muri MONUSCO
\n-Abasirikare ba MONUSCO bakaba bahindurirwa inshingano<\/p>\n
Ariko ikibazo ngo kigoye cyane n\u2019uko u Rwanda rushaka kuba rufite ingabo muri uwo mutwe ibyo rero ngo igihugu cya Congo ntabwo gishobora kubyemera kuko byaba ari nko kongera kureka ingabo z\u2019u Rwanda zikinjira ku butaka bwa Congo, ibyo ntabwo byagwa amahoro Leta ya Perezida Kabila kuko n\u2019ubundi kuba harabaye gukemenga ibyavuye mu matora, kureka u Rwanda rukinjira muri Congo na none byaba nko kwiteranya n\u2019abaturage bamwe bapfaga gushyigikira Perezida Kabila.<\/p>\n
Marc Matabaro<\/p>\n","protected":false},"excerpt":{"rendered":"
I Kampala mu murwa mukuru wa Uganda hateraniye inama mpuzamahanga y\u2019ibihugu by\u2019ibiyaga bigari(ICGLR)<\/p>\n","protected":false},"author":3,"featured_media":883,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,64],"tags":[],"class_list":["post-882","post","type-post","status-publish","format-standard","has-post-thumbnail","hentry","category-akarere","category-amakuru"],"yoast_head":"\n