Abatutsi batuye hafi y’imipaka ya Congo murarye muri menge!

Nk’uko buri wese abibona, ikinamico mu kinyoma kwa Kagame rirakomeje!!

Uko byagenda uko ari ko kose, agomba kujyana ingabo ze muri Congo ku mugaragaro kugira ngo akomeze kuvoma ibyo avoma afite icyo yitwaje kandi anishingikirije. Erega umuhungu yakigezeho kandi ni mu gihe! Ngo uwicishije inkware ukwaha ahora amanitse ukuboko!

Ibice by’iri kinamico, byifashe bitya sasa:

1. LETA YA CONGO IHA INTWARO UMUTWE WA FDLR.

Iyi nkuru imaze iminsi iri mu binyamakuru bya Leta ya Kigali bikayandika bihera kuri rapport y’impuguke za l’ ONU. Igitangaje ni uko “ibikubiye muri iriya rapport byose ari ibinyoma” usibye iyo ngingo gusa!! Nguko ukuri kwa Kigali!!

2. FDLR IGOMBA GUTERA U RWANDA

-Ubwo rubanda rumaze kumenya ko FDLR ifite intwaro izihawe na Leta ya Congo, ntigomba kuzicarana, igomba gutera!
-Igitero ntikigomba kumara umunsi wose kugira ngo abaturage batagira ubwoba bakabona ko “Urutare Kagame” rwahindutse isayo!
-“Imbwa z’abashenzi b’abahutu” zahunze urugamba rwa M23 zigomba kuraswa imirambo ikerekanwa, ikaba ari iy’abarwanyi ba FDLR.
– Sous la supervision de Kagame, General Rwarakabije ( ukiyobora nibura 90 ku ijana by’abiyita FDLR ) agomba gutegeka Laforge Fils Bazeye ( porte parole ) kwemeza ku maradiyo ko ari bo bateye.

3. IYICWA RY’ABATUTSI HAFI Y’IMIPAKA YA CONGO

-Kariya gatendo k’udutero imaginaires ntigahagije ngo Kagame abe yakwambutsa ingabo ze ku mugaragaro.
-Hagomba ikindi gitero gikaze cyane kigizwe n’abarwanyi magana atanu ( ari byo bishatse kuvuga inkoramaraso 10 cyangwa 20 za DMI !! ). Bazitwikira ijoro baze bibasire abatutsi hapfe hagati ya 20 na 30.
– Brig General Nzabamwita azatabara n’ingabo ze , baze bitwaje imfungwa 40 z’abahutu , bazambike gisirikare, bazirase mu rukerera, mu ma saa mbiri za mu gitondo atangaze ko banesheje abarwanyi ba FDLR hagapfamo 40 abandi bagasubira iyo bateye baturutse! (abumvise ikiganiro Nzabamwita yagiranye na Radio Ijwi ry’Amerika, biyumviye ko yita FDLR ngo ni abajenosideri. Aho Nzabamwita ntiyaba ategura abanyarwanda kuzumva ibyo bikorwa bya genocide bizitirirwa FDLR?)
– Rwarakabije azahita agura agakarita ka Tigo ahamagare Laforge Fils Bazeye, amuhe amabwiriza ati :”Bambwiye ngo uvuga ko impamvu mwibasiye abatutsi ari uko mu gitero cy’ubushize , bariya aribo batunze agatoki ba barwanyi banyu bishwe abandi bagafatwa”.
– Laforge Fils Bazeye azabisubiramo nka kasuku ku maradiyo yose, amafoto asohoke, inkuru ikwire ku ma televiziyo y’isi ko aba genocidaires baturutse muri Congo bakaza guhumbahumba abacikacumu no gukomeza genocide yakorewe abatutsi!

TOMBOLA NTINDI y’abazicwa izakorwa ite?

En fait, Gisenyi siyo nshinganwa, aya mabi Kagame ashobora kuyakorera n’ahandi hegereye umupaka wa Congo.

Niba uri umututsi w’umucikacumu utuye i Gisenyi, Ruhengeri cg Cyangugu ukaba uri muri kimwe mu byiciro bikurikira, ushatse wakwimukira i Kigali , mu Mutara cyangwa i Rwamagana.
– Kuba uri umucuruzi utaratanze agatubutse mu Gaciro Found
-Kuba winubira cyangwa udashishikarira gutanga umusanzu w’umuryango FPR
– Kuba waragaragaje ko intambara ya M23 itagushamaje
– Kuba ukekwaho kumenyana, kuvugana, kudatuka, kudaharabika ku mugaragaro “IBIGARASHA”
– Kuba ukekwaho kubona neza ko Kagame afitiye ubwoba bwinshi abo yita Umwanda, Amasazi, Ibigarasha n’Ibirohwa; bwakwiyongera kurushaho akabashakira irindi zina!!

4. DECLARATION DE GUERRE

-Kagame azahita ateranya abadepite n’abandi bategetsi b’ingeri zose ababwire disikuru ikakaye bya hatari, hagati y’ijambo n’irindi iminota itanu, avuge ko abanyarwanda batazemera gupfa kabiri, ko nibiba ngombwa n’i Kinshasa azagerayo! Azasohoka arakaye cyane mu mashyi y’urufaya, buke yohereza ingabo ku mu garagaro.
– Ba bafatanyacyaha be ;Tonny Blair na Bill Clinton ; bari barabuze ayo bacira n’ayo bamira muri iyi minsi, bazasubira ku ma televiziyo bamushyigikire, acukure amabuye abahe icya cumi!
-Ubwo kuri scène rideau izahita yifunga agafuni kabone abanyekongo abanyarwanda bagume ku munigo ubuzima bukomeze kwa Mpatsibihugu!

Ntabwo ndi Magayane , ariko gusobanukirwa n’udutendo, imipango no gutekinika kwa Kagame na FPR ye, ntibikigombera ubwenge bwinshi cyangwa impano mu guhanura.

Ngaha aho nibereye!!!

Valois Bizimana