Ishyaka rirengera ibidukikije na Demokarasi( Democratic Green Party Rwanda) ririfuza ko mu Rwanda naho hajya hakoreshwa ikoranabuhanga mu matora mu rwego rwo kwirinda iyibwa ry\u2019amajwi no guha ikizere kirambye abatora<\/i><\/p>\n
Ibi iri shyaka ribitangaje nyuma y\u2019urugendo shuri umuyobozi waryo Dr Frank Habineza yagiriye muri Amerika tariki 20 Ukwakira kugeza tariki 7 Ugushyingo, aho we n\u2019abandi bayobozi bakizamuka muri Afurika bari bagiye kureba imiyoborere n\u2019imikorere y\u2019inzego muri Leta zunze ubumwe z\u2019Amerika.<\/p>\n
Iryo shyaka rivuga ko ryashimishijwe n\u2019imikorere ndetse n\u2019imiyoborere ya Leta Zunze Ubumwe z\u2019Amerika, harimo n\u2019imitegurire y\u2019amatora muri icyo gihugu. Ritangaza ko muri Amerika hari imashini zikoreshwa mu matora, aho bigora umuntu wese ushaka kwiba amajwi kuba yabikora. Ubu buryo ngo bwubaka icyizere mu batora kandi bigatuma n\u2019abatsinzwe bemera batagononwa. Iryo shyaka rivuga ko kandi ubwo buryo bushobora gutuma n\u2019ishyaka ryari ryizeye intsinzi , bihinduka ugasanga iryo bahanganye niryo ryatsinze.<\/p>\n
Icyakora ngo nubwo Politiki y\u2019ibihugu by\u2019Afurika itandukanye n\u2019iya Amerika, ngo byaba byiza ubwo buryo bwiganywe no mu Rwanda ndetse no mu bindi bihugu by\u2019Afurika.<\/p>\n
Green Party ngo yashimishijwe kandi n\u2019ubufatanye buri hagati y\u2019amashyaka abiri ahora asa n\u2019ahanganye muri Amerika, iry\u2019abademokarate n\u2019abarepubulika, bagira n\u2019ibyo batemeranyaho Perezidansi ntibigaragaremo.<\/p>\n
Urwo rugendo shuri rwari rwitabiriwe kandi n\u2019ibindi bihugu byo muri Afurika nka Nijeriya, Afurika y\u2019Epfo, Sudan y\u2019Epfo, Swaziland na DRC.<\/p>\n