Amwe mu mashyaka atavuga rumwe na Guvernoma ya Mozambike akorera imbere mu gihugu aranenga icyemezo Perezida Filipe Nyusi w’iki gihugu cyo kwemera ko ingabo z’u Rwanda ziza gucungera umutekano mu karere ka Cado Delcado karangwamo intambara. Abanenga iki cyemezo babishingira ko atari umushinga waciye mu nteko ishinga amategeko, hakiyongeraho ko u Rwanda rutari mu kmuryango w’ubukungu w’ibihugu by’Afurika y’Amajyepfo SADC.
Ishyaka ritavuga rumwe n’ubutegetsi bw’u Rwanda, RNC, rikorera hanze y’igihugu na ryo ryamaganye icyo cyemezo. Umunyamakuru w’Ijwi ry’Amerika Tim Ishimwe, yabajije umuvugizi waryo, Mutabazi Etienne, utuye muri Afurika y’Epfo impamvu bafite impungenge y’uko ingabo z’u Rwanda zoherejwe muri Mozambike.
