Ku wa Gatandatu, tariki ya 17 Gashyantare 2024, ahagana saa munani z’ijoro ku isaha y’i Goma, habaye igitero cy’indege zitagira abapilote (drones) ku kibuga cy’indege mpuzamahanga cya Goma, giherereye mu ntara ya Nord-Kivu, muri Repubulika Iharanira Demokarasi ya Congo.
Nk’uko byatangajwe na Lieutenant-colonel Guillaume Ndjike Kaiko, umuvugizi w’ingabo za Congo muri ako karere, mu butumwa bwanyujijwe kuri video yashyizwe kuri X, yavuze ko indege zitagira abapilote zavuye mu Rwanda zikaba zibasiye akarere k’ikibuga cy’indege. Iki gitero ngo ntabwo cyibasiye indege za gisirikare, ahubwo cyangije indege z’abasivili.
Le porte parole des #FARDC @GuillaumeNdjike a déclaré que les drones venus du #Rwanda ont attaqué l'aéroport de #Goma dans la nuit de vendredi à samedi #M23_RDF https://t.co/2keMFY1iKL pic.twitter.com/A9xsJBUqF0
— The Rwandan (@therwandaeditor) February 17, 2024
Hari andi makuru yatanzwe na Marc Hoogsteyns, umunyamakuru w’umubiligi uzwiho kugirana isano ya hafi n’inzego z’ubutasi z’U Rwanda ndetse akagaragaza kuvugira ubutegetsi bwa KIgali nta rutangira. Yashyize ku rukuta rwe rwa X avuga ko biriya bitero byari ibisasu bya mortier 81 mm, byari byahambiriwe kuri drones zisanzwe za gisivili, bikaba byaraguye ku kibuga cy’indege cya Goma bikangiza indege yo mu bwoko bwa Sukhoi.
Update Goma:
Last night two mortars 81 mm that were strapped to commercial drones were dropped on Goma airport. One Sukhoi was damaged at its reservoir. Several sources confirm this and we are following up. This was a precision strike.— #marchoogsteyns (@MarcHoogsteyns) February 17, 2024
