Amakuru yatugezeho aravuga ko Inama y\u2019Umushyikirano izaterana ku nshuro ya 12 ikabera i Kigali, kuwa Kane ndetse no kuwa Gatanu tariki ya 18 na 19 Ukuboza 2014.<\/p>\n
Nk\u2019uko FDU-INKINGI yakomeje kubigaragaza, kuva izo nama zabaho ntizigeze zitanga umuti watuma haba ubwiyunge nyabwo hagati y\u2019Abanyarwanda. Anketi zakomeje gukorwa zagaragaje ko ubwiyunge mu Rwanda bwakomeje kugerwa ku mashyi. Ndetse nta n\u2019icyahindutse kuva aho hashyiriweho gahunda ya \u00ab Ndi umunyarwanda \u00bb isaba Abahutu bose gusaba imbabazi mu izina ry\u2019abakoze jenoside yakorewe Abatutsi muri 94, mu gihe icyaha ari gatozi.<\/p>\n
Ni mu gihe kandi koko, kuko iyo usesenguye amagambo y\u2019abantu nka ba Mme Rosa Mukankomeje wahoze mu bayobozi ba Komisiyo y\u2019Ubwiyunge, aho yavuze ngo \u00ab Abana b\u2019abahutu bonka ingengabitekerezo ya jenoside mu mashereka ya ba nyina \u00bb, usanga biruhije kwunga Abanyarwanda bose mu gihe ushinja bamwe icyaha kimeze nk\u2019icy\u2019inkomoko.<\/p>\n
Ubutegetsi bugomba gukomoka mu baturage, ntiburangwe n\u2019ubusumbane hagati y\u2019Abanyarwanda, hagati y\u2019uturere cyangwa hagati y\u2019amoko yabo, kandi bukubahiriza amategeko mpuza-mahanga. Ubwo butegetsi kandi bugomba gushingira ku mategeko n\u2019inzego z\u2019ubutegetsi buri wese yibonamo. Bityo bukazahuriza Abanyarwanda ku mahame ya demokarasi, ku bwiyunge no ku bunyarwanda haba mu nzego z\u2019ubutegetsi cyangwa mu buzima busanzwe. Ni yo mpamvu FDU-INKINGI ikomeza guharanira guhindura imitegekere iriho, ikayisimbuza ituma abantu bahurira ku bitekerezo aho guhurira ku bwoko, ku miryango, ku karere, n\u2019ibindi.<\/p>\n
FDU-INKINGI irasanga ubwiyunge Abanyarwanda bakeneye ari ubufite intango ya demokarasi ishingiye ku matora adafifitse ashyiraho abayobozi abaturage bihitiyemo nta gahato, kandi abo bayobozi bagaturuka mu ngeri zose z\u2019abaturarwanda, Inama nshinga-mategeko na nkenguza-mategeko zikagirwa n\u2019abahagarariye by\u2019ukuri izo ngeri zose, batari gusa abemejwe n\u2019abari ku butegetsi, cyangwa abakomoka mu mashyaka ashigikiye abari ku butegetsi.<\/p>\n
FDU-INKINGI ishaka ko haba Inama Ngoboka\u2013Gihugu ihuza Abanyarwada b\u2019ingeri zose, ndetse n\u2019abatavuga rumwe n\u2019ubutegetsi bagahabwa umwanya, bakabanza bakumvikana ku miterere y\u2019Itegeko-nshinga ryo rigenga andi mategeko n\u2019imitegekere y\u2019igihugu. Iyo nama ni yo izatuma haba ubwumvikane ku butegetsi buboneye rubanda, butanga ihumure ku muturarwanda wese, kandi burengera buri wese. Bityo Abanyarwanda bose bakagira uruhare mu kugena uko ubuyobozi bw\u2019igihugu bugomba kuba buteye, n\u2019ukuntu Abanyarwanda bahitamo ababahagarariye mu nzego zose z\u2019ubutegetsi, bashingiye cyane cyane ku bitekerezo abantu bafite, n\u2019icyo basezeranya rubanda kuzabakorera mu gihe bahabwa nabo kubayobora (Mandat), batabyubahiriza bagasimbuzwa abandi. Ni yo mpamvu amashyaka yigenga, adakorera mu kwaha kw\u2019ubutegetsi buriho, agomba kugira uruhare runini mu miterere ya politiki y\u2019igihugu, abantu bagahuzwa n\u2019ibitekerezo byo guteza Abanyarwanda imbere, aho kuba imbohe z\u2019ubwoko cyangwa akarere bakomokamo. Ibyo bizatuma ubutegetsi budashingira ku bwoko cyangwa ngo bwikubirwe n\u2019abakomoka mu karere kamwe. Ni yo mpamvu amasezerano ya ARUSHA azaba intango ikomeye mu mpaka zizagibwa muri iyo Nama Ngoboka-Gihugu.<\/p>\n
FDU-INKINGI ishaka rero ko Itegeko-nshinga ryemera amashyaka atavuga rumwe n\u2019ubutegetsi, ubutegetsi bwa FPR bukareka gutoteza abayobozi b\u2019ayo mashyaka, abo bayobozi bagahabwa urubuga rwisanzuye rwo kuvugiramo ibitekerezo byabo, ngo bereke abaturarwanda bo mu nzego zose kugeza ku murenge, uko bashaka gushyira mu bikorwa politiki y\u2019imitegekere no guteza Abanyarwanda imbere.<\/p>\n
Bikorewe i Buruseli mu Bubiligi kuwa 17 Ukuboza 2014<\/p>\n