Mu Rwanda mu mpera z\u2019iki cyumweru hamwe na hamwe mu turere tw\u2019igihugu inzego z\u2019ibanze zigizwe n\u2019abanyamuryango b\u2019ishyaka FPR-Inkotanyi riri ku butegetsi zimaze gutangiza ibiganiro ku ngingo zo kwemeza guhindura itegeko nshinga.<\/p>\n
No muri iyi minsi Radio y\u2019igihugu irumvikanaho amajwi y\u2019abaturage basaba ko itegeko nshinga ryahindurwa kandi ko umuyobozi mukuru w\u2019ishyaka FPR Perezida Paul KAGAME yakongererwa manda yo kuyobora igihugu kugirango akomeze icyerecyezo yatangiye.<\/p>\n
Amakuru aca mu binyamakuru byandikirwa mu Rwanda kuva mu mpera z\u2019iki cyumweru biromo na Radio y\u2019igihugu aravuga ku byifuzo by\u2019uko itegeko nshinga ryahindurwa kandi Perezida Paul KAGAME akongera gutorerwa kuyobora igihugu.<\/p>\n
Kuri iyi ngingo, ureste ibiganiro by\u2019abayoboke b\u2019ishyaka riri ku butegetsi FPR-INKOTANYI bimaze iminsi bikorerwa hamwe na hamwe mu turere, abagize inzego z\u2019ibanze kandi bari muri iryo shyaka baremeza badaciye ku ruhande ko iryo tegeko rikwiye guhindurwa vuba na bwangu.<\/p>\n
Radio y\u2019igihugu yumvikanyeho n\u2019uyu munsi amajwi y\u2019abaturage basaba guhindura itegekonshinga kandi n\u2019umukuru w\u2019igihugu Paul KAGAME akongererwa igihe cyo kuyobora binyuze mu guhindurav itegeko ryongera manda.<\/p>\n
Mu bitekerezo batanga, bisa nk\u2019aho banasubiza babeshyuza amakuru ku bakunze kuvuga ko hari uwaba ababwira gutangaza ko ibi ari ibyo babwirwa.<\/p>\n
Cyakora benshi mu bamaze kugira ibiganiro mu buryo bw\u2019ibyifuzo kandi byemeza ko itegeko nshinga rikwiye guhinduka kandi na Perezida KAGAME akazemera gutorerwa indi manda barimo abo mu nzego z\u2019ibanze bo mw\u2019ishyaka RPF riri ku butegetsi.<\/p>\n
Abo bose baravuga ko ntawundi babona ukwiye kandi ushoboye kuyobora no gukomeza icyerecyezo cy\u2019iterambere u Rwanda rurimo kandi cyanatangijwe na Perezida KAGAME.<\/p>\n
Ibi biravugwa mu gihe manda ya Perezida Paul Kagame ishigaje hafi imyaka ibiri gusa.<\/p>\n
Cyakora bisa nk\u2019aho aribwo inzego z\u2019ibanze zibigizeho ibiganiro mu buryo bweruye kandi bwemeza ko bikwiye gukorwa zidashidikanya .<\/p>\n