Amakuru agera kuri The Rwandan ava mu burasirazuba bwa Congo aravuga ko abarwanyi ba Nduma Defense of Congo (NDC) bayobowe na Cheka bagabye igitero mu ijoro ryo ku wa gatanu tariki ya 6 rishyira ku wa gatandatu tariki ya 7 Werurwe 2015 ahitwa Luhanga na Kalevya ku rugabano rw’intara za Walikare na Lubero ahiganje impunzi z’abanyarwanda zirinzwe n’abarwanyi ba FDLR.
Amakuru atugeraho avuga ko mu gihe cy’i saa kenda z’ijoro kuri uyu wa gatandatu abarwanyi ba Mai-mai Cheka baturutse ahitwa Busekera batera umudugudu wa Luhanga.
Muri iyo mirwano bivugwa ko abarwanyi ba FDLR basubije inyuma icyo gitero bakica abarwanyi 2 ba Cheka abandi 4 bagakomereka bikomeyenaho ku ruhande rwa FDLR hagapfa umwe.
Bivugwa ko nyuma y’iyo mirwano kuri uyu wa gatandatu ingabo za Congo zaje gushinga ibirindiro hafi y’aho hatewe.
Bisanzwe bizwi ko umutwe wa Mai-mai Cheka ukorana hafi n’ingabo z’u Rwanda (RDF) ziwuha intwaro n’amafaranga ndetse n’abasirikare ba RDF bo muri Special Forces bakunze kwivanga n’aba Cheka mu kugaba ibitero.
The Rwandan
07.03.2015
