Kabarebe na Muganga, mujye mwambarira ururimi kurusha uko mwambarira ikibuno! Byari ngombwa kwibutsa abantu ko perezida wanyu yarwaye igwingira ari umwana? Indisipulini gusa!!!
Inkuru iriho ni uko Nyamvumba ngo yatambitse ibiguru ajya kugura sekeni mu bushinwa, none Mubarak, umaze kugaragaza ibimenyetso by’ubugwingire yatewe n’inzara n’izuba ryo mu Bugesera, yararindagiye asigaye atinya n’abahoberana, ngo iyo ababonye arahahamuka akibaza ikibyihishe inyuma. Yararahiye arasizora ko ngo u Rwanda ari igihugu cya kabiri kw’isi mu ntambara, ngo cyakubita ibihugu 20-30 byishyize hamwe. Niba Mubarak azakidnapa ba ambassadeurs b’ibyo bihugu akabateraniriza hamwe, akabakikiza ingabo agahamagara shebuja akabagira nk’ibyo yakoreye isoko, iyo mu bice bya za Kiziguro akabarasa yishimye, aseka, ngo nawe yageze ku rugamba, ntimumbaze numvise bindenze!
Icyo gisirikali ni cyo ejobundi cyabwiye abaturage ku munwa w’ishyamba rya Nyungwe, ngo bareke, bisubirire yo, ntawakomeza, ngo bagiye kwisubirira inyuma ntawarwana n’abantu bari mu biti, bagiye kuzana indege babarase! Ibaze nawe iyo tactic y’ubudasa yo kujyana indege kurasa ishyamba!!! Niba izo ndege ari bya bisekeni bya Nyamvumba bategereje bikaba bitaraza, byarakwamye, cg se byarabarushije ubwenge bikanga kuguruka, ntumbaze, ngo iby’ubu biguruka nta mababa!
Hagati aho, Kabarebe urebeka nk’umwana uri gukira interanya, yagiye kwifatira abana b’imfubyi badashobora kujya kubaza iwabo ibyo jenerali yavuze, ababyeyi babe bakababwiye bati ni ko zitambirwa mwa bana mwe, mujye mwumva mwinumire!
Ama camions ya MINADEF yo ntako atari yaragize aza guhunahuna kwa Mukwano muri Uganda ngo arebe ko Kabarebe yazanzahuka. Ni ukumusabira rero kuko imipaka yafunzwe kubera ngo umugore waje Entebbe avuga ko ba Dani Munyuza bamwiciye umugabo, ngo n’ikibazo cya ya mpunzi comrade, Rutagungira twarokokanye agafuni ka Dan Munyuza kuri training Nakivale 1991, n’umucuruzi Ayabatwa Rujugiro, waje gukorera business muri Uganda kandi Kagame ngo amufitiye ubwoba. Ngo mu mezi 6 gusa, Rujugiro abishatse, yaba amukuyeho. Jya utinya umuntu wagutungiye umuryango mu gihe cy’inzara! Ngo uwakugize umugabo yakugira n’imbwa!
Kubwo gutinya umugore, impunzi Rutagungira ishobora kuvuga amanyanga ya Kabarebe na Munyuza, n’uko Rujugiro yamugira imbwa, Kagame yasanze agomba gufunga igihugu, abaturage bose bakareka kurya no kunywa, ngo bicwe n’inzara ngo kugwingira ntawe byishe byica ubwenge gusa! N’ikimenyimenyi, igihugu kigizwe icyakabiri kw’isi mu gukomera n’uko RDF igizwe n’abana bagwingiye by’intangarugero. Ariko ngo imfizi ibyara uko ibyagiye da!
Uko kugwingira rero ntibizahagarara vuba, Armyshop yaritunzwe na Mukwano izihangana, imishahara y’abasirikali rero n’ukwihangana, bakitangira igihugu bajya babona ay’ukwezi kumwe mumezi 4, bakihangana, amezi 3 bakayaharira amavuta y’indege za ya nzererezi. Ubundi rero bibaye ngombwa ko barasa, Kagame yavuze ko, ngo ari ukujya barasa agasasu kamwe kamwe barondereza.
Nibihangane bakomeze bagwingire, gusa ni uko ngo akanwa karya ntikaguhe kavuza induru ntiwumve. Niba bifitanye isano n’imiyugiri iduhira mu matwi ya Kabarebe, ntumbaze, ikigaragara nuko iryo duhira niryivanga na za nshyi bamukubita azasara akiruka azenguruka aduhira dore ko we yisibiye amayira.
Ubugwingire, ubugwingire ni ikintu kibi cyane, kubona Kagame ahangayikishijwe kandi agaterura akavuga ngo M7 ngo ashaka kuba perezida w’u Rwanda ngo kandi ntazigera aba we?! Murumva ayo magambo atagaragaza ishukura riterwa n’ubugwingire?
Nuko agafunga imipaka, akivumbura, agatera akiyikiriza akanabyina, akaririra umuhisi n’umugenzi, akadusebereza igihugu imbere y’imbaga y’abanyamahanga! Genda Rwanda warakubititse!
Ubundi kugwingira ntabwo umuntu yakabisetse undi, ariko iyo abantu bangwingiye aribo baseka abandi, ari nabo bari kuzana igwingira mu gihugu, uhita ubona ko ibintu byicuritse, byose byangwingiye. Kandi kugwingira, ikintu cyambere byica, byica ubwenge. None igihugu kiyoborwa n’umuntu wangwingiye ari umwana!
H.T. Sankara
