Ambasaderi wa Leta Zunze Ubumwe za Amerika ushinzwe Ubutabera Mpuzamahanga Mpanabyaha, Stephen Rapp yasuye inkambi ya Nkamira. Iyi nkambi ni yo yakira impunzi z\u2019Abanyekongo bakomeje guhunga imirwano ibera muri Kivu y\u2019Amajyaruguru mbere y\u2019uko bajyanwa mu nkambi ya Kigeme iri mu karere ka Nyamagabe.<\/p>\n
Stepthen Rapp yasuye impunzi zitegereje kwimurwa ziri mu nkambi ya Nkamira kugira ngo yumve ubuhamya bwazo ku bijyanye n\u2019icyabateye guhunga ndetse n\u2019uburyo baba barahohotewe.<\/p>\n
Mu kiganiro yagiranye n\u2019abahagarariye impunzi mu nkambi ya Nkamira, bamugaragarije ko bifuza ko Umuryango Mpuzamahanga wagira uruhare mu kugarura umutekano muri Kivu y\u2019Amajyaruguru, aho baturutse kuko ngo bifuza gusubira iwabo mu gihe cya vuba.<\/p>\n
Ibitangazamakuru byo mu Rwanda byavuze ko ngo Ambasaderi Rapp yavuze ko ngo atigeze asaba ko Abayobozi bakuru b\u2019u Rwanda bashyikirizwa ubutabera bitewe n\u2019ibibazo by\u2019intambara zikomeje kubera muri Kivu y\u2019Amajyaruguru muri Repubulika Iharanira Demokarasi ya Kongo. Ngo Mu magambo ye Rapp yagize ati \u00ab Ndagira ngo nshimangire ko ntigeze nsaba ko hari umuntu ushyikirizwa ubutabera cyangwa ko hakorwa iperereza iryo ari ryo ryose ku Rwanda. Icyo navuze ni uko gufasha imitwe yose ikora ibyaha byibasira inyoko muntu ari icyaha gikomeye. Icyo gihe natanze urugero kuri Charles Taylor wahoze ari Perezida wa Liberiya, mvuga ko mu gihe cye hari ibimenyetso bifatika bigaragaza ko inyeshyamba muri Sierra Leone zabonaga inkunga iturutse hanze. Ndagira ngo kandi nshimangire ko ibikorwa nk\u2019ibyo nta biragaragara mu ntambara zibera muri Kongo<\/em>\u00bb.<\/p>\n Ariko mu makuru yatangajwe na BBC Gahuza Miryango, Ambassadeur Rapp yavuze ko amaganbo yanditswe muri The Guardian ari aye, ko ibyo Radio Rwanda ndetse n’ibinyamakuru byo mu Rwanda byanditse bivuga ko icyo kinyamakuru cyamubeshyeye atari byo, ahatariho gusa ngo ni umutwe w’inyandiko ya The Guardian ariyo itari ihuye n’ibyo yavuze kuko nta muyobozi w’u Rwanda n’umwe yavuze mu izina ariko ngo amagambo ari muri iriya nyandiko ni aye, ahamya ashikamye ko Leta y’u Rwanda iha inkunga inyeshyamba za M23 ngo leta y’Amerika ibifitiye ibimenyetso biruta ibyatanzwe n’impuguke z’umuryango w’abibumbye. Ko Leta y’u Rwanda nidahagarika iyo nkunga ishobora gufatirwa ibyemezo bikomeye. (umwa hasi uko BBC Gahuza miryango yabivuze) \n