Leta ya Uganda iravuga ko icyemezo cy’Urukiko Mpuzamahanga rw’Umuryango w’Abibumbye (ICJ) gitegeka icyo gihugu kwishyura Repubulika ya Demokarasi ya Kongo indishyi ya miliyoni $325, kitabayemo ubutabera.
Uganda iravuga ko uwo mwanzuro wafashwe Repubulika ya demokarasi ya Kongo itabanje kugaragaza ibimenyetso yasabwe n’urwo rukiko bityo ikavuga ko iwuhinyuza kandi itawemera.
Umunyamakuru w’Ijwi ry’Amerika Ignatius Bahizi uri i Kampala muri Uganda yabonye inyandiko yasohowe na ministeri y’ububanyi n’amahanga ya Uganda, aganira na bwana Okello Oryem ministiri wungirije w’ububanyi n’amahanga wa Uganda. Ni byo atugezaho muri iyi nkuru:
