Twebwe impunzi z\u2019abanyarwanda ziri mu mashyamba ya KONGO zibumbiye mu RUGAGA RUHARANIRA\u00a0DEMOKARASI NO KUBOHOZA U RWANDA (FDLR),
\nNyuma y\u2019aho dushyize ahagaragara ibyifuzo byacu by\u2019uko dushaka amahoro arambye mu gihugu cyacu\u00a0ndetse no mu karere kose muri rusange;
\nNyuma y\u2019uko tugaragaje ku mugaragaro ko dushyize intwaro hasi;
\nNyuma y\u2019uko dutangarije ko dukeneye ibiganiro n\u2019abandi Banyarwanda bose ngo hasuzumwe uburyo\u00a0ibibazo Abanyarwanda bafite cyangwa batumva kimwe byakemuka.<\/p>\n
Twasanze buri wese yarumvise ibyifuzo byacu. Nyamara ariko igitangaje ni uko ibisubizo twagiye\u00a0duhabwa usanga bishingiye ku myumvire itandukanye bitewe n\u2019uko badufata ndetse bikanaturuka\u00a0cyane cyane ku nyungu buri wese ku giti cye akura mu byatugirirwa.<\/p>\n
Nk\u2019uko bimenyerewe mu mateka y\u2019impunzi z\u2019Abanyarwanda b\u2019Abahutu nta na rimwe zigeze zumvwa\u00a0mu bibazo zahuye na byo byose. Ahubwo buri gihe igisubizo zibonerwa ni ukuraswa ari na cyo kiriho\u00a0n\u2019ubu dore ko kigenda kigaruka. Impunzi z\u2019Abanyarwanda b\u2019abahutu zatangiye kubaho ku wa 01\u00a0Ukwakira 1990 ubwo u Rwanda rwaterwaga. Guhera uwo munsi, aho zahungiraga hose, izidapfuye\u00a0zagiye zihakurwa n\u2019amasasu kugeza magingo aya, imyaka 24 irashize.<\/p>\n
Guhunga ni ibintu byikora biba muri kamere muntu, bigaterwa n\u2019ubwoba umuntu wese agira imbere\u00a0y\u2019ikimwugarije cyamugirira nabi. Gusa ku Banyarwanda b\u2019abahutu, guhunga byabaye icyaha gihanishwa\u00a0urupfu.<\/p>\n
Nawe se, hari igihe amahanga atahwemye kubwira abo bantu ngo ni bajye mu makambi, bakayajyamo;\u00a0nyamara nyuma bakazirasirwamo, abacitse ku icumu bakora izindi, nazo bakazirasirwamo, abarokotse\u00a0bagahunga, nabo bakaraswa umugenda; nuko byagiye bigenda muri iyi myaka yose ishize. Kuri twe\u00a0impunzi, tubona ko ibyo bimaze kuba nk\u2019umurage wacu cyane cyane ko nta n\u2019uwo dutakira ngo\u00a0atwumve. Tumaze kubona ko kutwica ari ishema n\u2019inyungu ku baduhiga; tumaze kubona ko tudahabwa\u00a0agaciro gakwiye ikiremwa Muntu. Twari twarahisemo gupfa dusambye, byibura ngo duhe agaciro abacu\u00a0bapfuye kuko twese twibonamo nk\u2019abapfu, kandi n\u2019amahanga akaba ari ko atubona, dore ko twatatse\u00a0imyaka myinshi ntatwumve.<\/p>\n
Dore agaciro gakwiye umupfu w\u2019umuhutu n\u2019ubwo mu Rwanda katabayo basigaye bashyirwa mu mifuka\u00a0bakajugunywa mu nzuzi no mu biyaga:<\/p>\n
-Kurinda utarapfa kugira ngo byibura abone uko asenga Iyamuremye, napfa azapfane ibyiringiro kuko\u00a0n\u2019ubundi udapfuye none azapfa ejo, kandi nta n\u2019umwe utazi ibyo dupangirwa.
\n– Gusaba u Rwanda n\u2019amahanga ngo bamenye agaciro k\u2019umuntu, bemere ko natwe twaremwe, tuganire\u00a0uko twabana mu mahoro.
\n– Gushyingura imirambo, nako amagufwa y\u2019impunzi z\u2019abahutu yandagaye mu mashyamba zishwe mu\u00a0isenywa ry\u2019amakambi no mu bitero byakurikiye.<\/p>\n
Twari tuzi ko izi nshingano uko ari 3 zikwiye kubahirizwa n\u2019Umuryango w\u2019Abibumbye n\u2019indi miryango\u00a0y\u2019ubutabazi ariko byabaye ngombwa ko ari twe tubyikorera uko dushoboye kandi ntibirarangira.\u00a0Kurinda impunzi, gushyingura imirambo y\u2019impunzi zishwe, kumvikanisha abenegihugu n\u2019ubundi\u00a0burenganzira bwa kiremwamuntu byemerewe izindi mpunzi uretse iz\u2019Abanyarwanda b\u2019abahutu. Ako\u00a0gahinda turagafite, karadushengura kandi nta kizere kindi dufite kizakatumara uretse IMANA yo mu ijuru \u00a0yonyine.\u00a0Ibitubaho ubu birababaje n\u2019ubwo atari ubwa mbere bibayeho mu mateka: Si ubwa mbere umwirabura\u00a0agaragara mu isi nk\u2019utari umuntu. Twibuke ibyakorewe abirabura bavanwaga mu bihugu byabo\u00a0bakajyanwa gukoreshwa uburetwa n\u2019ubucakara, n\u2019uburyo bafatwaga nk\u2019aho atari abantu, bakanicwa\u00a0nabi. Ibyo rero ubu byakomerejwe ku mpunzi z\u2019abahutu b\u2019abanyarwanda.<\/p>\n
Turasaba umuntu wese waba\u00a0afite umutima wa kimuntu, yaba umuzungu cyangwa umwirabura, kuzirikana ku iyicwa n\u2019irimburwa\u00a0ry\u2019impunzi z\u2019abanyarwanda b\u2019abahutu rikomeje, no kuba kugeza ubu amagufwa yazo acyanamye ku\u00a0gasozi mu isi irimo abantu.<\/p>\n
Twebwe ibyatubayeho ni byo bigenda bigaruka; ubu twongeye kubisubiramo\u00a0(R\u00e9p\u00e9tition). Aha wakwibaza ngo ibyo twongeye gusubiramo(R\u00e9p\u00e9tition) ni ibihe?<\/p>\n
\u2022 Intambara igitangira ku wa 01 Ukwakira 1990 habayeho impunzi imbere mu gihugu kugeza\u00a01994. Izitari zigishoboye guhungira mu duce tw\u2019igihugu cy\u2019u Rwanda zikusanyirizwa mu\u00a0makambi ya LONI. Icyakurikiyeho ni ukuzirasira muri ayo makambi. Abenshi barahagwa\u00a0abatarahaguye, bamwe batorongeye mu mashyamba ya Kongo, abandi batatanira mu mahanga\u00a0ya kure, ndetse abandi baragotwa basubizwa mu Rwanda ku ngufu. Hakurikiyeho ibitero bizwi\u00a0n\u2019ibitazwi byahigiraga kurimbura abacitse ku icumu mu mashyamba ya Kongo kandi kugeza na\u00a0n\u2019ubu niko bikimeze.<\/p>\n
Nk\u2019uko na mbere duhunga tuva mu Rwanda bavuze bati \u201dmujye mu makambi tubarindiremo\u00a0mudapfa\u201d bugacya bakaturasiramo, n\u2019ubu nabwo turi gusabwa kongera gutangira bundi bushya,\u00a0kuko batubwira ngo muve mu mashyamba tutabiciramo, kandi ubwo ntako batagize, noneho\u00a0mwongere mwikusanyirize mu makambi tubone uko tubatatanyiriza mu mahanga hatari iwanyu mu\u00a0Rwanda. Ibyo rero iyo tubyumva tubona neza ko ari rya subiramo (R\u00e9p\u00e9tition) rigarutse. Aho ni ho\u00a0tugomba kujya, twabishaka tutabishaka. Uko twagiye mu makambi duhunga urupfu naho ari\u00a0ukurusanga ni nako tuvuga ngo aho gupfa none twapfa ejo tukemera kujya mu makambi yo\u00a0gutatanyirizwamo.\u00a0N\u2019ubwo uko dusa n\u2019ubwoko bwacu bihanishwa igihano cy\u2019urupfu, turasaba ibi bikurikira:<\/p>\n
\u2022 Kutwica no kuturimbura nibabikore ariko kandi nibatwica badushyingure kuko n\u2019imbwa\u00a0zirahambwa.<\/p>\n
\u2022 Ikindi kandi, turasaba abagiraneza ko badusabira tugahabwa igihe cyo kurangiza gushyingura\u00a0abacu bacyanamye ku gasozi mu mashyamba ya Kongo. N\u2019ubwo nta gaciro bafite kuri iyi si,\u00a0bareke tubaririre babone kongera kwica abandi.<\/p>\n
Iyo tuvuga kwicwa si uko tubikunze ; ahubwo ni ibyatuziye kuko ntitwiremye ngo tuvuke\u00a0nk\u2019abandi bantu. Ntituzi inyungu iva mu kuturimbura ariko ni ko bikorwa kandi byemewe\u00a0ndetse binashyigikiwe n\u2019amahanga. N\u2019ubu twahawe itariki yo kwemera kujya mu isubiramo\u00a0(R\u00e9p\u00e9tition) cyangwa bakongera kutwica. Tuzabikora ducuma amatariki yo kutwica kuko aha\u00a0tugiye turahazi; si ubwa mbere tugiye aho twatangiriye hatazagira uwibwira ko yatujyanye\u00a0tutazi iyo tujya.<\/p>\n
\u2022 Hari uwakwibaza impamvu tutemera kujya mu gihugu cyacu kandi bivugwa ko hari amahoro.\u00a0Igisubizo ni iki:<\/p>\n
– Nta munyarwanda wasinziriye ngo yicure ari impunzi. Nta n\u2019impunzi yasinziriye ngo yicure iri\u00a0muri ibi bibazo. Icyo buri wese yahunze arakizi. Uwahunze akeneye kuganira n\u2019uwo yahunze ;\u00a0wamwirukanseho ndetse akanamusanga mu buhungiro mu makambi n\u2019ahandi kugira ngo\u00a0byibuze amwereke ko yahindutse atakimufitiye urwango nka mbere.\u00a0Hari uwakwibaza niba mu Rwanda hatari Abanyarwanda batanga amakuru bavuga ko bamerewe\u00a0neza. Yewe, bariyo rwose kandi ni uko bagomba kuvuga:<\/p>\n
1. NGO ABAGORE BAHAWE IJAMBO!<\/strong><\/p>\n Iyo mvugo harimo umugore n\u2019umugabo. Mu muco nyarwanda, uvuga ijambo mu bandi ni nyir\u2019urugo ni\u00a0ukuvuga umugabo. None se iyo wishe umugabo, mu rugo ijambo risigarana nde? 2. ABANA N\u2019URUBYIRUKO NABO NI UKO, BAHAWE IJAMBO!<\/strong><\/p>\n Kuko ari impfubyi, n\u2019ubwo mu myaka ishize za mpfubyi zabyaye, ubu nibo baturarwanda ba \u201cvision\u00a02020\u201d ariko buri mwana wo mu Rwanda abajije abo akomoka ho nibwo byakumvikana. Byabaye\u00a0nk\u2019ikirura cyariye intama kigasigara kirera abana bayo, gitegereje ko bakura nabo kikabarya. Ni ko mu\u00a0Rwanda bimeze. No mu mashyamba ya Kongo abo BANA BAZICWA EJO BARIMO.<\/p>\n 3. MU RWANDA BUBAKIRA ABANTU AMAZU YO KUBAMO, NDETSE NTA NA NYAKATSI\u00a0IKIRANGWAMO!<\/strong><\/p>\n Ni byiza ariko twibaze: kuba nta nyakatsi iri mu Rwanda ni uko Abanyarwanda bose bafite ubushobozi\u00a0bwo kwiyubakira inzu za kijyambere? Tumenye ko gahunda yo guta abantu mu mazi itarabaho (cyangwa\u00a0batari babimenya bose) babatwikiye cyane mu mazu ya nyakatsi kandi henshi. Ririya terambere risiba\u00a0amateka.<\/p>\n 4. ITORERO RY\u2019IGIHUGU (INTORE)<\/strong><\/p>\n Mu muco wa kinyarwanda, abasaza ni bo bigishaga urubyiruko umuco wo gukunda igihugu no kumenya\u00a0za kirazira. Ariko kuko abagabo bakuze barimbuwe, abandi bakarundwa mu magereza, ubu umusaza\u00a0ukuze umwe cyangwa babiri bazi amateka ni bo bifashisha ngo babone amateka baheraho bagoreka\u00a0kugira ngo abana b\u2019ejo batazamenya ibyabaye.<\/p>\n Bati: \u201cINTORE NTIGANYA ISHAKA IBISUBIZO\u201d. Wabuza impfubyi kuganya? Ni nde se wahitamo kwicirwa\u00a0ababyeyi kugira nga abe intore? Harya ngo \u201cUSANZE SE KO ATABAZA SEKURU, UTABASANZE BOMBI\u00a0AZABAZA NDE?\u201d\u00a0Bati \u201cMwiganya n\u2019ubwo nabiciye ababyeyi muzaba INTORE\u201d mbega agashinyaguro!<\/p>\n 5. GAHUNDA YO GUHINGA IBIGORI.<\/strong><\/p>\n Birazwi ko abanyururu bose bo mu Rwanda batunzwe n\u2019ibigori. Iyo bakubwiye ngo hinga ibigori byo\u00a0gutunga uwawe ufungiye ubusa, wumva ari iterambere?<\/p>\n 6. NGO U RWANDA NICYO GIHUGU CYA MBERE MU KURWANYA RUSWA!<\/strong><\/p>\n Ahubwo se mu Rwanda ruswa itanga ufite ikibazo gusa ? Ruswa igomba gutanga uwiriwe n\u2019uwaraye mu\u00a0Rwanda wese. Dore nawe amafranga umunyarwanda abazwa mu mwaka : Mituweri, agaciro, isuku,\u00a0uburezi, Farije, umutekano, ipatanti, imisoro isanzwe n\u2019idasanzwe, umusanzu wa FPR, amande,\u00a0umuganda, ubutaka n\u2019ibindi\u2026Umunyarwanda agomba gutanga umusanzu wa buri kantu kose, agatanga\u00a0umusoro wa buri kantu no kugura buri cyangombwa cyangwa buri cyemezo, agashinganisha buri cyose,\u00a0agacibwa amande ya buri gakosa, akazira inka ye, akazira igiti cye, akazira imbuto yitereye mu murima\u00a0we n\u2019ibindi. Ayo mafaranga ava muri buri muryango buri mwaka yitwa iki atari ruswa ahubwo iteye\u00a0ubwoba.<\/p>\n 7. NGO U RWANDA NI IGIHUGU GIFITE DEMOKARASI!<\/strong><\/p>\n Buri munyarwanda mu mutima we azi ko atavuze ko mu Rwanda hari Demokarasi aba yiteze isasu.\u00a0gereza cyangwa guhambirwa mu mufuka agatabwa mu mazi ; azi uko agomba gutora cyangwa uburyo\u00a0avuga ikimuri ku mutima.<\/p>\n 8. NGO U RWANDA RWATEYE IMBERE!<\/strong><\/p>\n Harimo imihanda myiza, ariko kandi harimo n\u2019abapolisi beza bazi guca amafaranga buri wese, kuko\u00a0ntawe batabonaho ikosa, kandi hari umubare w\u2019amafaranga bagomba kwinjiza ku munsi. Muri make,\u00a0haguwe urubuga rwo kwibirwamo barwita \u201cIMIHANDA MYIZA\u201d.<\/p>\n 9. NGO MU RWANDA AMAREMBO ARAFUNGUYE IMPUNZI ZIGOMBA GUTAHUKA KUKO ARI\u00a0AMAHORO<\/strong><\/p>\n None se iyo umuntu ahiga bukware abamwicaje ku ntebe, bakemera guhara amagara yabo , yamara\u00a0guhaga ibyiza bamuteretsemo akabita IBIGARASHA, ndetse akabafunga, abandi akabica umugenda,\u00a0harya niba uwaguterekeye amata ukanywa ugahaga yitwa IKIGARASHA nk\u2019ubwo ya mpunzi yo izitwa\u00a0igiki? Ubwo biri kumvikana ko hari ibyo uba usabwa gukora kandi biruta ibyo cya KIGARASHA cyakoze\u00a0kugira ngo ugire agaciro. Buriya iyo umuntu warwaniye igihugu yiswe ikigarasha n\u2019umwana,\u00a0n\u2019umukecuru, n\u2019umusaza wibereye aho, ya mpunzi bazayita igiki?<\/p>\n 10. IBI BYOSE BIRIHO NGO NI INGARUKA ZA JENOSIDE !<\/strong><\/p>\n Umushinga wa Jenoside warateguwe, n\u2019abawuteguye barazwi, n\u2019inyungu bafitemo zirazwi. Kandi ukuri\u00a0kuragenda kujya ahagaragara nk\u2019uko n\u2019irimburwa ry\u2019impunzi n\u2019abaturage ba Kongo bizajya ahagaragara\u00a0kandi byose biri ku washoje intambara ku wa 01 Ukwakira 1990 ari we KAGAME.<\/p>\n 11. NGO U RWANDA RURUBATSWE RUFITE AMAZU MEZA!<\/strong><\/p>\n Aho iyo mitungo yasahuwe hose harazwi. Ntabwo wakwica miliyoni zingana kuriya z\u2019abagongomani ngo\u00a0ibyo wanyaze bireke kuguteza imbere, kandi izo miliyoni ntizabura iminyago yakugurira indege.\u00a0Igihe kimwe u Rwanda ruzahakana ruvuga ko KAGAME atari umunyarwanda kuko mu mateka y\u2019u\u00a0Rwanda nta wundi munyarwanda wakoze nk\u2019ibye.<\/p>\n 12. IYO AVUZE BOSE BAKOMA AMASHYI, UBWO SE NTIBAMWEMERA?<\/strong><\/p>\n Muri Bibiliya hari ahanditse amateka y\u2019umwami SAWULI. Ngo hari Satani yamuteraga iyo yabaga\u00a0atekereje umuvumo umuriho. Na Kagame ni ko ari. Iyo iyo Satani yateraga Sawuli bamucurangiraga\u00a0inanga. Kagame we bamukomera amashyi kugira ngo amashitani amutera ahoshe, kandi hari abo\u00a0yabitegetse bagomba gukoma imbarutso ngo hakomwe ayo mashyi. Iyo agize ubwoba barabimenya\u00a0bagacurira, abaturage bakabigana, kandi bibeshye ntibabikore yahita agwa aho. Umuti umuvura ni\u00a0amashyi.<\/p>\n
\nIyo ufunze wa mugabo, ukamuheza muri gereza, ijambo rizaba irya nde?
\nIyo urimbuye abasore abakobwa bakagumirwa, ijambo rizasigarana nde?
\nWarangiza uti: \u201cMubyine nabahaye ijambo!\u201d Umwanya wo kurira rero bawusimbuje kubyina ariko si uko\u00a0ari byiza cyangwa babikunze.<\/p>\n