RNC IRISHONGORA KU BAHUTU KUBIREBA ZA LISTES FPR IKORERA ABAHUTU: Boniface Rutayisire

ITANGAZO:RNC IRISHONGORA KU BAHUTU KUBIREBA ZA LISTES FPR IKORERA ABAHUTU. NTABWO RERO OPPOSITION IRIMO ISHYAKA BANYARWANDA YEMERA ICYO GISUBIZO CYATANZWE NA RNC.

Kubijyanye n’ibivugwa ko leta ya FPR i Kigali irimo gukora amaliste y’abantu ibihumbi n’ibihumbi barimo abere benshi, FPR ikaba igamije kubabuza uburyo babagerekaho genocide batakoze, ndagirango menyeshe abanyarwanda ko igisubizo dufite gitandukanye n’icyo Bwana Rudasingwa Théogène uhagarariye ishyaka RNC riri muwundi murongo tutari kumwe wa opposition. Nk’uko mumaze kubimenyera, opposition nyarwanda irimo imirongo ibiri ya politiki kandi iyo mirongo ibiri itandukanye ifasha opposition kuko bituma opposition nyarwanda idasubira inyuma mumyumvire kandi hagategurwa n’imitego myinshi igenda itegwa na FPR rwihishwa cyangwa kumugaragaro.

Rudasingwa uhagarariye RNC yavuze ko buri muntu uzibona kuri liste izakorwa na FPR imurega genocide azajya aterefona Rudasingwa. Ntabwo Rudasingwa asobanura icyo azakora kugirango avane abo bantu kumalisti cyangwa mubitabo bizaba byaratangajwe na leta ya FPR. Nta n’ubwo tubona imbaraga yakoresha ngo abavanishe kumalistes kandi ntajambo afite kuri iyo leta.

Twe rero mu ishyaka Banyarwanda dufite ibisubizo bitari amagambo ndetse ndagirango nongere mpamagarire abanyarwanda bose kwitabira iyo gahunda yacu bwangu leta ya FPR itarabahinamiranya.

Twe ntitugamije gukingira ikibaba ababa barakoze ibyaha, ariko na none ntitwemera ko leta ya Kigali idafite ubucamanza buzima yakomeza kugaragura abanyarwanda ibeshya ngo irabahana. Ntabwo leta ya FPR yakoze genocides nyinshi (hutu tutsi na congolais) ariyo yakongera ikavuga ko igiye guhana abicanyi kuko muby’ukuri ntabwo leta ya Kigali ihana ahubwo yikiza abanyarwanda bose bayibangamiye. Leta ya Kigali igamije kugarura ubuja n’ubucakara kubireba abahutu. Leta ya Kigali icyo igamije ni ugupfukamisha abahutu bose noneho mu Rwanda bakimika apartheid. Ibyo rero ntabwo tuzabyemera niyo mpamvu nazamuye umurongo wo kwibutsa ko FPR ari ishyaka ryakoze genocide hutu na tutsi na Congolais kandi abanyarwanda bose barabisobanukiwe, n’abanyamahanga barabishyigikiye noneho kuri ubu. Kubireba Ishyaka Banyarwanda ryo niyo gahunda rishyize imbere.

Igisubizo rero Rudasingwa Théogène atanga njye ntabwo nagishyigikira kuko nsanga byaba ari nko kwishongora kubahutu. Kuvuga ngo umuntu uzashyirwa kumalisti abeshyerwa azamubwire bimeze nko gusuzugura abahutu. Kuki se abatutsi bicanye bo batajya kumalisti y’abagenocidaire kandi barakoze genocide hutu na tutsi. Niba Rudasingwa se ataravuze kuri icyo kintu s’uko yaba yibaza ko abatutsi batakoze genocide !!!

Mu ishyaka Banyarwanda rero twe twanga agasuzuguro ubwoko bumwe bushobora kugirira ubundi. Turasaba RNC na FDU ya Nkiko gusobanura imvugo kumugaragaro bakemera genocide hutu kandi n’abayikoze bakabihanirwa. Nibitagenda gutyo ntabwo bazacana ngo wake muri opposition.

Mu Ishyaka Banyarwanda turahamagarira abanyarwanda bose gusanga opposition ririmo maze abicanyi bose bagakanirwa urubakwiye.

Ishyaka Banyarwanda rirahamagarira abahutu n’abatutsi bashyira mugaciro kwemera kurwana intambara y’ukuri maze bakatwunganira kugirango duhashye n’ubwo bwicanyi bwa FPR ikomeza gushaka gukora ibuza amahoro abanyarwanda bayihunze.

Buri wese amenye ko ibi tuvuga ni gahunda twatangiye gushyira mubikorwa ntabwo ari amagambo.

Niba FPR ihagurutse igiye gukora amaliste yayo, natwe abanyarwanda dukomeze ya gahunda yacu yo gushyiraho commission yigenga muri opposition igamije kurundanya ubuhamya kubicanyi bose b’abatutsi batarahanirwa kuba baratsembye abahutu. Ibyo kandi birareba uturere twose tw’u Rwanda. Ibizava muri iyo Komisiyo turimo dushyiraho bizaba bifite uburemere kurusha ibya FPR mubihe byose kubireba umunyarwanda wese aho ku isi kuko bizaba ari ukuri kwambaye ubusa kandi kutazigera gusibangana. Ibya FPR byo ibyinshi bizayoyoka kuko aba ari ibinyoma.

Mukwakira ubuhamya ndamenyesha abizitabira iyo gahunda ko nta binyoma dushaka nta no gukabya dushaka. Turashaka ukuri kwambaye ubusa maze kwifashishwe mukubuza amahoro abicanyi bose aho bari ku isi ntakurobanura amoko. Yaba umututsi wicanye cyangwa umuhutu wicanye ntabwo agomba kwishongora kuwundi cyangwa ngo ahabwe uburenganzira bwo kurenganya abanyarwanda. Buri wese amenye ko ubucamanza atari ugufata umuntu ukamwinjiza muri prison byonyine kuko ntibihagije. Ahubwo n’iyo umwicanyi umwamaganye kandi ukaba ufite ubushobozi bwo kuvuga za leta n’izindi za organisations mpuzamahanga zikakumva, iyo bibaye biba ingirakamaro cyane ndetse bigahindura byinshi. Ndibutsa abanyarwanda bose ko kugeza ubu ndi umu opposant amahanga yose yumva neza ndetse na za organisations z’isi yose ziri en contact n’u Rwanda ziranyuma. Ibyo ntawe ubishidikanya kuko abo nandikiye bose baransubiza ndetse abo utatekerezaga ko basubiza barasubiza. Ndifuza rero gufatanya namwe abanyarwanda mwese mushyira mugaciro tugaca agasuzuguro bose maze abicanyi b’abatutsi ntibazakomeze kwishongora kubahutu bifashishe ingoma ya FPR ibashyira imbere. Nimureke tubereke ko abicanyi bose imbere y’amahanga n’abanyarwanda ari kimwe baba abahutu cyangwa abatutsi.

Kubera iyo mpamvu, mfatanije n’ishyaka Banyarwanda hamwe n’abandi mwese mugenda mwitabira iyo gahunda, niyemeje gushyiraho commission yo kurundanya ubuhamya kubwicanyi bwose maze ahasigaye ivumbi ritumuke.

Niba muri IBUKA ASBL yo mu Rwanda ikora akazi kayo ko guhonyora abahutu ikavuganira abatutsi bonyine, twe tuzarengera abanyarwanda bose twifashishije TUBEHO TWESE ASBL yacu kandi kugeza ubu hari aho batumira Tubeho Twese ntibatumire Ibuka kuko baziko Ibuka ivangura abanyarwanda.

Niba muri politiki FPR na leta yayo biyemeje kurenganya abanyarwanda natwe mu ishyaka Banyarwanda tuzashyiraho politiki yo kubarengera.

Niba FPR ihagurukanye n’ingabo zayo z’inkotanyi, natwe Insangizamahoro zacu zizazimya uwo muriro duhirike FPR abatarakoze ibyaha tubabanishe n’abandi banyarwanda.

Niba FPR ikomeje guhiga impunzi izibuza amahoro kukubona ibyangombwa, FPR ikazibuza imibereho n’amahwemo, natwe amatsinda turimo dushyiraho ya Banyarwanda Salvation Army agizwe n’abagiraneza b’abakorerabushake bazafasha abatishoboye n’impunzi bazihe ibiryo, imyambaro kandi bazunganire mubyangombwa bakoresheje ukuri ndetse bateze imbere ubwiyunge mubanyarwanda.

Bitangarijwe i Bruxelles, tariki ya 09/11/2012

RUTAYISIRE Boniface

President w’Ishyaka Banyarwanda akaba na President w’association y’abavictimes Tubeho Twese

Tel : (32) 488250305

Email:[email protected] (yahoo.fr)

 UMUGEREKA:

Nk’uko nabibagejejeho muminsi ishize, Ishyaka Banyarwanda ryiyemeje guhuza ingufu n’abandi bantu bose babona ibintu kimwe n’ishyaka Banyarwanda baba amashyaka cyangwa abantu kugiti cyabo. Muri iyo gahunda, ndamenyesha abantu ko ngiye gukomeza kugirana imibonano kugirango habe uguhaguruka kwa benshi bahuje imibonere n’ishyaka Banyarwanda ariko ibyo bizakorwa mubwuzuzanye n’ubwunganirane kandi ibyo bikazakorwa bitabujije ko buri wese agumana imikorere ye ariko ibyo akoze bikuzuzanya n’ibyacu twese.

Muri iyo gahunda ariko ndibutsa ko biri no muri gahunda ijyanye n’uko muri opposition harimo imirongo ibiri ya politiki. Abakurikira baribuka ko umurongo wa mbere urimo Ishyaka RNC n’abandi biyemeje guhurira mucyo bise Rally against Kagame in Boston.

Kurundi ruhande rw’umurongo wa opposition rero hari ishyaka Banyarwanda n’abandi bantu bose n’amashyaka babona ibintu kimwe natwe cyane cyane kubijyanye no kubaha génocide hutu na tutsi no guhana abazikoze nta kurobanura amoko, etc. Muri iyo opposition politique nyarwanda itabarizwamo ishyaka RNC ntabwo turwanya Kagame wenyine nk’uko abo muri RNC na bagenzi babo aribyo bashyize imbere. Twe ahubwo turwanya système yose ya FPR na Kagame uyiyoboye arimo.