Mu nyandiko uwitwa cyangwa uwiyita Jean Paul Romeo Rugero\u00a0 yise \u201cIntambara vs Amatora: tujya mu ntambara ryari?\u201d\u00a0 uyu mugabo avuga utugambo twinshi tuvangavanze ngo aha arifuza gutanga amasomo ku ntambara, kubisobanura bikamubera ingutu, ariko agasoza agwa ku ijambo ashaka gutambutsa twahinira muri izi ngingo zikurikira :<\/p>\n
Muti gute?<\/strong><\/p>\n Mu nyandiko ya Romeo aragaragaza ko ngo yababajwe n\u2019uko mu kiganiro kuri radio Ijwi rya Rubanda cyabaye tariki ya 15 Ugushyingo 2014, Jotham Rwamiheto yahaswe ibibazo akananirwa kwisobanura ku byerekeye inzira yo gufata intwaro yakanguriraga Abanyarwanda. Reka twibutse ko igihe tugezemo atari cya gihe cya za 1990 aho abanyapolitiki bakoreraga mu bwiru\u2019 abantu bakabakurikira buhumyi kugeza n\u2019aho bashyigikiye FPR batazi uko bigenze! No mu myaka 20 ishize hari abanyapolitiki bakomeje kubwira abantu ngo \u201ctubibabereyemo\u201d. Ibiki ??? Ntibagaragazaga umushinga bafite ndetse ngo banerekane uruhare buri wese akwiye kuwugiramo. Uko byagenze ibara umupfu.<\/p>\n Mu kiganiro Romeo avuga, jye nafashe umwanya uhagije nsobanura impamvu ishyaka\u00a0 Ishema ry\u2019u Rwanda ryahisemo gushyira imbere inzira y\u2019amahoro ishingiye \u00a0ku matora cyangwa revolisiyo ya rubanda. Ibisobanuro natanze bishingiye ku bushakashatsi bwimbitse bwakozwe n\u2019ishyaka ISHEMA ry\u2019u Rwanda ribitewemo inkunga n\u2019umuryango mpuzamahanga witwa AIPAD (Association Internationale Paix et D\u00e9mocratie) ufite icyicaro i Paris mu Bufaransa.<\/p>\n Rwamiheto we avuga ko mu Rwanda revolisiyo ya rubanda itashoboka , ngo ko hashoboka intambara y\u2019amasasu gusa. Abajijwe inyigo yabikozeho ati\u00a0\u201cntayo<\/strong>\u201d. Abajijwe uburyo ibyo avuga bishoboka ati\u00a0\u201csi ndi umunyapolitiki\u201d!!!<\/strong>\u00a0Ikibabaje ni uko Rwamiheto yasabaga ishyaka ISHEMA, Abataripfana ndetse n\u2019Abanyarwanda bose kureka ibikorwa iri shyaka ryatangiye bakayoboka inzira we ashaka ariko aterekana uko ifunguye n\u2019uko abantu bayinyuramo. Nyamara biragaragara ko \u00a0ibikorwa by\u2019ISHEMA aribyo \u00a0bitanga icyizere cyo gufasha u Rwanda kuva mu kaga rurimo, ndetse hagacika burundu umuco wa \u201cvaho njyeho\u201d<\/strong>\u00a0wimakajwe hagati y\u2019abahutu n\u2019abatutsi. Birumvikana ko mu gihe ISHEMA rifite umushinga risobanura neza, abanyarwanda batazemera ko hari umuntu uza ababwira ngo nimureke ISHEMA muze mbereke ahandi mbajyana kandi na we ubwe yigaragaza nk\u2019utazi aho ahagaze n\u2019aho yerekera.<\/p>\n Ikindi kibazo cyabayeho ni uko Rwamiheto amaze gushima no kwemera ko ISHEMA rikora umurimo mwiza wo kumara ubwoba abaturage, yananiwe gusobanura impamvu \u00a0inyandiko ye igaragara nk\u2019itera ubwoba Abanyarwanda ndetse ikaba yunganira ideology ikoreshwa na FPR igambiriye ko Abanyarwanda batashira ubwoba ngo bayivudukane!<\/p>\n Uyu musore Romeo wagaragaraga muri studio ntiyagize ubutwari bwo gufata ijambo ngo yunganire umuvandimwe Rwamiheto niba koko bumva ibintu kimwe, ntiyigeze anasaba ko haba ikindi kiganiro ngo iyo ngingo tuyigarukeho, ahubwo na we yihutiye gushishimura inyandiko idasobanutse yikoma ISHEMA. Iki ni igitero cy\u2019ubwiyahuzi Romeo akoze nk\u2019uko ngiye kubigaragaza.<\/p>\n Uwitwa cyangwa uwiyita Jean Paul Romeo Rugero yatangiye kumenyekana mu gihe gito gishize aho yatangiye kujya yandika inyandiko nyinshi cyane zisenya, zisesereza ,zisebya kandi zandagaza abanyapolitiki b\u2019abasaza . Ikibabaje ni uko mu kugaba ibitero kuri aba banyapolitiki bakuze, ntibyabaga bya bindi byo \u00a0kunenga ikosa ugamije kubaka, ahubwo yabaga agamije\u00a0 gucisha umuntu bugufi gusa no kumwangisha rubanda. Imvugo nyandagazi yabinyuzagamo yerekanye ko Romeo yubahuka cyane ku buryo ntawe acyubaha. Ibi bitandukanye n\u2019amahame ya demokarasi duharanira: biragayitse kwikoma umuntu cyangwa kumutesha agaciro witwaje ko afite ibitekerezo utemera. Ikibazo cya Romeo ni aha kiri: aba Bakambwe baramwihoreye yigira igikenya mu isesengura ryuzuyemo ubusa none arishuka ko ashobora gukururira Ishyaka Ishema muri ubwo busa bw\u2019amatiku. Cyakora namugira inama yo kutikorereza Abataripfana kuko bo bazi neza ibyo barimo bakaba nta kindi biyemeje kwitangira uretse gufasha \u00a0rubanda kwibohora ku ngoma y\u2019igitugu n\u2019iterabwoba ya FPR Inkotanyi. Bityo rero Abataripfana ntibashobora kwihanganira Inkonkobotsi zitagaragaza uwo zikorera, ngo zisobanure ku buryo bwumvikana gahunda nzima zaba zikurikiranye, ahubwo bikaba bigaragara\u00a0 ko zigambiriye \u00a0gusa gusenya ibyiza abandi bageze kure bubaka.<\/p>\n 2.Arafasha FPR gucengeza iterabwoba mu banyarwanda ko nta revolisiyo ya rubanda ishoboka, ngo kuko uwabatsinze ntaho yagiye<\/strong><\/p>\n FPR yabaye indashyikirwa mu kwica \u00a0no gutera ubwoba abaturage. Ikiba kigamijwe\u00a0 ni ukumvisha abaturage ko Inkotanyi arizo zifite ubutegetsi kandi \u00a0ko ntawe uzongera kubuzambura kuko ngo nta n\u2019uwazirwanya ngo azitsinde. Ikibazo gikomeye ni aha kiri. Hari abatari bake bakiriye iyi ngengabitekerezo bati koko nta kindi cyadukiza FPR atari amasasu. Abareba hafi ntibashobora kugira ikindi batekereza, niyo mpamvu badashobora no kwicara ngo \u00a0bige uko iyo ntambara yakorwa ahubwo bashimangira igitekerezo ngo FPR yarabivuze nta kundi byagenda.<\/p>\n Twibuke neza ko ikintu cyatumye abahutu bamara imyaka irenga 400 mu bucakara bashyirwagaho n\u2019ingoma ya gihake, ni uko abami bari baremeje buri munyarwanda ko u Rwanda rugomba gutegekwa n\u2019 ibimanuka byaturutse mu ijuru bizanywe no gutegeka no guhaka abahutu, maze bo bakaba bararemewe gutegekwa no kuyoboka. Mu gihe revolisiyo yatangiraga gutegurwa mu myaka ya za 1950, abahutu benshi bari bashyigikiye umwami kuko bumvaga ko ngo u Rwanda rutabaho rudafite umwami, ababyeyi ntibabyara badafite umwami, inka ntizakamwa\u2026 Habaye ubutwari bukomeye bw\u2019abarwanashyaka nka Gregoire Kayibanda na bagenzi be bafashije rubanda kumva ko ubutegetsi butavukanwa n\u2019agatsiko k\u2019abatutsi bari ku ngoma ko ahubwo buri mu maboko ya rubanda ishobora kwihitiramo abategetsi bayinyuze.<\/p>\n Uyu munsi wa none, ubutegetsi bwa FPR ntaho butanira na gihake: hari abaturage bemeye ingengabitekerezo ko nta wakura FPR ku butegetsi, ngo kereka ayirushije ubukana bwo kurimbura abaturage benshi akoresheje amasasu, ibifaru n\u2019amabombe. \u00a0Muri iki gihe icyo abanyarwanda bakeneye ni abalideri (leaders) bafasha abaturage kumva imbaraga bifitemo, bakava mu bwoba bakazikoresha mu guharanira uburenganzira bwabo kandi bagashirwa bahiritse ubutegetsi bushingiye ku iterabwoba rya FPR.<\/p>\n 3.Atewe ikibazo ngo n\u2019uko ISHEMA ririmo abatutsi cyangwa ryumvikana n\u2019abatutsi<\/strong><\/p>\n Romeo yarakugendeye afata ifoto Padiri Nahimana Thomas yifotoje hamwe n\u2019abanyarwanda mu minsi ishize ubwo yari mu butumwa bw\u2019ishyaka Ishema mu gihugu cya Australia. Icyababaje Romeo ngo ni uko kuri iyo foto hariho umuhungu wa Kayumba Nyamwasa . Romeo avuga ko ISHEMA ryatangiye ryigaragaza nka PARMEHUTU none ararinenga kwifotozanya n\u2019umuhungu wa Nyamwasa! Nashatse akantu k\u2019ubwenge kari aha ndakabura. Icyo PARMEHUTU yaharaniraga ni ugukura rubanda rugufi ku ngoyi ya gihake. PARMEHUTU yarimo abahutu n\u2019abatutsi. Kuba umuyobozi w\u2019 ISHEMA yemera kwifotozanya n\u2019umwana utotezwa na FPR kimwe na twe twese Romeo akabibonamo ikibazo na byo birerekana ko isesengura rye ntaho ryageza Abanyarwanda. ISHEMA rishishikajwe no guharanira ineza y\u2019abanyarwanda bose, cyane cyane abakandamijwe n\u2019ubutegetsi bubi bwa FPR kandi ntiriheza uwo ari we wese kuko ritagamije gushimisha Romeo. Nibimenyekane neza ko Ishema ridateganya kuryoza abana ibyaha bya ba se na ba sekuru nk\u2019uko Romeo abyifuza.\u00a0 Niyo mpamvu rihora rishyira imbere ko hakenewe \u00ab\u00a0Nouvelle g\u00e9n\u00e9ration\u00a0\u00bb y\u2019Abalideri bataboshywe n\u2019amateka y\u2019u Rwanda kubera uruhare bagize mu guhemukira Abanyarwanda. Na Ange KAGAME ubwe aramutse yibonye muri izi gahunda nziza z\u2019Ishema , agasaba kuryinjiramo nta buhendanyi, Abataripfana bamwakirana ubwuzu\u00a0! Utabyumva nkatwe yihangane.<\/p>\n\n