{"id":9737,"date":"2015-03-03T13:04:03","date_gmt":"2015-03-03T10:34:03","guid":{"rendered":"http:\/\/www.therwandan.com\/ki\/?p=9737"},"modified":"2015-04-11T15:57:33","modified_gmt":"2015-04-11T13:27:33","slug":"iriya-ntebe-perezida-kagame-yicayeho-rwigara-yagize-uruhare-rukomeye-mu-gutuma-ayigeraho-ben-rutabana","status":"publish","type":"post","link":"https:\/\/www.therwandan.com\/ki\/iriya-ntebe-perezida-kagame-yicayeho-rwigara-yagize-uruhare-rukomeye-mu-gutuma-ayigeraho-ben-rutabana\/","title":{"rendered":"\u00ab Iriya ntebe Perezida Kagame yicayeho, Rwigara yagize uruhare rukomeye mu gutuma ayigeraho \u00bb: Ben Rutabana"},"content":{"rendered":"

\u00ab Amaribori y\u2019urwango ni urumeza \u00bb<\/strong><\/p>\n

Ku cyumweru tariki ya 01 Werurwe 2015 nyuma ya saa sita, Abanyarwanda bagera kuri 200, baturutse mu bihugu bitandukanye byo ku mugabane w\u2019u Burayi, bitabiriye igitambo cya misa cyo gusabira nyakwigendera RWIGARA Assinapol, witabye Imana ku wa 04 Gashyantare 2015, aguye i Kigali.<\/p>\n

Mu nyigisho ze, Padiri Bugingo wari uyoboye iki gitambo, yibanze cyane ku rukundo ruhebuje Imana ikunda abantu bose. Asaba abari bateraniye aho kugira urwo urukundo rukunda bose, bakirinda urwango. Yavuze ko RWIGARA yarangwaga n\u2019urwo rukundo kandi agahorana inseko (le sourire).<\/p>\n

Padiri yibukije umugani nyakwigendera Rwigara yigeze gucira abanyeshuri mu mwaka w\u20191987. Icyo gihe ngo yaje kuramutsa Padiri mu iseminari ku Nyundo, amusangana n\u2019abanyeshuri barimo kuganira ku rukundo. Padiri ashaka gusubika ibyo yari arimo, undi ati \u00ab oya, ahubwo nyemerera nanjye ntege amatwi<\/em><\/strong>\u00bb. Padiri aremera ; nuko ngo mu gusoza Rwigara, asaba abo banyeshuri kwirinda urwango kuko nta cyiza rugira, ati \u00ab amaribori y\u2019urwango ni urumeza<\/strong> <\/em>\u00bb.<\/p>\n

Padiri yasabye abaje gusabira nyakwigendera Rwigara, kugera ikirenge mu cye kandi bakirinda kumukurikiza amarira, ahubwo bagakomeza kumutaramira mu rukundo kandi bafite inseko kuko aribyo byamuranze mu buzima bwe ku isi. Misa ihumuje, Padiri yahise ataha kuko yari afite izindi nshingano zihutirwa.<\/p>\n

\u00ab Rwigara Assinapol yarishwe, yicwa na Perezida Pawulo Kagame amuziza imitungo ye\u2026 \u00bb<\/em><\/strong>. Jason Muhayimana.<\/p>\n

Nyuma ya misa, umuryango wa Rwigara Assinapol utuye mu Bubiligi, wakiriye abawutabaye, bakomeza kuganira ku buzima bwa nyakwigendera no ku rupfu rwe.<\/p>\n

Mu ijambo rye, Muhayimana Jason, yavuze ko muramu we atazize impanuka nk\u2019uko byanditswe mu binyamakuru byo mu Rwanda. Ati \u00ab Rwigara Assinapol yarishwe, yicwa na Perezida Pawulo Kagame, amuziza imitungo ye kandi n\u2019uyu munsi mwakumva yivuganye umugore we n\u2019abana kuko akomeje kubatoteza\u00bb<\/em><\/strong>.<\/p>\n

Yibukije mu magambo make ubuzima bwa Rwigara, avuga ko yakundaga cyane gucuruza kandi ko usibye kuba muramu we, yari inshuti ye ikomeye. Yashoje ijambo rye asaba abari aho kumufasha kuririmba bishimye indirimbo y\u2019Imana ivuga ngo Yobu ntiyaretse Imana ye\u00a0<\/a><\/p>\n

Hakurikiyeho ijambo rya Ben Rutabana, wasobanuye mu magambo arambuye uko iyicwa rya muramu we ryakozwe :<\/p>\n

-uburyo nyakwigendera yari amaze iminsi atotezwa kubera imitungo ye na Rushema na Mugisha (abakozi ba DMI),<\/p>\n

-uko yahamagawe kuri telefoni, uko yaguye mu gico akicwa ariko ntahwane,<\/p>\n

-uko abishi be bakoze ikinamico ry\u2019impanuka ariko bakarikora nabi igikamyo kikagonga uruhande rw\u2019imodoka Rwigara atari yicayeho,<\/p>\n

-uko muryango wamenyeshejwe ko Rwigara akoze impanuka ugahita uhurura na \u00ab ambulance priv\u00e9e \u00bb ngo bamwihutane kwa muganga,<\/p>\n

-uko abapolisi bawangiye kwegera aho nyakwigendera yari ari,<\/p>\n

-uko umwana we yasibanye akabasha gukora kuri se akumva agihumeka ariko abapolisi bakamubambira bakamusubiza inyuma,<\/p>\n

-uko aba bapolisi bahise batwikira nyakwigendera ataranogoka bakamushyira mu modoka yabo bakamujyana atarahwera,<\/p>\n

-uko bamuteraguye ibyuma ku gikanu byamwishe,\u2026.<\/p>\n

Rutabana yavuze ko kuva mu bwana bwe, yakundaga cyane Rwigara ngo kuko kuri we, yamurutiraga abantu bose, ngo \u00ab c’\u00e9tait son idole \u00bb.\u00a0Ngo afite imyaka umunani cg icyenda gusa, nibwo yamuhimbiye indirimbo amugaragariza urukundo yari amufitiye. Ngo yumvaga nta wundi muntu wamugiraho ijambo uretse we.<\/p>\n

Yagarutse cyane ku rukundo rutavangura Rwigara yakundaga abantu bose hamwe n\u2019igihugu cye, ku kuntu yafashaga abantu bose atavanguye, ukuntu yitangiye bikomeye urugamba rwa FPR-Inkotanyi. Ati \u00ab iriya ntebe Perezida Kagame yicayeho, Rwigara yagize uruhare rukomeye mu gutuma ayigeraho \u00bb<\/em>.<\/p>\n

Mu gusoza, Rutabana yavuze ko u Rwanda rukeneye Abanyarwanda bahagarara mu cyuho, bakabuza Perezida Kagame gukomeza kwica inzirakarengane, agamije kurema ubwami bwe butarangwamo umuntu wese utavuga rumwe nawe. Aha yibukije uburyo Perezida Kagame yagiye yivugana mu bihe bitandukanye abantu bose batumva ibintu kimwe, ahareye ku basirikare bakuru bagenzi be no kubasivili bakoranye. Yavuze ko byinshi yabyanditse mu gitabo cye.<\/p>\n

Rutabana kandi yacurangiye abari aho, abaririmbira indirimbo nyinshi zirimo izo benshi bakunda nka \u00ab Mana y\u2019i Rwanda wagiye he ? \u00bb n\u2019 \u00ab Imbaraga z\u2019urukundo \u00bb. Yashoje avuga ati \u00ab n\u2019iyo uyu mutwe wanjye ejo bawutema, uzatembagara usabira u Rwanda n\u2019abarutuye, urukundo n\u2019amahoro<\/em> \u00bb<\/strong>.<\/p>\n

Bamwe mu bari aho nabo batanze ubuhamya, bagaruka ku rukundo rutavangura Rwigara yagiraga, ku neza yabagiriye no kurupfu rwe. Icyagaragariye buri wese muri uyu muhango, ni uko Rwigara yari umuntu mwiza, wafashije abantu bose atitaye ku ivangura iryo ariryo ryose, wari ufite urukundo ruzira umupaka.<\/p>\n

Ibi kandi byaragaragaye mu gitambo cyo kumasabira : Abatutsi n\u2019Abahutu baturutse imihanda yose : muri Belgique, France, Hollande, Suisse, Norv\u00e8ge, Grande Bretagne, Allemagne n\u2019ahandi.<\/p>\n

Bavandimwe duhuriye kuri Ibuka-l,<\/p>\n

Nifuje kubagezaho mu magambo arambuye uko umunsi wo gusabira nyakwigendera RWIGARA Assinapol wagenze kuko numva nabyo ari uburyo bwiza bwo kumwibuka no gufata mu mugongo umuryango we. Hari abo tubana kuri Ibuka-l, twahahuriye. Nibabishaka baranyuzuza.<\/p>\n

Gusa icyo nifuza cyane, ni ugusaba buri wese gutekereza by\u2019umwihariko ku cyakorwa kugira ngo ubwicanyi nk\u2019ubu bwakorewe Rwigara n\u2019abandi bamubanjirije bucike burundu mu Rwanda. Abishi ba bamwe, ntibakwiye kuba intwari z\u2019abandi. Umwicanyi ntagira ubwoko. Rushema na Mugisha bavugwa mu iyicwa rya nyakwigendera Rwigara ni abakozi ba Nziza.\u00a0Uyu nawe ni umukozi wa Perezida Kagame. Aba bose bamaze kwivugana no kumenesha Abanyarwanda batabarika barimo n\u2019abacitse ku icumu.<\/p>\n

Nyamara ugira utya, ukabona Jack Nziza agaragiwe n\u2019abayobozi ba Ibuka n\u2019abasore n\u2019inkumi ba GAERG, ngo bagiye kwibuka imiryango yazimye iyo za Busogo, ngo bagiye gusura abapfakazi b\u2019i Nyamasheke n\u2019ahandi.<\/p>\n

Nitwange kugaragirwa n\u2019abicanyi, ejo tutazitwa abafatanyabikorwa babo. Nimureke dufatanye kugira uruhare mu guca ubwicanyi mu Rwanda kuko turi abahamya b\u2019uko ingoma z\u2019amaraso zihirima. Buri wese nashyireho ake.<\/p>\n

Mbatuye iki gitekerezo cya \u201cColibri\u201d<\/a><\/p>\n

Un jour
\ndit une vieille l\u00e9gende am\u00e9rindienne,
\nil y eut un immense incendie de for\u00eat
\nTous les animaux, terrifi\u00e9s,
\natterr\u00e9s,
\nobservaient impuissants le d\u00e9sastre
\nSeul le petit colibri s’activait,
\nallant chercher quelques gouttes d’eau avec son bec
\npour les jeter sur le feu
\nApr\u00e8s un moment,
\nle toucan,
\nagac\u00e9 par cette agitation d\u00e9risoire, lui dit :
\n\u00abColibri ! N’es-tu pas fou ?
\nCrois-tu que c’est avec ces gouttes d’eau
\nque tu vas \u00e9teindre le feu !\u00bb
\nEt le colibri lui r\u00e9pondit :
\n\u00abNon, mais je fais ma part\u00bb
\n<\/a><\/p>\n

Imana ibarinde kandi ikomeze cyane Umuryango wa nyakwigendera Rwigara Assinapol.<\/p>\n

 <\/p>\n

\"kabalisa-pacifique\"<\/a><\/p>\n

Pacifique KABALISA<\/strong><\/p>\n\n

\n\t\n\t\n\t\n\t\n\t\n\t\n\t\n\t\n\t