Victoire Ingabire Umuhoza yegukanye igihembo cyo kurengera Ikiremwa muntu cy’uyu mwaka 2019 cy’umuryango APDHE (Espagne), mu gice mpuzamahanga.
Mu itangazo ryo kuri uyu wa kane tariki ya 14 Ugushyingo 2019 rigenewe itangazamakuru ryasohowe n’umuryango uharanira uburenganzira bw’ikiremwamuntu wo mu gihugu cya Espagne (Association des droits de l’homme d’Espagne (APDHE), uwo muryango watangaje amazina y’abantu bane batsindiye igihembo cyo kurengera ikiremwamuntu cy’umwaka wa 2019 (Prix des droits de l’Homme 2019).
Abatsindiye icyo gihembo ni:
-Igihembo cyo mu gihugu (Espagne) (Prix national): Jorge del Cura Antón
-Igihembo mpuzamahanga (Prix international) : Victoire Ingabire Umuhoza na Nora Morales de Cortiñas
-Igihembo cy’ubunyamakuru (Prix du journalisme): Pascual Serrano Jiménez
Iryo tangazo risoza rivuga ko umuhango wo gutanga ibyo bihembo uzabera kuri Instituto Cervantes de Madrid mu gihegu cya Espagne ku itariki ya 5 Ukuboza 2019, saa kumi n’ebyiri n’igice (18h30).
