![\"Imbwa](\"http:\/\/www.therwandan.com\/ki\/wp-content\/uploads\/sites\/3\/2015\/03\/jabo1.jpg\")
<\/a>Mu ntangiriro z\u2019ukwezi kwa mbere muri uyu mwaka wa 2015 nibwo\u00a0 mu Rwanda intara y\u2019iburengerazuba, hateguwe igikorwa cyari kigamije kwibasira bamwe mu bayobozi bo mu rwego rw\u2019abahutu bari mu nzego z\u2019uturere. Iki gikorwa kiswe operation Jabo kuko cyari kiyobowe na JABO Paul, uyu akaba ari umututsi w\u2019umugogwe RPF yahaye umwanya w\u2019Umunyamabanga Nshingwabikorwa w\u2019intara y\u2019iburengerazuba, umwanya yakoresheje cyane mu kwibasira abahutu bari mu buyobozi bw\u2019akarere. Ababyibuka muzi uko yibasiye abahutu batatu bari Abanyamabanaga Nshingwabikorwa b\u2019uturere twa Nyamasheke, Rusizi na Nyabihu aho yagiye akora operation zibirukanisha zinabafungisha uretse ko bagiye bagakurwamo n\u2019inkiko nyuma yo kwisobanura no kugaragaza akarengane kabo.<\/p>\n
Iyi operation Jabo\u00a0 iherutse\u00a0 yakozwe yitwa ngo ni \u201cubugenzuzi bugamije kureba uko ubwisungane mu kwivuza buhagaze mu turere\u201d.<\/p>\n
Mu turere tugize intara y\u2019uburengerazuba twagenzuwe, byagaragaje ko uturere twa Karongi, Nyamasheke na Rusizi\u00a0 twazamuye cyane imibare y\u2019abaturage bitabiriye gutanga imisanzu\u00a0 y\u2019ubwisungane mu kwivuza. Ibi byo kuzamura ibipimo ku byakozwe nibyo mu Rwanda bita gutekinika.<\/p>\n
Kuki abategetsi bakorera Leta iyobowe na FPR batekinika ?<\/b><\/p>\n
Mbere yo kureba icyari kigenderewe muri iki gikorwa reka tubanze dusobanure neza icyo bita gutekinika. Nk\u2019uko bisanzwe bigenda mu mikorere ya FPR gutekinika ni uburiganya bukorwa bugamije guhisha intege nke z\u2019ubutegetsi kuva mu nzego z\u2019ibanze kugera mu nzego nkuru z\u2019igihugu<\/i><\/b>. Ibi byo kubeshya muri raporo zitangwa cyane cyane kuzamura imibare y\u2019ibyagezweho akaba ariyo mvugo imenyerewe muri FPR bita gutekinika.<\/p>\n
Nkuko bimaze kuba umuco\u00a0 mu butegetsi bwa FPR, ikinyoma cyahawe intebe uretse kubeshya amahanga inzego za RPF n\u2019ubuyobozi bw\u2019igihugu nabo ubwabo barabeshyana cyangwa baribeshya ubwabo.<\/p>\n
Abayobozi b\u2019uturere iyo bategura imihigo bazasinyana na Kagame babanza kuyereka intumwa ze aba yasizeho. Izi ntumwa rero nizo ziha abayobozi b\u2019uturere uburenganzira bwo kuzajya guhiga cyangwa guhigura imbere ya Kagame. Buri gihe rero, iyo bari gutegura,\u00a0 abayobozi b\u2019uturere bandika ibyo bumva bazageraho bakurikije ubushobozi bw\u2019abaturage dore ko babana nabo kandi bazi neza ko umubare munini w\u2019abaturage\u00a0 wugarijwe n\u2019ubukene bukabije.<\/p>\n
Mu itegurwa ry\u2019imihigo, iyo abayobozi b\u2019abagererwa beretse izo ntumwa za Kagame ibyo biyemeje kuzageraho, izi ntumwa zibasaba kubihindura bagashyiraho ibirenze ubushobozi bwabo ngo kuko Kagame yabamerera nabi baramutse\u00a0 bamugejeje iyo mibare imbere. Ibi biterwa nuko abayobozi bukuru ba FPR baba baramaze kubwira amahanga ko u Rwanda rwabaye paradizo. Ibi FPR ibikora kuko igihe bahiga banahigura iba yatumije itangazamakuru nabahagarariye ayo mahanga maze abayobozi b\u2019uturere bakabeshya ibyo bose baziranyeho.<\/p>\n
Iyo Gutenikika bimenyekanye biba icyaha kuri nde? <\/b><\/p>\n
Iyi mikorere yo gutekinika imenyerewe mu bategetsi bo mu Rwanda kuko bayitojwe uhereye\u00a0 igihe FRP yafataga ubutegetsi mu Rwanda. Iyi mikorere kandi ikorwa mu nzego zose z\u2019ubutegetsi\u00a0 haba mu buzima, mu bukungu mu icungamutungo, mu burezi, ariko cyane cyane\u00a0 mu matora. Ikibabaje rero n\u2019uko bitangiye kuba intandaro yo gushyira mu gihome abahutu bari barashyizwe mu myanya nkuko tubibona mu rugero ruherutse rw\u2019ifungwa rya NZEYIMANA Oscar wari Umuyobozi w\u2019Akarere ka Rusizi mu ntara y\u2019Iburengerazuba.<\/p>\n
Muri\u00a0 operation Jabo twavuze haruguru, byagaragaye ko mu by\u2019ukuri nta muntu wanyereje amafaranga y\u2019ubwisungane mu kwivuza nk\u2019uko byabanje kuvugwa. Impamvu bimeze bityo ni uko\u00a0 ntayakiriwe kuko abaturage ntayo bigeze batanga ahubwo abayobozi bagiye bongera iyi mibare kugirango bashimishe ba shebuja nkuko bimenyerewe. Iki si cyo kibazo kituzinduye gusobanura, ahubwo ibibazo twibaza ni ibi bikurikira:<\/p>\n
- \n
- Kuki gutekinika imibare y\u2019ubwisungane mu kwivuza byabaye icyaha gifungirwa kuri NZEYIMANA Oscrar, ntikibe icyaha kuri HABYARIMANA Jean Baptiste cyangwa kuri KAYUMBA Bernard kandi bose bari ku rwego rumwe rw\u2019Abayobozi b\u2019Uturere?<\/li>\n
- Kuki se kiba icyaha gifungirwa kuri BAYIHIKI Basil, ntikibe icyaha kuri GATETE Catherine no kuri ISIMBI Dative kandi bose ari\u00a0 abayobozi b\u2019uturere bungirije bashinzwe imibereho myiza y\u2019abaturage mu turere ari nabo bafite mu nshingano zabo ubwisungane mu kwivuza?<\/li>\n<\/ol>\n
Igisubizo kuri ibi bibazo byombi turabisanga mu cyari kigenderewe mu byukuri muri iyi operation Jabo.<\/p>\n
Mubyukuri se operation Jabo yari igamije iki?<\/b><\/p>\n
Muri rusange uturere twose dukora kimwe no gutekinika bikorwa kimwe. Iyi operation Jabo irangiye NZEYIMANA Oscar\u00a0\u00a0 na BAYIHIKI Basil bahise ko bafungwa bivugwa ngo banyereje amafaranga y\u2019Ubwisungane mu kwivuza.\u00a0 Bamaze kwisobanura byagaragaye ko nta mafaranga banyereje kuko ntaho bahurira nayo kuko ntayo bakiriye. Ariko kubera ko umugambi wo gufungwa wari wararangiye gutegurwa, kandi\u00a0 kubera ikimwaro byari gutera abapanze iyi operation bahisemo guhindura baravuga bati bakoresheje impapuro mpimbano mu gutanga raporo zibeshya.<\/p>\n
Kuva icyo gihe byatangiye gusakuza ko habaye ivangura mu gukurikrana ayo makosa kuko bafunze bamwe abandi bakabareka. Muri ya mayeri yo gutekinika n\u2019ubundi no guhuma rubanda amaso, ni bwo umuyobozi w\u2019akarere ka Nyamasheke HABYARIMANA Jean Baptiste n\u2019uwa\u00a0 Karongi\u00a0 na\u00a0 KAYUMBA Bernard nabo basabwe kwegura\u00a0 barataha ariko bikomejwe guhwihwiswa ko uwa Rusizi yarenganijwe kubera inkomoko ye, izo mfura zombi HABYARIMANA Jean Baptiste\u00a0\u00a0 na\u00a0 KAYUMBA Bernard\u00a0 bacumbikirwa gato kuri polisi kugirango Nzeyimana abanze akanirwe urumukwiye, kandi koko amaze kwinjizwa mu gihome, izo mfura zombi zaritahiye ngo basanze ibyo bakurikiranyweho atari\u00a0 ibyatuma bafungwa.<\/p>\n
![\"Uhereye](\"http:\/\/www.therwandan.com\/ki\/wp-content\/uploads\/sites\/3\/2015\/03\/abayobozi-b-uturere-twa-karongi-na-nyamasheke-bamaze-kwegura_54ae32c8d0777_l643_h643.jpg\")
<\/a>Uhereye ibumoso: Habyarimana Jean Baptiste wari Meya w’Akarere ka Nyamasheke, Kayumba Bernard wari Meya wa Karongi gutekinika kuribo si icyaha cyabafungisha kuko ari abatutsi<\/figcaption><\/figure>\n Icyongeye kubabaza abantu, ni uburyo\u00a0 NZEYIMANA Oscar\u00a0 yumviye mu gihome ko bagenzi be bitahiye nawe atangira gusamba ngo arajurira yibwira ko yarekurwa. Ubanza\u00a0 yari yibwiye ko ukwezi kumwe amaze mu gihome kumukuyeho inkomoko ye. Icyo gihe yasekeje imikara ngo arajuriye,\u00a0 yongeraho n\u2019ijambo ry\u2019igisekeramwanzi ngo ararwaye yibwira ko FPR yamukura kuri iyo\u00a0 ngoyi. Urukiko rukuru narwo ruti icyemezo cyafashwe ntigikuka guma ku ngoyi wandikiwe nk\u2019ifunguro ryaturutse ibikuru rigomba kugutunga muri iyi minsi.<\/p>\n
Iki kigereranyo dukoze hagati ya NZEYIMANA Oscar, HABYARIMANA Jean Baptiste na KAYUMBA Bernard gisa neza n\u2019ibyabaye kuri BAYIHIKI Basil wari umuyobozi wungirije w\u2019akarere ka Rusizi\u00a0 akaba n\u2019umuhutu ubu nawe uri mu gihome azira imibare y\u2019abitabiriye kujya mu bwisungane mu kwivuza. Mu gihe nyamara bagenzi be bahuje imirimo n\u2019amakosa avugwa ko bakoze, aribo\u00a0 GATETE Catherine wa Nyamasheke na\u00a0 ISIMBI Dative wa Karongi bigaramiye mu mirimo yabo ntan\u2019ubatunga urutoki kuko ari abatutsikazi.<\/p>\n
![\"Bayihiki](\"http:\/\/www.therwandan.com\/ki\/wp-content\/uploads\/sites\/3\/2015\/03\/bayihiki.jpg\")
<\/a>Bayihiki Basil wahoze ari Umuyobozi w\u2019Akarere wungirije\/Rusizi<\/figcaption><\/figure>\n Uyu wahoze ari Honorable yasobanukiwe neza ko gutekinika bigira ingaruka ku bahutu amaze kugera mu gihome. Mbere yirirwaga abitoza abandi mu gihe cyo gutora FPR ubwo yari mu nteko, none yiyibagije uwo ariwe yiha\u00a0 kwigana GATETE Catherine wa Nyamasheke na ISIMBI Dative wa Karongi mu gutekinika imibare y\u2019ubwisungane mu kwivuza yibwira ngo ni bagenzi be yisanga mu gihome abandi bigaramiye.<\/p>\n
Amakuru twakurikiranye tukayamenya neza aravuga ko aba bagore bombi uretse kuba ari abatutsikazi bongeyeho no gutanga ku bitsina byabo bigumira mu kazi dore ko abo bapanze operation ngo nacyo batagisiga inyuma.<\/p>\n
Bivugwako ngo operation Jabo nyacyo yabatwaye kubera ubudahangarwa bw\u2019uburyo bubiri bafite : ubututsikazi no gutanga ruswa y\u2019igitsina.<\/p>\n
![\"Ibumoso](\"http:\/\/www.therwandan.com\/ki\/wp-content\/uploads\/sites\/3\/2015\/03\/images1.jpg\")
<\/a>Ibumoso ni Isimbi Dative n\u2019aho uburyo ni Gatete Catherine. Ni abayobozi bungirije mu turere twa Karongi na Nyamasheke.<\/figcaption><\/figure>\n Aya makuru yose tuvuze hejuru aha arasubiza ikibazo twibajije ku cyari kigenderewe muri iyi operation. Nta kindi rero uretse gushaka kwikiza abayobozi b\u2019uturere b\u2019abahutu bagashyirwa mu gihome.<\/p>\n
Reka dusoze twibaza tuti: Ese abahutu bari muri ubu buyobozi bwa FRP ibyo gutekinika ko bihindutse icyaha kuri bo,\u00a0 kandi bakaba barabikoze bubahiriza amabwiriza ya bashebuja kugira ngo baramuke noneho umucunguzi wabo arava he koko? Ngiyo inyiturano ya FRP ku muhutu wayikoreye ibyo yifuza iyo imaze kumurambirwa. Reka tubitege amaso dutegereze turebe aho uyu mukino urangirira.<\/p>\n
<\/p>\n