Gereza ya mpanga ni gereza u Rwanda rwita ko iri ku rwego mpuzamahanga. Ibi bikaba bikwiye kumvikana ko ikwiye no kugira itandukaniro nandi magereza yo mu Rwanda haba mu gufata neza abahafungiwe, gutanga service nziza kubayigana bahafite bamwe bo mu miryango yabo n\u2019ibindi. Ariko umunyamakuru wa Rwanda in Liberation Process wayisuye muri iyi minsi siko yasanze bimeze kuko yasanze byifashe nabi ngo ugeranyije nuko byari byifashe mu mezi abiri ashize nubwo naho bitari shyashya.<\/p>\n
Nyuma yaho muri iyo gereza havugwaga inzara ikabije kuburyo ubuyobozi bwiyo gereza bwari bwafashe gahunda yo kubwira imfugwa ngo zibwire imiryango yazo izigemurire ibyo kurya kuko ngo haryaga umugabo hagasiba undi, ubu noneho abasura abahafungiye barinubira ukuntu ubuyobozi bwiyo gereza busigaye bubashyiraho amananiza mu gusura ababo kuburyo ubu isura risigaye ritangira saa tanu z\u2019amannywa ibyo bikaba intandaro yo kubaha umwanya muto wo kuvugana n\u2019ababo ndetse no guhima imiryango y\u2019abahafungiwe cyane ko abenshi baba baturutse kure cyane kuburyo harimo n\u2019ababa baraye hafi aho kubera guturuka kure. Ibi abahasura ababo bakabibona nk\u2019uburyo bwo kubabuza gusura ababo kuko batumva ukuntu umuntu yagera kuri gereza saa mbiri akriirwa ahicaye kugeza saa tanu bikaniyongeraho ko abacungagereza baho baba barimo kubacunaguza ndetse banabirukana ngo ntibashaka kubabona hafi aho . Ibi byose bikaba bibabangamiye cyane kuko kuri bamwe kubera uko kwirirwa bicajwe kuri gereza bituma bacumbika inshuro ebyiri zose mu nzira kugirango babashe gusura ababo. Ikindi abahasura ababo binubira ni ukuntu basigaye bakirwa mu kavuyo gakabije kubera ko igihe kiba gisigaye ari gito kuburyo zimwe muri service bahaheregwa bamwe bagenda batazibonye.<\/p>\n
Nyuma umunyamakuru wa Rwanda in Liberation Process yabashije kuvugana n\u2019imfungwa zihafungiwe zimubwira ko zo zarangije kwakira bimwe mu bibazo zihahurira nabyo kandi ko zibona nta kindi zarenzaho ngo cyane cyane ko kurenganywa mu Rwanda bisa n\u2019ibisanzwe ;zanamubwiye ko ubu ziri kwakira abandi bafungwa bari kuhazannwa bavuye mu gereza ya za Giratama Gikongoro na Butare ngo zihazanwa kubera gukekwaho kwivumbura ku kibazo cy\u2019ibiryo byo mu nganda ubu bimaze gutikiza abuzima bwa bamwe kubera uburyo ibyo biryo ababiriye bibagiraho ingaruka kuburyo abamaze kuhasiga ubuzima bazira ibyo biryo batagira ingano kandi ubuyobozi bwa gereza bukaba ntacyo bubivugaho kubera imbaraga abatsindiye iryo soko bafite muri leta ya FPR kuburyo kuba ibyo bagemurira izo mfungwa zabirya zikahasiga ubuzima bisa naho nta gaciro bigira. Ikindi izo mfungwa zatangarije umunyamakuru ni ukuntu zibangamiwe n\u2019itegeko rishya rya Gacaca aho bamwe murizo bakatiwe ibihano bitandukanye kandi abitwaga abashinja babo barahakanye ko nta ruhare bigeze bagira muri genocide ariko kubera ko izo nkiko zagenderaga ku mabwiriza yaturutse i Bukuru bakanda bagakatirwa. Ibi ngo bikaba bibabangamiye kuko itegeko rishya rya gacaca ntacyo riteganya ngo nabo barenganurwe kuko bafunze batazi icyo bazira.<\/p>\n
Ikindi izo mfugwa zinubira ni ukuntu umunsi wazo wo gusurwa utubahwa n\u2019ubuyobozi bwa gereza kuko bazindurwa bajyanwa gukoreshwa imirimo inyuranye harimo guhinga ,kwikorera amabuye n\u2019ibindi kuburyo bibangamira isurwa ryabo.<\/p>\n