Urukiko rw’Ubujurire rwagabanyirije Nsabimana Callixte (Sankara) igihano, kuva ku myaka 20 yari yakatiwe n’Urukiko Rukuru, rumukatira imyaka 15 bitewe n’uko yorohereje Ubutabera kubona amakuru yerekeranye n’imikorere y’Umutwe wa MRCD-FLN.
Urukiko rwagumishijeho ibihano ku bandi bose bagize uyu mutwe barimo Paul Rusesabagina na Nizeyimana Marc, bashinjwa kuba ku isonga mu gushinga no gutera inkunga ibikorwa bya FLN.
Urukiko rw’Ubujurire rwavuze ko hari ibyo Nsabimana Callixte yarusobanuriye byashingiweho agabanyirizwa ibihano, kuko ngo yagaragaje uburyo yafashije ubutabera kubona amakuru ajyanye n’imikorere y’Umutwe wa MRCD-FLN.
