Abanyarwanda bagize bati \u201cagatinze kazaza ni amenyo ya ruguru\u201d. Nk\u2019uko inkuru zirirwa zicicikana, abanyarwanda baribaza niba perezida Kagame ari we uzakomeza kuyobora igihugu nyuma y\u2019umwaka w\u20192017 cyangwa niba hazajyaho undi.<\/p>\n
Nk\u2019uko Itegeko-nshinga ribiteganya, ubundi ntabwo perezida Kagame yakagombye kongera kwiyamamariza kuyobora u Rwanda, kuko iryo tegeko rikuru rivuga ko perezida atagomba gutorwa incuro zirenze ebyiri.<\/p>\n
Ubwo buryo buteganywa n\u2019Itegeko-nshinga ni bwiza kuko butuma nta muperezida wumva\u00a0 ko ari\u00a0 kamara cyangwa se ngo n\u2019abaturage babeshywe cyangwa bishyire mu mitwe \u00a0ko nta wundi washobora kubayobora, kuko baba baramenyereye kuyoborwa n\u2019umuntu umwe.<\/p>\n
Gushyiraho rero igihe ntarengwa perezida w\u2019u Rwanda agomba kumara ku butegetsi ni ngombwa. Ibyo bizarinda imvururu zaterwa ni uko habaho umuperezida washaka gutsimbarara ku butegetsi kandi hariho n\u2019abandi babwifuza.<\/p>\n
Abategetsi n\u2019abanyarwanda bagomba gutegura impinduka?<\/b><\/p>\n
Nta gushidikanya, Umuperezida uwo ari we wese wajya ku butegetsi, nta cyo bimaze ko yashaka kubutsimbararaho, kabone n\u2019iyo abaturage baba bavuga ko babyifuza, bavugisha ukuri cyangwa se bamubeshya.<\/p>\n
Umuperezida watsimbarara ku butegetsi, amaherezo aba azabuvanwaho ku ngufu, ibyo bigatuma habaho no kumena amaraso. Ni bibi rwose. Nyamara kandi kurangiza igihe cyagenwe ugasezera, bitanga amahoro kuri buri wese, haba perezida ucyuye igihe ndetse n\u2019abaturage. Perezida cyuye igihe mu mahoro arubahwa kandi akagira uruhari mu buzima busanzwe bw\u2019igihugu.<\/p>\n
Umuperezida rero washaka gutsimbarara ku butegetsi ni nko kwiyahura. Abaturage nabo iyo badashishoje ngo basabe impinduka mu mahoro, amaherezo ingaruka zibageraho, nk\u2019uko twabibonye mu myaka yashize.<\/p>\n
Umwanzuro<\/b>:<\/p>\n
Muri iyi myaka ibiri iri imbere abanyarwanda (abaturage n\u2019abayobora) bitegura impinduka, ni byiza ko bashishoza, kugira ngo mu bihe bizaza batazavuga ngo iyo tuba twarabimenye! Cyangwa se ngo biradutunguye!<\/p>\n
Nanone ariko nta wakwirengagiza ko abanyarwanda bagira ubwoba bw\u2019ubutegetsi bushya, kuko baba batazi iyo buzabaganisha. Ibyo bikaba byabatera rimwe na rimwe gushaka\u00a0 kugumana ubutegetsi buriho, kabone n\u2019iyo na bwo bwaba ari bubi cyane.<\/p>\n
Inzira rero iracyari ndende, ariko ni byiza gutangira hakiri kare, abahagarariye abanyarwanda b\u2019ingeri zose bagahura, yemwe ndetse n\u2019abitwa ko badashyigikiye ubutegetsi buriho.\u00a0 Ni uko hakazaboneka umuperezida wumvukanyweho n\u2019abanyarwanda. Ibyo bizaba bibaye igikorwa gikomeye, kizatuma habaho amahoro arambye, ashingiye ku isangira ry\u2019igihugu hagati y\u2019abanyarwanda bose, nta n\u2019umwe uhejwe.<\/p>\n
Bitabaye ibyo, abanyarwanda bazaba biyemeje guhora bahigahigana, bityo bazarage abana ubwoba n\u2019urwango aho kubaraga amahoro, ubwubahane n\u2019ubwisanzure.<\/p>\n
Faustin Kabanza<\/strong><\/p>\n","protected":false},"excerpt":{"rendered":" Abanyarwanda bagize bati \u201cagatinze kazaza ni amenyo ya ruguru\u201d. Nk\u2019uko inkuru zirirwa zicicikana, abanyarwanda baribaza niba perezida Kagame ari we uzakomeza kuyobora igihugu nyuma y\u2019umwaka w\u20192017 cyangwa niba hazajyaho undi.<\/p>\n","protected":false},"author":4,"featured_media":8880,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-9897","post","type-post","status-publish","format-standard","has-post-thumbnail","hentry","category-politiki"],"yoast_head":"\n