Leta ya Malawi ivuga ko naho urukiko rwafashe icyemezo cyo kuba ruhagaritse ingingo yo kwimura impunzi ziri mu mijyi zigasubira mu nkambi, ngo nyinshi zimaze kugenda.
Ku wa Kabiri w’iki cyumweru twabagejejeho inkuru y’icyemezo cya leta ya Malawi yari yahaye impunzi z’Abanyarwanda, Abarundi n’Abanyecongo, umunsi wo ku wa Gatatu kuba zasubiye mu nkambi bitaba ibyo hagakoreshwa ingufu.
Ubu guverinoma iravuga ko yabaye ihagaritse gukoresha ingufu mu gusaba abantu barenga 1.000 baba hanze y’inkambi y’impunzi nyuma y’icyemezo cy’urukiko cy’agateganyo.
Ariko minisitiri ushinzwe umutekano w’igihugu yabwiye BBC Gahuzamiryango ko benshi mu mpunzi zirebwa n’iki cyemezo bamaze gusubira mu nkambi.
Richard Chimwendo ni ministiri w’umutekano muri Malawi, yavuganye na Prudent Nsengiyumva, amubaza aho icyemezo cyaturutse
(Umva aho hasi ikiganiro bagiranye)
BBC
