Ku wa kane tariki ya 25/08/2016 Ambassadeur w’U Rwanda muri Congo-Brazzavile Dr HABYARIMANA Jean Baptiste ari kumwe n’abayobozi ba HCR ndetse n’abategetsi bicyo gihugu banyuranye barebwa n’ikibazo cy’Impunzi bagiye mu nkambi y’impunzi z’abanyarwanda iri mu nkengero z’umugi wa Brazzavile ahitwa KINTELE mu rwego rwo gukangurira impunzi gutaha.
Inama yatangijwe n’ijambo rya ambassadeur wibanze ku gukangurira impunzi gutaha ngo nkuko izindi mpunzi zirenga miriyoni 3 zamaze gutaha.
Nyuma ambassadeur yaje guha ijambo impunzi ngo zigire icyo zivuga.
Umwe mur izo mpunzi yafashe ijambo ariko avuga ko nta magambo afite avuga menshi ko ahubwo afite za rapports zinyuranye zakozwe n’imiryango mpuzamahanga nka Human right watchs (HRW) ndetse n’izi nzobere mu bushakashatsi zoherejwe n’Umuryango w’abibumbye zivuga ku marorerwa akorerwa abanyarwanda haba imbere mu gihugu ndetse no hanze. Avuga ko bari bwisangiremo impamvu zigaragara kandi zumvikana zituma Impunzi zidataha, yongeraho ko bari bwiboneremo amagambo akarishye cyane kandi ateye ubwoba abategetsi b’u Rwanda barimo Perezida Kagame ubwe na ba ministre be bakomeye nka MUSHIKIWABO na KABAREBE bakoresha kandi bigamba ko bishe benshi muri bo kandi babigambiriye ndetse banashimangira ko bazakomeza kwica, atanga urugero bari busange muri izo raporo aho KABAREBE yavuze ko iyo wihaye kubaho nk’imbwa upfa nkayo ahasigaye abayora umwanda bakakujugunya ngo udakomeza kunukira abahisi n’abagenzi kandi ko ibyo aribyo bitegereje n’abandi bose.
Icyatumye inama irangira ikubagahu bigatuma ambasaderi bamuvugiriza induru bamusaba gusohoka akabavira aho n’amagambo ababaje cyane yasubije umugore wari umubajie n’amarira menshi ndetse atunga agatoki HCR yo yacyuye nyina yagera mu Rwanda nta n’ukwezi amazeyo bakamukubita umuhini agapfa . Ambasaderi rero yamusubije ko ari bene wabo bavukana bamukubise uwo muhini atabanje no kumubaza n’izina rye ndetse n’akarere byabereyemo, Impunzi zahise zibibonamo ubushotoranyi zisakuriza rimwe. Aho Ambasaderi yabisabiye imbabazi ahubwo yungamo ati ” ESE MWAGIZE NGO MURI ABA CONGOLAIS, MUZANSHAKA NTABAHAMAGAYE KANDI NTIMUZAPFA KUMBONA” yabaye nkukojeje agati mu ntozi maze bose bahagurukira rimwe bamusaba guhita abavira aho.
Abari bahagarariye Leta ya Congo ndetse na HCR batangajwe n’uko ibintu bihise bijya irudubi kandi byari byatangiye neza impunzi zibitakanye baza kubabazwa n’ibisobanuro bahawe n’Impunzi doreko Ambasaderi yavuze ayo magambo mu Kinyarwanda.
Arnord
