Bibaye ubwa mbere ivugurura ry\u2019ikinyarwanda ryamaganwa n\u2019abanyarwanda hafi bose kandi b\u2019ingeri zose. Mu bisanzwe ibibazo by\u2019i Rwanda ntabwo byajyaga bivugwaho rumwe. Bamwe bafataga igihande kimwe, abandi bagafata ikindi.<\/p>\n
Ariko nyamara ku kibazo cy\u2019ururimi, abanyarwanda bose bahurije hamwe berekana ko batanyuzwe n\u2019ibyakozwe. Ni ubwo koko muri ririya vugurura harimwo ibitanoze (wenda na byinshi ), biragaragara ko byamaganwe n\u2019imbaraga nyinshi ndetse siza n\u2019izirenze uko ikibazo ubwa cyo giteye. Ahangaha umuntu akaba yakwibaza niba abanyarwanda badafite ubundi butumwa bashakaga gutanga.
\nNk\u2019uko twagiye tubisoma hirya no hino ku mbuga za enterineti, hari byinshi byagiye bigarukwaho biterekeranye mu by\u2019ukuri n\u2019imyubakire bwite y\u2019ururimi. Mbese bisa n\u2019aho hari abanyarwand bamwe babonye umwanya wo kwinigura .<\/p>\n
Nagerageze kwegeranya ibyo bitekerezo ku buryo bukurikira:<\/p>\n
1) Abenshi bavuga ko abakoze ivugurura batagishije inama abanyarwanda. Abongabo rero bavuga ko abanyarwanda muri rusange bajya babanza bakagishwa inama kuri gahunda zose zibareba.<\/p>\n
2) Hari abagize bati \u201chahinduwe byinshi none n\u2019ururimi na rwo barashaka kuruhindura\u201d! Abangaba ni ababona ko muri iyi imyaka hahinduwe ibintu byinshi cyane birenze urugero. Abavuga batyo bagasa n\u2019abashaka kwerekana ko barambiwe n\u2019umuvuduko w\u2019ibihinduka ndetse n\u2019uburyo bihindukamo butanoze.<\/p>\n
3) Hari n\u2019abandi ikibazo bagihinduye politiki. Bati \u201ciri vugurura rya huti huti ni urwitwazo rwo kuzahindura itegeko nshinga\u201d. Icyo cyiciro cy\u2019abanyarwanda gitekereza gityo kibihera ku bivugwa hanze aha kandi wenda ibyinshi ari ibihuha!<\/p>\n
4) Abandi n\u2019abibwira ko ikinyarwanda kirimo giteshwa agaciro, ngo gisigare ari icy\u2019abatindi, ngo kuko abakize bajyana abana babo mu mashuri akomeye, yigisha indimi zo hanze. Abo rero basa n\u2019aberekana ko barakajwe n\u2019ikibazo cy\u2019uburezi muri rusange.<\/p>\n
5) Hari kandi n\u2019abapfa kwamagana iriya mivugurure batazi iyo biva n’iyo bijya, bagendera mu kigare ariko nyamara bashaka kwerekana ko hari ibyo batishimiye mu bitagenda neza mu gihugu.<\/p>\n
Nguko uko nakusanije imyifatire y\u2019abanyarwanda kuri iki kibazo nkurikije ibyanditswe hirya no hino. Niba hari ibyo nibagiwe abandi bazanyunganira.
\nIcy\u2019ingenzi ariko ni uko bimwe muri ibyo bitekerezo (cyangwa bYose) byakwitabwaho n\u2019ababishinzwe.<\/p>\n
Ikigaragara kandi nk\u2019isomo kuri twese, ni uko abanyarwanda bashobora gushyira hamwe mu gushaka umuti w\u2019ibibazo bimwe na bimwe. Byaba mahire kurusha, niba abanyarwanda b\u2019ingeri zose banashyiraga hamwe mu kwirinda burundu inzangano zakomeje kuba akaramata, cyane izishingiye ku mitegekere y’igihugu n’amoko.<\/p>\n
Faustin Kabanza<\/strong><\/p>\n","protected":false},"excerpt":{"rendered":" Bibaye ubwa mbere ivugurura ry\u2019ikinyarwanda ryamaganwa n\u2019abanyarwanda hafi bose kandi b\u2019ingeri zose. Mu bisanzwe ibibazo by\u2019i Rwanda ntabwo byajyaga bivugwaho rumwe. Bamwe bafataga igihande kimwe, abandi bagafata ikindi.<\/p>\n","protected":false},"author":4,"featured_media":8880,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-8894","post","type-post","status-publish","format-standard","has-post-thumbnail","hentry","category-politiki"],"yoast_head":"\n