Amakuru twamenye mu minsi ishize, nuko nyuma yo kugaragaza akarengane, ibinyoma, ubunyamaswa n’ubuswa bukabije buranga ingoma ya Kagame, nyuma yo kwamagana ku mugaragaro no gushishikariza abanyarwanda kwitandukanya n’IKINYOMA bakayoboka inzira nziza y’urukundo bigamije amahoro arambye, nuko Kagame yari yashizeho abantu batandukanye bo guhigisha uruhindu Kanyarwanda, ariko kubera ko nagize amahirwe yo kuba umukozi wa Leta, nkaba ndi umwe mu babona amakuru aba yagizwe ibanga, Imana yanshoboje gusimbuka umutego mutindi warugamije kumpitana.
Kugeza ubu kubera guhuzagurika, ubushobozi buke no gukekeranya bisanzwe biranga ibivume, Kagame, Dan Munyuza, Jack Nziza n’abandi bicanyi bamaze kuba ba ruharwa mu kumena amaraso, umugambi waracuzwe aba bagabo batatu bemeranya neza kwivugana Kanyarwanda ndetse bishorwamo akayabo ndetse biteguranwa ubuhanga kuko bakomeje kunshyiraho ingenza, haba imbere mugihugu, hanze yacyo kubera nkunda gutembera cyane ku mpamvu z’akazi nkora, bashyiraho maneko kuri facebook nyinshi zigenda zinsaba ubucuti aho bakoresheje amayeri yo kujya bashaka kundeba kuko batanzi neza, bagashaka ko tuganira dukoresheje “video call” nkabyanga ndetse nkabereka ko nabatahuye, bakohereza za e-mail nkanga kubasubiza, ibi babonye bibarambiye, nibwo batangiye gukoresha KURAGUZA UMUTWE aho bakoze urutonde rw’abantu bose bakeka ko ndibo, maze umunyamahirwe make, umwana muto MAKONENE GUSTAVE aba umwe mu bakekwaga kuba ariwe Kanyarwanda, baramugenza, kubera n’akazi akora gasaba gukora ubushakashatsi, icukumbura no kugaragaza ukuri, bashobora kumwivugana babaifashijwemo n’USHINZWE IBIKORWA “SOMA KWICA” muri Police y’u Rwanda Umwicanyi ruharwa Assistant Commissioner of Police DAN MUNYUZA abisabwe na shebuja uhoraho Jack NZIZA ku mabwiriza y’umugome kabuhariwe Paul KAGAME, rebahttp://www.igihe.com/amakuru/muri-afurika/u-rwanda/article/rubavu-umukozi-wa-transparency.
Hari hashize igihe hashakishwa umuntu w’umukoranabushake utagira ibinya wabasha “gukora ibikorwa” cyangwa washobora kwica benshi kandi akabikora neza kuko Kagame yasanze uko bucya nuko bwira agenda arushaho kugira abamurwanya benshi kandi bazi gusesengura, bamuzi umunsi kuwundi, bagenda bagaragaza UBUSWA, IBINYOMA, UBUGOME BUHAMBAYE BWAMURANZE, NDETSE BAKOMEJE KUMUBUZA AMAHWEMO kuko abaturage bamaze kumumenya no kumenya icyo ahora agambiriye gukora, bityo akaba abona ibisubizo igihe cyose mu gucecekesha burundu abamunenga, abamurwanya n’abatemera ibikorwa bye bibi akoresheje inzira imwe yize kandi afitiye uburambe yo GUKINDURA uwo wese ugaragaza kuba IJISHO RYA RUBANDA, aha tukaba tubibutsa neza ko, nyuma yo kwica mu buryo busa neza cyane nubwakoreshejwe mu guhitana Theogene TURATSINZE ntibigire ingaruka n’inkurikizi, kuko ukuri kwari kuzwi, ababikoze (abishe TURATSINZE) nibo bakoreshejwe mu guhitana umusore w’imyaka 33 wavuzwe haruguru bamwitiranyije na Kanyarwanda, wandikira ku rubuga mpuzambaga rwa facebook, inzandiko ze zigasakazwa n’imbuga za internet zitemewe mu Rwanda kuko ibitekerezo bya Kanyarwanda ubundi mu Rwanda rwa Kagame bifatwa nko guhmukira igihugu no kukibuza umudendezo wacyo.
Ejo bundi aha niho byabaye ngombwa ko nkora urugendo rwihutirwa mu bihugu by’abaturanyi ngamije kuzibukira, kuko narimfite amakuru y’uko mpigishwa uruhindu, nyamara mu kumpiga bakaba barakekeranyaga, batazi neza uko Kanayarwanda asa, aha rero niho za nzego z’ubutasi za Jack NZIZA nakwita ko zirya amafaranga y’ubusa zahimbaga ko zifite amakuru ahamyako bamenye uwo ndiwe, maze mu rwego rwo ku mburira, bamwe mubazikoramo bansaba kuba nigiyeyo gato, ndetse bamenyeshako habaye gushidikanya kugaragara, ariko icyo ntabashije kumenya nuko bahubutse bakivugana umwana muto utazi iyo bijya n’iyo biva, bashingiye ku nkuru nanditse ijyanye n’ibigo by’amashuri bimwe muri Gisenyi, byirukanaga abarimu kubera kubura ayo babahemba aho bamwe bahitishwagamo kwemera kugabanyirizwa umushahara bakazajya bahembwa 75% gusa, nyamara tuziko nubusanzwe bahabwa intica ntikize.
Nkaba ndangije nibutsa aba bicanyi hamwe n’insoresore zijandika muraya mahano ko ntakitagira iherezo, bityo iherezo ryabo bose riri hafi, ko bashatse BAKWUNAMURA ICUMU, kuko imyanya abashukisha akabahindura INKORAMARASO mutazayicaraho ngo mutuze igihe amaraso y’inzirakarengane z’abanyarwanda nka TURATSINZE, MAKONENE, KAGGWA, RUGAMBAGE, SENDASHONGA, KAYUMBA n’abandi banyarwanda n’abanyamahanga barenga Miliyoni 10 mumaze guhitana mu buryo buziguye n’ubutaziguye, ARI UMUVUMO KU BANYARWANDA BOSE, abahutu, abatutsi, abatwa, imvange n’abahawe ubwenegihugu kimwe n’abafitanye isano natwe bose (abanyamulenge, cyangwa abavuga ikinyarwanda n’ikirundi). Tumaze kuba ba ruvumwa kubera abantu bake cyane bitwaza FPR, kandi nkaba nabahanurira ko umunsi muzabona iryo shyaka ritindi ricitsemo kabiri, hakaduka inyaswa yari yarakomerekejwe ikibagirana, umunsi muzabona abashinze iryo shyaka bitandukanyije na Kagame bagasubiza agaciro FPR yahoranye muzamenye ko bigeze ku ndunduro.
Ubutumwa bwanjye nuko, mwe mubona ubu bwicanyi mukicecekera, yaba umuhutu, umututsi, umutwa, imvange, umunyapolitiki, umunyedini, umusiviri na cyane cyane mwebwe basirikare mubikora aho kubirwanya mukomeje gutwikwirwa n’ubwoba, hari umunsi utari uwa kera muzajya MWICUZA UKO GUCECEKA mwibwira mu mitima yanyu muti: “Iyo tubimenya tugatesha hakiri kare ntituba tubuze abo twakundaga…”, nkaba nsoje mbibutsa ko Imana irakariye cyane Gahini (Kagame) uri kwica barumuna be b’ingaragu, ibi bikozwe bisize umukobwa umwe ntazi mu gahinda, bizimangatanyije ibikorwa byiza byari kuzubaka igihugu, bitumye umubare w’abagumiwe wiyongera, bisize ababyeyi, inshuti, abavandimwe n’umunryango nyarwanda mu marira, uyu munsi Makonene uvukijwe ubusore bwe, ejo ni umubyeyi uzasiga imfubyi n’abapfakazi, agasiga inshike… Mbega Rwanda uraganahe????? Amasengesho atagira ibikorwa ntacyo akemura, mutere intambwe imwe gusa, Imana ibasanganize 99, muve mu bugome no mu mwanda mubi, muyoboke ukuri bigishoboka. IMFURA ZIRASHIZE!!!!!!
Kanyarwanda
Comments are closed.