Yanditswe na Marc Matabaro
Amakuru ava muri Canada mu mujyi wa Montréal aravuga ko umunyarwandakazi Salomé Nyirarukundo yegukanye umwanya wa mbere mu rwego rw’abagore muri Marathon de Montréal.
Salomé Nyirarukundo yakoresheje amasaha 2 n’iminota 28 n’amasegonga 2 (2:28,02), yegukanye kandi igihembo kingana n’amadolari y’Amerika ibihumbi cumi na kimwe (11.000$).
Ku ruhande rw’abagabo, umunyakenya Ezekial Mutai, niwe wegukanye umwanya wa mbere akoresheje amasaha 2, iminota 11 n’amasegonda 5 (2:11,05) nawe akazabona ibihumbi cumi 11 by’amadolari (11.000$).
Mu bagabo kandi umunyarwanda Jean Marie Vianney Uwajeneza yegukanye umwanya wa gatatu akoresheje amasaha 2 iminota 18 n’amasegonda 10 (2:18:10)
