Barwanashyaka, nshuti za FDU INKINGI<\/p>\n
Banyarwandakazi, banyarwanda ndetse n\u2019inshuti z\u2019u Rwanda<\/p>\n
Mu izina ry\u2019ishyaka FDU-INKINGI, nagira ngo nifatanye namwe muri iyi minsi mikuru irangiza umwaka wa 2014 n\u2019itangira umwaka mushya uri hafi wa 2015. Nkaba nifatanyije n\u2019umukuru w\u2019ishyaka ryacu, madame Victoire Ingabire Umuhoza aho ari mu buroko azira akamama, mukubifuriza ibihe byiza kuri mwe ku giti cyanyu, ku miryango yanyu ndetse no kubabari ku mutima bose.<\/p>\n
N\u2019ubwo ariko tugiye mu minsi mikuru, tugomba kuzirikana ko igihugu cyacu kikiri mu bihe bikomeye biterwa ahanini n\u2019ubutegetsi bukomeje kwirengagiza ibibazo byugarije abenegihugu.\u00a0 Ubutegetsi bukaba ahubwo bukomeje guhonyora abagaragaza ibyo bibazo basaba ko byakwitabwaho. Bya bindi abakurambere bitaga kwica gitera aho kwica ikibimutera.<\/p>\n
Impunzi z\u2019abanyarwanda muri Kongo zugarijwe n\u2019amakuba<\/strong>\u00a0<\/strong><\/p>\n Mu gihe bamwe muri twe tuzaba turi mu minsi mikuru, bene wacu barenga\u00a0 240.000 bamaze imyaka\u00a0 ikabakaba 20 baba mu gihugu cya Kongo , bo bazaba\u00a0 batangiye kongera kubungera, kubera ko uyobora ingabo za ONU ziri\u00a0 muri icyo gihugu, afatanyije n\u2019ubutegetsi bwa FPR-Inkotanyi, bakomeje kubotsa igitutu ngo batahe. FDU-INKINGI yongeye kwibutsa\u00a0 ko kuba izo mpunzi zimaze imyaka\u00a0 ingana ityo muri ayo mashyamba atari ku bushake cyangwa se ku gitugu nk\u2019uko bamwe mu bashinyaguzi babivuga. Twakwibutsa ko izo mpunzi zose ari izarokotse ibitero by\u2019ingabo za FPR-Inkotanyi nk\u2019uko byagaragaye muri\u00a0 \u201crapport\u201d\u00a0 yakozwe n\u2019Ishami ry\u2019Umuryango w\u2019Abibumbye ushinzwe kurengera ikiremwa muntu. Mu bantu batungwa agatoki muri iyo \u201crapport\u201d nta n\u2019umwe wigeze akurikiranwa. Ahubwo bamwe baragororewe. Birumvikana ko kubwira abo bantu barokotse ngo bishyire mu maboko y\u2019abashatse kubatsemba bitoroshye. Ni yo mpamvu FDU-INKINGI itahwemye kuvuga ko ikibazo cya ziriya mpunzi n\u2019izindi ziri hirya no hino kitazarangizwa n\u2019ingufu za gisirikare, ahubwo ko kizarangizwa n\u2019imishyikirano ya politiki. FPR-Inkotanyi, nk\u2019umuryango wavukiye mu buhungiro, yagombye kumva ko ari yo nzira y\u2019ukuri aho gukomeza gushaka intambara. FPR-Inkotanyi<\/strong>\u00a0iritegura intambara itagira izina<\/strong><\/p>\n Hari ibimenyetso byinshi bigaragaza ko Leta ya FPR-Inkotanyi iri mukwitegura intambara , ariko ikaba itavuga uwo ishaka gutera.<\/p>\n Amakuru atugeraho avuga ko leta ikomeje kugarura mu ngabo bamwe mu bari barazisererewe mo bita \u00ab\u00a0Inkeragutabara\u00a0\u00bb (d\u00e9mobilis\u00e9s). Leta ikomeje kandi gushishikariza urubyiruko kwinjira mu ngabo igihe ibeshya amahanga ko irimo kugabanya ingabo. Ndetse Leta ikaba iri no mu kujya muri za gereza kureshya abantu bose bahoze mu ngabo, kugira ngo bazigarukemo, kabone n\u2019iyo baba baregwa ibyaha.<\/p>\n Mwumvise kandi ko ibikorwa byo gukwirakwiza ingabo mu baturage bikomeje, ubu hakaba havugwa umutwe mushya\u00a0 w\u2019igipolisi ngo waba ugomba gusimbura uwahozeho wa \u201cLocal Defense Force\u201d, wari warahindutse iterabwoba mu giturage wica ugakiza.<\/p>\n Mu gihugu abaturage bavuga ko cyagarutsemo umutekano, biratangaje kubona ingabo zikomeje gukwirakwizwa mu giturage. Abumvise amagambo yavugiwe mu cyo ubutegetsi bwise Umushyikirano 2014\u00a0 n\u2019abategetsi bo hejuru b\u2019igihugu, harimo na perezida w\u2019igihugu, biyumviye igihunga n\u2019ubushotoranyi\u00a0 byari byuzuyemo bamwe badatinya no kuvuga ngo ko \u00ab\u00a0imbaraga zabatsinze ntaho zagiye\u00a0\u00bb (Jean de Dieu Mucyo). Leta yaba igeze aho yikanga n\u2019abaturage ku buryo ibarindisha imitwe mishya ya gipolisi no guhora yirata ko ifite ingufu\u00a0?<\/p>\n Ikindi gitangaje ni ukubona Leta ivuga ko idafite ubushobozi buhagije bwo kurihira amashuri abana b\u2019u Rwanda batishoboye , ariko ikabona ayo gutunga izo ngabo n\u2019iyo mitwe mishya irimo gushyiraho.<\/p>\n Leta iritegura kandi ikataje guhindura itegekonshinga, kugirango perezida Kagame abone uko yongera kwiyamamaza.<\/p>\n Banyarwandakazi Banyarwanda, ishyaka FDU INKINGI rikaba ryibaza ikindi perezida ashaka kugeza ku gihugu atakoze mu myaka ikabakaba 20 amaze ku butegetsi. Niyo mpamvu tugomba guhaguruka tukarwanya\u00a0 ibyo bishuko kuko nta kindi bigamije uretse gushora igihungu mu rindi curaburindi. Si ngombwa ko ibyabaye muri Burkina faso biba mu gihugu cyacu kugira ngo ubutegetsi bubone ko ugusimburana ku butegetsi mu mahoro ari yo soko y\u2019ugutekana kw\u2019igihugu.<\/p>\n Umutekano uragerwa ku mashyi<\/strong>\u00a0<\/strong><\/p>\n Mu\u00a0 mibonano y\u2019umushyikirano yabaye muri iki cyumweru, perezida Kagame yivugiye ko uburenganzira bwa mbere bw\u2019ikiremwa muntu ari \u00ab\u00a0ukubaho\u00a0\u00bb. FDU-INKINGI yakongeraho ko buri leta ifite inshingano zo kubungabunga ubwo burenganzira bwo kubaho. Nyamara mwumvise mwese inkuru iteye ubwoba n\u2019umujinya y\u2019imirambo ikomeje gutoragurwa hirya no hino mu gihugu no ku mbibi z\u2019igihugu. Byarabaye mu kiyaga cya Rweru ndetse n\u2019ahandi. Birababaje kubona magingo aya ikibazo cy\u2019iyo mirambo gikomeje kuba amayobera. Ese ubwo burenganzira bwo kubaho bo babunyazwe na nde\u00a0?<\/p>\n Ahandi mu gihugu abategetsi bakomeje kwimika umuco mubi w\u2019ikiboko gihitana inzira karengane. Byarabaye mu ntara y\u2019iburengerazuba\u00a0 ndetse no mu ntara y\u2019iburasirazuba,\u00a0 mu Mutara. Bishoboka bite ko abategetsi bakubita umuturage kugeza ashiramo umwuka ntihagire ukurikiranwa? Ibi byarabaye i Nyagatare Kuri nyakwigendera Musirikare Emmanuel.<\/p>\n Bishoboka bite ko umuntu ufite amapingu yaraswa ngo yari agerageje gucika kandi aziritse ntihagire uhanwa? Abo bose na bo bari bafite ubwo burenganzira bwo kubaho, kimwe n\u2019abakomeje kuborera mu munyururu baryozwa ibyaha batakoze.<\/p>\n Aha umuntu akaba yagaruka ku bwiru bwaranze ikibazo cy\u2019inkongi z\u2019umuriro muri za gereza i Gitarama ndetse na\u00a0 Gisenyi. Amakuru avuga ko hatikiriye imbaga,\u00a0 akomeje guhwihwiswa,\u00a0 akaba ashimangirwa no kubuza abarokotse kugira icyo bavuga. Ubwo bwiru kandi bukaba bwaragaragaye aho kuri gereza ya Kigali (1930) havumburiwe icyobo cyuzuye imirambo bigaragara ko atari iyo muri 1994. Ni iya bande, yahageze ite? Ibyo bibazo ntibyigeze bibonerwa igisubizo.<\/p>\n Ibi bikaba biba igihe bamwe mu baturage bakomeje kwinubira\u00a0 ishimutwa ry\u2019ababo . Zimwe mu nzego za Leta zikaba zikomeje kubatera ubwoba ko nibakopfora na bo bazanyuzwa iya busamo nk\u2019uko byagendekeye ababo. Iby\u2019ishimutwa ry\u2019aba bantu rikaba rinemezwa n\u2019imiryango ndetse n\u2019ibihugu by\u2019amahanga.<\/p>\n Dukeneye ubutabera busesuye<\/strong><\/p>\n Barwanashyaka, nshuti za FDU INKINGI<\/p>\n Banyarwandakazi, banyarwanda<\/p>\n Ubutabera ni cyo gipimo nyakuri cy\u2019itera mbere mu gihugu icyo ari cyo cyose. Kuba rero Leta ya FPR-Inkotanyi ifite ubucamanza ntibivuga ko ifite ubutabera. Ni yo mpamvu ubucamanza bugomba kwigenga, ntibuvugirwemo na Leta. Mu gihugu cyacu, Leta ikomeje gukoresha ubucamanza mu guhonyora abatavuga rumwe na FPR-Inkotanyi.<\/p>\n Aho kugira ngo Leta ibabonemo abanyarwanda bafite uburenganzira bwose bahabwa n\u2019itegeko nshinga, Leta ikomeje kubamarira mu munyururu, iyo batishwe cyangwa ngo barigiswe.<\/p>\n Abandi bakomeje gushimutwa aho batse ubuhungiro mu gisa n\u2019iterabwobwa rya Leta. Muri iyi minsi ibi bikorwa bikaba byibasiye cyane cyane abafite ubuhamya mu ihanurwa ry\u2019indege ya prerezida Habyarimana, mu mwaka wa 1994. Kubera ko iryo hanurwa ari ryo ryabaye imbarutso y\u2019itsembabwoko ryakorewe abatutsi muri 1994, Leta ya FPR-Inkotanyi irakora ibishoboka byose kugira ngo iburizemo amapereza ari mugukorerwa mu bihungu by\u2019u Bufaransa na Espagne. Bityo ikabona uko ikomeza kwegeka iryo hanurwa ku nzira karengane.<\/p>\n Mu rwego\u00a0 mpuza mahanga, FDU-INKINGI ntiyabura kwinubira ukuntu \u201crapport\u201d zigaragaza ihonyorwa ry\u2019ubutabera mu Rwanda zikomeje kubikwa aho gukurikiranwa. Mu minsi ishize hari amakuru yavugaga ko uwahoze ayobora ingabo za\u00a0 ONU mu gihugu cya Mali, Generali\u00a0Jean Bosco\u00a0Kazura, atongerewe manda kubera ko akekwaho ibyaha byo kutubahiriza ikiremwa muntu. Si ubwa mbere umusirikare mukuru wo mu ngabo za FPR-Inkotanyi yigizwa ku ruhande mu mirimo ye mu ngabo za ONU kubera izo mpungenge. Twibuke ko na Generali Karenzi Karake yakuwe ku mwanya yarimo muri Soudan kubera izo mpamvu.\u00a0 Ibi bikaba byerekana ko ONU yemera ko bamwe mu ngabo za FPR-Inkotanyi bafite ibyaha bikomeye baryozwa, nyamara bakaba batarakurikiranwa. Kuba FPR-Inkotanyi ibakingira ikibaba ni urugero rubi iha abaturage kuko hari bamwe basa n\u2019abafatwa nk\u2019abari hejuru y\u2019amategeko. Ubukungu budasaranganywe na bwo ni\u00a0 intandaro y\u2019amakimbirane<\/strong>\u00a0<\/strong><\/p>\n Mu gihugu cyacu ubutegetsi bukomeje kwigamba ko iterambere rikataje. Nyamara nta gihe, kuva u Rwanda rwabaho, higeze haba ubusumbane\u00a0 nk\u2019ubwo tubona ubu, aho dufashe nk\u2019umushahara wa mwarimu abandi bategetsi nabo bato bahembwa uwukubye inshuro zirenga\u00a0 20. Abana b\u2019abakene batagira ingano bakomeje kuva mu mashuri kubera kubura amafaranga yo kwishyura amashuri. Abagerageje gutakambira ubutegetsi bakwijwe imishwaro ndetse bamwe barafungwa, abandi bahitamo guhunga urwababyaye.<\/p>\n Mu migi, abatishoboye barirukanwa mu bibanza byabo batabonye ingurane, abayihawe\u00a0 rimwe na rimwe nabo bagahabwa intica ntikize kandi nayo bakayihabwa hashize imyaka n\u2019imyaniko bari kugasozi.<\/p>\n Mu cyaro abaturage barinubira imisoro ikarishye bakomeje kwakwa. Igezweho ubu ikaba ari iy\u2019ubutaka itarigeze ibaho mbere y\u2019ubu butegetsi bwa FPR-Inkotanyi. Kwaka umuturage umusoro ku gasambu ke ariko atunze konyine ni ukumusonga. No mu migi abacuruzi batari mw\u2019ishyaka rya FPR-Inkotanyi bakomeje guhatirwa gutanga imisanzu kimwe n\u2019uko poliliki ya ba \u00ab\u00a0Rwiyemezamirimo\u00a0\u00bb ikomeje kubaheza ku masoko bari bakwiye guhahiramo.<\/p>\n Ikibazo cy\u2019amasambu y\u2019abaturage akomeje gushimutwa na cyo giteye impungenge kandi kikaba gikomeza kuzana amakimbirane hagati y\u2019abanyarwanda bavuye hanze n\u2019abari basanzwe mu gihugu . FDU-INKINGI ikaba yaragarutse kuri iki kibazo mu itangazo ryayo ryo ku wa 4 Kanama 2014 ryerekeranye n\u2019intabaza yari yavuye muri Nyamyumba, aho umuntu umwe ushyigikiwe n\u2019ubutegetsi\u00a0 yashakaga kwirukana abaturage barenga 140 mu dusambu twabo. Nyamara abo baturage bari bafite urwandiko rwa minisitiri w\u2019Ubutegetsi bw\u2019Igihugu bwemeza ko ayo masambu ari ayabo.<\/p>\n Iki kibazo cy\u2019amasambu kikaba kijyana n\u2019uburyo n\u2019ayo abaturage bagifiteho uburenganzira bategekwa\u00a0 kuyakoresha. Igihe kirageze ko politiki yose yerekeye ikoreshwa ry\u2019ubutaka ivugururwa, kuko iri mu bitesha inzara abaturage. Igihe cyose abaturage bazahatirwa\u00a0 guhinga\u00a0 ibintu bitagira isoko, inzara izakomeza kuba akarande.<\/p>\n
\n<\/strong><\/p>\n
\n<\/strong><\/p>\n