Abafite ubumenyi buhambaye mu by’ubukungu n’iterambere nimudusobanurire

Boniface Twagilimana, Visi Perezida wa mbere wa FDU-Inkingi

Abafite ubumenyi buhambaye mu by’ubukungu n’iterambere ntimwadusobanurira uburyo ubu tubwirwa ko ubukungu buri gutera imbere cyane mu Rwanda nyamara:

– Ubukene bugaragarira amaso mu bice byose by’igihugu,

-Abenshi mu banyarwanda barwanira gushyirwa mu byiciro by’abatishoboye kandi koko wareba imibereho yabo ugasanga ntaho babeshya,

-Ubushomeri burushaho gutumbagira,

-Inzara itavana mu ruge Nzaramba,

-Ibiciro by’ibiribwa bikomeza kuzamuka,

– Ifaranga ry’uRwanda rikomeje guta agaciro,

-Kwishyura inguzanyo zatswe amabanki bigoranye kuburyo ubu cyamunara hirya no hino zivuza ubuhuha,

-Ibikorwa remezo birimo amazi n’amashanyarazi,imihanda… bikiri bike cyane nibihari hamwe bikaba ari imboneka rimwe kandi bihenze cyane….

Hejuru yibi byose n’ibindi ntarondoye ubu turizezwa ko mu myaka 13 iri mbere nta munyarwanda numwe wo kubara inkuru uzaba ukiri umukene daaa!

Ejo nibwo numvaga na ba badepite n’abasenateri barimo babaza minisitiri Kaboneka n’abandi bashinzwe iby’ubuhinzi bavuga bati “ko ibintu muza mukatubwira hano ko rwose ibintu bimeze neza ndetse rwose ko ari munange ko twe iyo tugiye kuri field(iyo hasi mu baturage) tuhasanga ibitandukanye nibyo mutubwira hano?”

Aha umuntu yakwibaza ati”ninde ubeshya undi ?Ni abayobozi babeshya inteko? Inteko niyo yibeshya cg nayo iba yigiza nkana?

Boniface Twagilimana

Loading...

LEAVE A REPLY